غدر يبني طريق العشگ

البارت 1

(غدر يبني طريق العشگ)

بقلمي #اقبال_محمد
&&&&&&&&&&&&&

عسل كعدت الصبح ساعه 6 ونص احب اكعد يوميه هيج وكت اكعد نشيطه ..
اليوم جمعه ماعندي دوام  جريت الفون يم راسي فتحت نت شفت نبراس مفاتحه نت يوميه اكعد .. الكاها فاتحه قبلي دزيت الها صباح الخير ..
ذبيت الفون مابي شي كمت غسلت وجهي ورحت للمطبخ كلهم مجتمعين بابا وماما واحمد وعبد

عسل صباح الخير

ردو عليه ...
رحت كعدت بصف بابا مخلين الصينيه مال الريوك
امي صبتلي جاي
ابو احمد شلونج بويه ...
عسل الحمدلله ..

ابو احمد السنه علمي موو

عسل ان شاءالله بابا علمي

احمد ولج وينج وين العلمي انتي . . تريد تصير دكتورة ..
ابو احمد وليش متصير دكتورة واحسن دكتورة ..

عسل انته شايف روحك طلعوك بالدفرات وذبيت روحك ع العسكريه عبالك مثلك اني بنت ابوي اذا ماطلع الاولى ع العراق .... بس اكول حميت شويه ذبو عليه مي ...

ابو احمد خررب يومج صدك حميتي بابا ..
عبد الله ولج عسوله خوش تصيرين دكتورة حشاشه ..
ام احمد  يمه تريكي كعدتي من الصبح اسولفين خلي انفض الريوك اليوم جمعه ...

عسل تمام بس بيت خالي اليوم يجون ..

ام احمد ماعرف اذا يجون هلا بيهم

تريكت وغسلت المواعين ويه امي ورتبت المطبخ ..
ودخلت سبحت وبدلت اخذت تلفوني خابرت نبراس
كالت شويه ونجي

عسل وتجين انتي وياهم مو ..؟؟

نبراس اكيد اجي وعندي كومه حجي ...

عسل شنوو غردي خيه ..؟؟

نبراس لا لا مو مال موبايل ..

عسل لج بنت الاوادم تدرين بالفضول شيسوي ...

نبراس هههههه ادري بيج  من يوم يومج فضوليه...
يله ولج شويه ونجي

ختمتها وياها وكلت الامي راح يجون ...
ابوي كاعد بالاستقبال كعدت يمه ونسولف ...

فجاه كال تره ابو الحسن عمج رايدج لابنه الحسن

عسل شنوو ...!!!

ابو احمد ذاك اليوم حاجاني كتله اشوف البنيه ..  وارجعلك خبر وعلمود دراستج يكول تكملها يمه ..
ماعنده مانع ...

اني الصراحه عاجبني الحسن حلوو ومحامي ...
بس عيب من بابا هسه خلاني بموقف ماحسد عليه ضليت امتمت

عسل اااا ابكيفك بابا بس اهم شي دراستي ..

ابو احمد ان شاءالله هذي اهم شي ... كومي صبيلي جاي  باباتي ...

عسل تدلل كمت واني حمره ع صفره ع خوف ع فرح كلشي بيه خليت الجاي ع النار واني افتر
اجتني امي ...