غدر يبني طريق العشگ

البارت 32

(غدر يبني طريق العشگ)
#بقلمي_اقبال_محمد
&&&&&&&&&&&

للعصر واجه ضايج ويتنهد بقهر ..!!!!
عسل شكو حيدر ..؟؟؟

حيدر ماكو شي حبيبتي ..

عسل لعد ليش ضايج ومقهور ..

حيدر لا تحاتين ماكو شي عمري ..

ماقنعني بكلامه ابددد صار الليل واجاه اتصال طلع بره جاوب شويه ورجع ..

حيدر امشي اوديج لاهلج ..

عسل حيدرر شكو اهلي بيهم شي كول ..؟؟

حيدر ماكو شي  دمشي ابوج يريدج ..

حس كلبي بابا بي شي  نزلن دموعي ..

عسل بروح ابوك بابا بي شي ...

حيدر ياعمري مسحي دموعج  متصوب برجعته للبيت وجايه بجتفه الطلقه وهسه مابي شي وكاعد كايل الاحمد خلي يجيبها رجلها اريد اشوفها ..

لطمت ع وجهي ..

عسل صخام الصخمني يمه ابوي ..

حيدر ولج لا تسوين هيج بروج مابي شي ومتعافي هسه بدلي خلي اوديج ..

ركضت للغرفه لبست شالي والعباء ..

صعد يمه والطريق كله دموعي مانشفن وصلنه للمستشفى .. انطاهم حيدر اسمه ودلونه ع غرفته دخلت اركض حضنته ياحبيبي ياسندي ..

عسل بابا حبيبي شلونك ..

ابو احمد الحمدلله بويه لا تحاتين مابيه شي ..

عسل شلون تصوبت ومنو ضربك بابا ..

ابو احمد ماعرف منو برجعتي طبكت كبالي سياره ومضلله وكامو يضربون بس اطلعهم من جوه الكاع والله ..

عسل وهسه شلونك طلعو الطلقه ..

ابو احمد الحمدلله هيه بسيطه اجتي وطلعوها ..

عسل الحمدلله حبيبي شعندي غيرك اني ..

حيدر الحمدلله ع سلامتك عمي ..

ابو احمد الله يسلمك وليدي ..

عسل ليش ماكتلي من الصبح واني اكلك شبيك صاير شي ..

حيدر ماردت اهبطج وهو جان بالعملية اله خابرني احمد كال صار زين جيب عسل ..