غدر يبني طريق العشگ

البارت 30

(غدر يبني طريق العشگ)
#بقلمي_اقبال_محمد
&&&&&&&&&&&

ابو احمد بابا شنو الصار بيناتكم وخلا يضربج هيج ..؟؟

عسل بابا اكتشفت خيانته وصار بيناتنه كلام وضربني ..

ابو احمد شلون كشفتي يخونج الرجال شاريج يحبج مبين من عيونه ..؟؟

عسل وحده دزتلي صور وياها ..

ابو احمد ومنو مايكول الصور قديمه وحده حقوده تريد تخرب بينكم ..

عسل بس مبينه الصور جديده ..

ابو احمد بنيتي الرجال عاشكج ومستحيل يخون فكري عدل ..

عسل بابا فكرت ماريده يعني ماريده اذا الصوره قدسمه ولا جديده ماريده خلي يرجع الها حتلو قديمه ..

ابو احمد مايصير هيج الحسن كلتي عليه خاين وكتلج التردينه يصير مدامنه بعدنه بالبدايه وطلكتج منه انوب حيدر شهرين مصار الكم وتردين الطلاك العالم شتكول شهرين وطلكها ..

عسل شتريد دكول خلي دكول مايهمني كلام الناس .. مااضل وياه واذا جبرتني ارجع احرك روحي ..

ابو احمد ولج بويه عندج شي يثبت خاينج او طالع ويه وحده ..

عسل لاا بس هو اعترف بالسانه ..

ابو احمد شكالج ..

عسل كال الصور حقيقيه بس قبل لا نتزوج ..

ابو احمد هاهيه اذا قبل زواجكم يعني ماضي ومامسموحلج تحاسبي ع ماضيي ...

عسل بس اني متاكده جديده الصور وره زواجنه وهو ضربني وهاني واني صار عمري 20 وانته ماضاربني..

ابو احمد ضاربج لان متجاوزه عليه ومضيعه حقج وانتي بنتي واعرفج لسانج فالت ومتبري منج ..

دنكت وكمت ابجي ..

عسل يعني حتى انته بابا صرت ضدي وتريد ترجعني اله شسوي ماريده ماريده خاين وحقير ضربني بلا رحمه ..

ابو احمد بنيتي مو ضدج وشحده الي تعداج بس الطلاك اني مارضه بي لان اغضب الاشياء عند الله هو الطلاك ..

عسل لعد الخيانه مو حرام من يخوني ويروح لغيري ماتحاسبه واني ازامط بيك وباخوتي تالي اجيتكم مضروبه تريدون ترجعوني ..

كمت ابجس واشهك كام عبدالله حضني وكومني باس راسي ..

عبدالله اششش يابعد اخوج والله الاخلي يحفه ومايطولج بسيطه بس احنه مانريد خراب بس وداعتج دموعج اذا طلع صدك خاينج ورايح لغيرج يحلم حلم ترجعيله ..

احمد هاهيه حبيبتي مثل ماكال عبدالله سكتي حبيبتي ..

ابو احمد هاهيه بنيتي اني ماذابج ماكو اغلى منج ..