غدر يبني طريق العشگ

البارت 28

(غدر يبني طريق العشگ)
#بقلمي_اقبال_محمد
&&&&&&&&&&&

مر اليوم وثاني يوم من الصبح طلعنه لبغداد  ..
رجعنه لبغداد .. لبيت عيالي .. شافونه وتعجبو ..
ليش اجيتو من وكت مو كلتو اسبوع ..

كاللهم حيدر  عندي شغل ورجعنه ..

العصر جنت متمدده وحيدر يمي .. اتصلت امي ..

عسل هلوو ماما  شلونج ..

ام احمد هلا حبيبتي بخير اني انتي شلونج ..

عسل الحمدلله بخير شلونكم بابا شلونه ..

ام احمد الحمدلله اليوم نزل وكال خابريها مشتاقلها ..

عسل حبيبي اني اكثر مشتاقتله والله حمودي شلونه وعبودي ..

ام احمد كلهم بخير ويسئلون عليج ..انتي وين اجيتو من العماره ..؟؟

عسل اييي اليوم اجينه ..

ام احمد لعد جيبي رجلج وتعالي اليوم يمنه ابوج يكول خلي تجي ..

عسل ان شاءالله اكوله يجيبني ..

ام احمد يله لعد ننتضرج ..

ختمتها وياها وصديت ع حيدر شفته نايم مادري يتصنع النوم ..

دحست راسي بحضنه .. حاوطني بدينه وباسني بشعري ..

عسل حبيبي كوم اريد اروح الاهلي ..

حيدر خيرر ليش ..؟؟

عسل ابوي يكول خلي رجلها يجيبها مشتاقلها واني والله مشتاقه الاهلي ..

حيدر واني اشتغل عند ابوج .. مصار اسبوع من تزوجنه  وين رايحه ابقي ابحضني ..

عسل يااا حبيبي مايصير والله مشتاقيت الاهلي ..

حيدر امري الالله بس بعد وكت شويه انوب انروح ..

ضليه سويه صارت ساعه خمسه ونص وكوه جريته من الفراش راح سبح وبدل واني هم سبحت ورتبت غرفتي بدلت وطلعه لبست عبايه راس ..

وصلنه هناك قبل لاادخل كالي بيته ممنوع بليل اجي عليج ..

بس وصلت الباب عفته ودخلت اركض نسيته يمااا يابيت اهلي فتحت الباب ودخلت من  باب المطبخ بس مردود مامقفول دخلت ع الصاله جفت .. كلهم ملتمين

عسل عااااا اني اجيت .. ركضت لبابا حضنته ..

ابو احمد حبيبتي بنيتي .. حضني وباسني براسي .. شلونج بعد ابوج ..