ان كان غيري جاز لك في غيابي .... غيرك تعنى لي وانا صدّيته

البارت السادس عشر

لا اله الا الله
محمد رسول الله

........

زاد الحلا ريقه و زادت به البحه
و انا على بحته بموت من همي
-
بين السوالف تخون السالفه كحه
واقرى عليه الفلق والناس وآسمّي

......

عند الرجال
الشباب يسولفون مع بعض
والرجال يسولفون مع بعض

قطع حديثهم رنة جوال عبدالعزيز
عبد العزيز وهو يكلم الشباب : عن اذنكم شباب ( وهو يرفع الجوال ) مكالمه ضروريه
طلال : اذنك معك يا ولد العم اخذ راحتك
( راح عبد العزيز للحديقه ... اما طلال كمل حديثه مع احمد )

عند البنات
رغد وهي تاكل تفاحه : بنات ملل
ريم : اقول ابلعي وانتي ساكته
ريم بخبث راحت لتسريحة ريم : ريم من وين هالروج عجبني كثير
ريم بدون مبالاه: طلبته من الانترنت
رغد حملته وراحت عند الباب : طيب باخذه حقي
( عند ريم كل شي الا المكياج )
ريم بتهديد : رغيد وجع رجعي الروج
رغد وهي تطلع لسانها : تحلمي خلاص صار ملكي
قامت ريم ورا رغد عشام تاخذ الروج
رغد من شافت ريم قامت حطت رجلها وهربت
ريم وهي تهرب ورا رغد : رغد رجعي الروج لاذبحك
رغد وهي تطلع للحديقه : لا انا عجبني وباخذه
ريم وهي تمشي تعبت من وين تركض : رغد حبي هاتي الروج لا والله اكسر يدينك
رغد وهي تمشي على ورا: نو نوو تعالي اخذيه انتي
ريم شافت عبدالعزيز ورا رغد : رغد
رغد وهي تمشي على ورا وقاطعتها  : قلت لا يعني لا بالله تعالي اخذيه
ريم : رغد شوفـ...
رغد وهي تقاطعها ومستمره ف المشي : خوافه ليش وقفتي
( ريم ضربت راسها بيدها من غباء بنت عمها وهربت قبل لا يشوفها ولد عمها )
رغد وهي تمشي على ورا وبصراخ : يا خووافه ليش هربتي ... اكيد خفتي لا اغـ...
انصدمت من شي صلب وراها
رغد وهي تفكر بغباء : ما اذكر عمي مسوي هنا جدار ... عيل وش هذا
( لفت عشان تشوف وش ذا اللي صدمت به)

.............
عند نور

نور وهي تكلم دانه بالجوال : ليش
رنا : معليه حبيبتي اوعدك باكر رح نزوركم
نور : طيب وش السبب
رنا بقهر : يختي هذول الجيران مسويين عزيمه وامي ملزمه علي وعلى ربي الا نروح معاها
نور : طيب حبي انتظركم بكرا وماكو عذر سمعتي
رنا : من عيوني ... يلا نويرر بروح اجهز
نور : بااي
رنا : بايوو
( وسكروا من بعض )

............
عند رغد
لفت عشان تشوف وش اللي انصدمت
انصدمت من الرجال اللي يناظرها والشرار يطلع من عيونه
عبد العزيز تنرفز من صوتها اكيد سمعها الرجال من صرختها : انتي وش حياتك معكوسه عشان تمشين على ورا
رغد لساتها منصدمه
عبدالعزيز : وين راح صوتك ... قبل شوي كانك بالعه مكبر الصوت
رغد مسكت نفسها لا تعطيه كف: انا اسفـ...
عبدالعزيز حب يزودها شوي : صدق انك مو محترمه .... الحين انا غريب عليك وانتي تكلميني بدون غطا ... ما عرف عمي يربي سـ....
رغد عطته كف : ما اسمح لك تتكلم معي كذا ... انت اصلا لو محترم كنت بتذلف وما راح تاخذ وتعطي معي لكن انت واحد وقح وحقير
( وراحت عنه تركض )
عبدالعزيز انصدم من جرائتها انا هذي التافهه تعطيني كف لكن والله لسى ما عرفتيني يا رغد ( سمع ريم وهي تناديها ) وراك والزمن طويل والله لاخلي هالكف عبره لامثالك
( وراح وهو ما يشوف من العصبيه )
طبعا تعشوا وراحوا كل واحد على بيته
عند ريم ودانه
دانه وهي تلبس عباتها
ريم : اجلسي دانه بعده فيه وقت
دانه : بالله اسكتي الحين الساعه ١١ بالضبط ولسى تقولين اذا فيه وقت .... ابشرك اذا بكرا حصلتيني حيه هذي معجره ... ادعي ربك ما يشوفني غازي
ريم ( الله يقرف طاريه ... وش هالرجال ) : طيب السواق بيجي ؟
دانه وهي تتصل على السواق وما يرد
دانه : ما يرد الحمار اكيد الحين نايم ... وش اسوي انقذيني يالريم
ريم : طيب اتصلي على امك او على البيت
دانه بخوف : لشوف امي اما البيت اخاف غازي يرد
اتصلت ف امها لكن ما ترد
دانه وهي ترجف من الخوف : يا ويلي يا ريم ما ترد امي
ريم : وش بتسوي عيل الحين
دانه وهي متوتره : مدري مدري
ريم وهي تفكر : تدرين شلون استني لحظه
دانه : لا تتاخرين بليز
ريم وهي تطلع من الغرفه : اوك
راحت ريم لغرفة طلال وهي تدق الباب
طلال وهو يمشط شعره : تفضل
ريم وهي تدخل : مشغول ؟؟
طلال باستغراب : لا كنت اريد انام
ريم بتوتر : طلال عندي طلب
طلال راح لها : ريم حبيبتي وش فيك
ريم : دانه خويتي هنا والسواق ما يد على تلفونها
طلال فنفسه : يا عمري الدانه ف المكان اللي انا فيه ... بس ليش لهذا الوقت ما راحت لبيتهم
طلال لريم : ايه وبعدين
ريم بخوف من اخوها : ابيك توصلها
طلال : على هالخشم
استغربت ريم من اخوها كل شي ولا احد يقاطعه ف نومه
ريم باستغراب : وش الطاري
طلال يناظرها بطرف عينه : لا تخليني اغير رايي
ريم : طيب بروح اعطيها خبر
طلال : بتروحين معنا ترى
ريم وهي تتذكر امها : لا ما يصير طلال امي لازم اعطيها ابرتها ( عندها مرض السكري ) الحين وقت نومها ولازم اعطيها قبل النوم
طلال : طيب روحي خبريها
ريم راحت لغرفتها
دانه راحت لها : هااه وش صار
ريم بابتسامه : لا تخافي عيوني طلال بيوصلك
دانه بصدمه : هاااه
ريم : ادري يا دانه بس مافي حل غير طلال
دانه : لا ريم انا الصراحه استحي
ريم : طيب اعطيني حل ثاني
دانه سكتت ما عندها حل
ريم : شفتي مافي حل ثاني ... وبعدين بسرعه لا اخوك يعصب
دانه : طيب يلا البسي عباتك
ريم بغباء: ليش
دانه : عشان تروحين معي عند اخوك
ريم : اسفه دانه بس لازم اعطي امي الابره واعطيها ادويتها
دانه بصدمه : ان شاء الله تبيني اروح مع اخوك بروحي
ريم : وش فيها يا دانه
دانه : فيها يا ريم ما اقدر انا ادري انه اخوك محترم بس ما تدرين يمكن اخوي غـ...
قاطع حديثهم صوت طلال وهو ينادي ريم
ريم : نعم
طلال : وينها خويتك
ريم : دانه من عرفت انك انت بتوصلها ما رضت تروح
طلال : طيب خليني اكلمها من ورا الباب
ريم راحت لدانه : طلال يريد يكلمك من ورا الباب
دانه شهقت : هئ بس انا ما ابـ..
قاطعها صوت طلال من ورا الباب : دانه وش فيك ليش ما تبيني اوصلك
دانه بخوف : والله يا اخوي انا خايفه يشوفني غازي
طلال عصب وش قصدها باخوي : انتي تعالي وانا بكلمه واوعدك ما رح يعصب عليك
ريم فنفسها : يعني صدق غازي يعرف طلال اووف وش هالحاله
ريم لدانه : يلا دانووه انتي الحين تاخرين الوقت زياده
دانه : طيب
اتسعت ابتسامته طلال
طلال : انا رح اسبقك للسياره
ريم : تعالي انا اوصلك
دانه : خايفه يا ريم
ريم : لا تخافي دانه طلال طمنك
دانه فنفسها : والله انا خايفه من اخوك مو خايفه من اخوي غازي
دانه : يلا مع السلامه
ريم : مع السلامه ديري بالك على عمرك وبينا كوول اوكي
دانه : طيب
راحت دانه وركبت ورا
عصب طلال وقال فنفسه : يعني بالعقل تبيها تركب فدام والله انك خبيث يا طلال
طلال لدانه وهو يناظرها من المرايا الاماميه : نحرك؟؟
دانه بهدوء: ايوه
طلال : بسم الله
دانه وهي تدعي فقلبها : يارب احفظني واحميني يارب ما يشوفني غازي
طلال شافها من المرايا الاماميه : لا تخافين كل شي رح يكون بخير ان شاء الله
دانه بامل : ان شاء الله
فجاه وقفت السياره بقوه
دانه ضربت راسها للكرسي اللي قدامه بالم : اااااااه