ان كان غيري جاز لك في غيابي .... غيرك تعنى لي وانا صدّيته

البارت الرابع والخمسون

‏لـكل أمـنية طـال انـتظارها ،
﴿يأت بها الله إِن الله لطيف خبير﴾ ♥.

.......

قلبــــي تولع بحبــك يا بعد عيني
صديت عن كل خلق الله وناديتك

ماعادلي بالعمر شي غيرك يعنيني
اخذت عقلي وقلبــي يوم حبيتك

.......

ف المزرعه
كانت تمشي وحيده وهي تفكر بمشاري ... قاطع تفكيرها صوت من وراها وبهمس ذوبها : ليان
ليان وقفت لكن ما التفتت ما تبيه يشوف دموعها ... مشاري استغرب وراح قدامها وانصدم من دموعها
مشاري : افاا ليش الدموع
ليان كانت تبي تقول بسببك لكن كتمته بقلبها وبكذب : مدري شي دخل بعيوني
مشاري عرف انها تكذب ورحم حالها : ليان
ليان رفعت راسها وشافته وشلون تعبان والهالات تحت عيونه تفاجأت من حاله : مشاري شفيك تعبان
مشاري : ايه تعبان
ليان فز قلبها : سلامتك من التعب يا قلـ...( تداركت على عمرها وسكتت ) تبي تروح المستشفى
مشاري : ليش المستشفى ودواي قدامي
ليان ما فهمت وهي تدور ف الارض : وينه الدوا
مشاري ضحك على غباها ... وثبت راسها لانها كانت تدور : ههههه .... انتي دواي يا غبيه
ليان استغربت : انا
مشاري ابتسم : ايه انتي ... احبك يا ليان
ليان انصدمت من اعترافه ... ما كانت تدري وش تعمل ودموعها جريان على خدها : شنو
مشاري مسح دموعها : انتي هنا يا ليان ( وهو ياشر على قلبه ) .... لا تفكرين اني انا الحين انفذ وصية مها الله يرحمها ... انا صدق احبك يا ليان
ليان ابتسمت وشو تطير من الفرح : وانا اموت فيك يا مشاري
مشاري : سلامتك من الموت يا قلبي
ليان تداركت على عمرها ونزلت راسها : عن اذنك ( وراحت تركض من الخجل )
مشاري ارتاح واخيرا اعترف لها ... ورفع راسه للسما وكانه يناظر مها : هذي انا نفذت وصيتك يا مها زالحين تقدرين ترتاحين ... احبك يا مها ومستحيل انساك ... لا ليان ولا غيرها يقدرون ينسوني فيك

ف المستشفى
قاطع تفكيره صوت من وراه : باباااا
ابتسم غازي والتفت لورا وشاف ذياب جنبه ... حمله لفوق السرير وهو يبوس راسه : ارحب فيك
ذياب بزعل طفولي : ليش تكذبوا علي
غازي : افاا ومنو هذا اللي كذب عليك
ذياب : الكل حتى الماما
غازي وهو وده يشوف ريم : وش قالوا
ذياب : انك انت مسافر مو بالمستشفى
غازي ابتسم : ايه حبيبي انا كنت مسافر بس لما رجعت تعبت شوي وجيت للمستشفى .... ( وبعدين تذكر ) وانت منو اللي جابك هنا
ذياب ببرائه : ماما
غازي تفاجئ : وينها
ذياب : تشرب مويه وبتيجي
غازي : بس مو كـ..... ( قاطعه صوت الباب .... التفت للباب وشافها ومنزله راسها وبايدها اغراض )
ريم رفعت راسها وناظرت غازي اللي كان يناظرها : السلام عليكم
غازي وعيونه لسى عليها : وعليكم السلام
ريم خجلت من نظراته ونزلت راسها : الحمدلله على السلامه
غازي ابتسم : الله يسلمك
ذياب ركض لعند ريم : ماما انا جوعان
ريم بحب : يخسي الجوع .... ( واعطته كيس ) هذا كله لك
ذياب نقز من الفرحه واخذ الكيس وراح للكرسي ياكل
ريم اقتربت من غازي وهي تفسخ النقاب : اكيد تبي تاكل صح
غازي وانظاره لسى عليها : ايه
ريم وهي تفتح الكيس وتاخذ عصير وساندويش : اخذ بالعافيه
غازي وهو ياخذهم : وانتي ما تبين تاكلين
ريم ابتسمت : لا مو جوعانه
غازي : ليش ما رجعتي معاهم
ريم : عشان اذا تبي حاجه او شي اكون انا جنبك
غازي مسك ايدها وناظرها بحب : ريم
ريم بلعت ريقها من نظراته وناظرت ايده اللي كانت ماسكه ايدها ... سحبت ايدها بشويش وراحت جنب ذياب وهي ترجف .... غازي ابتسم من تجاهلها ... وهو لسى يتذكر كلامها لما كان ف الغيبوبة
قاطعهم دخول طلال ودانه : السلام عليكم
ريم وغازي : وعليكم السلام
دانه تنهدت لما شافت ريم وغازي  وكانهم اغراب
طلال : اخبارك الحين يا غازي
غازي ناظره بنص عين : مو كانك قبل شوي كنت معاي
طلال ضحك : هههههه تدري نسيت
دانه : تاكلون ولا تخبروني
الدكتوره وهي تدخل : وقت الزياره انتهى ( وراحت )
طلال : امشي يا دانه وانت بعد ذياب
ذياب برفض : لا ابي اجلس مع بابا
دانه : ما يصير حبيبي ... بكرا من الصباح تلاقينا جنبه
ذياب كشر : طيب
ريم وهي تهمس لدانه : دانه انتي اجلسي جنب غازي وانا بروح مع طلال
دانه وهي تبيها تتقرب من غازي : تدرين فيني يا ريم ما احب المستشفيات
طلال بصوت عالي : بلا همس وامشوا
دانه اخذت ذياب : مع السلامه
غازي : مع السلامه
طلال : تبون حاجه
غازي : لا مشكور
طلال : العفو ( وراحوا )