ان كان غيري جاز لك في غيابي .... غيرك تعنى لي وانا صدّيته

البارت السادس والاربعون

‏سياتيك ماقد يُنسيك ما أُخذ منك ، سيرزقك الله ما لم تكن متوقعاً ان ياتيك .

........

‏ماجيت   لك  الا   وانا  عايف  الناس
‏لقيت  فيك  اللي   يداوي  جروحي
‏'
‏زود على الحب الحقيقي والاحساس
‏صارت معك تنساق بالحيل روحي

........

دانه وهي تغير الموضوع : جهزت اغراضك
طلال بحب : لا انتظرك
دانه : من عيوني....  انت اسبقني
طلال وهو ياشر على خشمه : على هالخشم ( وراح)

دانه لما شافته راح هوت على نفسها بايدها : يووه احراج.... فديت خشمه وربي ( وراحت بعد ما عدلت من نفسها )
دخلت للغرفه واستقبلتها عطره اللي تحبه...   كانت الغرفه كبيره رجاليه باللون البيج ويتوسطها سرير شوي كبير وصاله فيها جلسه وتلفزيون وغرفة تبديل الملابس كانت حييل حلوه
دانه بدون شعور : واااو
طلال كان يناظرها من اول ما دخلت : عجبتك
دانه : كثييير
طلال : هذي رح تكون غرفتنا مستقبلا طبعا بغير الاثاث وبغير لون الغرفة
دانه وهي تعارض : لا الا اللون هذا احلى لون...  غير الاثاث بس
طلال : يعني عجبك اللون
دانه : ايه ولا تفكر تغيره
طلال : من عيوني ...  الا اقول يا قلبي
دانه : لبيه
طلال : تلبين فمنى
دانه : وياك يارب
طلال : متى تبين العرس
دانه : مو قلنا بعد شهر
طلال جلس على الكرسي : مو كانه كثير
دانه بدلع : لا عشان تشتاقلي زووود وعشان اجهز نفسي
طلال خلاص ذاب : انا من اشوفك اشتاق لك وشلون لو تغيبين عني دقيقه
دانه ضحكت : هههه ايه وهذا المطلوب
طلال انجن على ضحكتها : وش رايك نخليه بعد اسبوع
دانه وهي تتخصر وتناظره بطرف عينها : وش رايك تخليه بكرا
طلال صدق كلامها : جد
دانه راحت لغرفة التبديل : قال اخليه بعد اسبوع قال.... وين الشنطه
طلال : هههه لحظة ( راح وبعد دقيقة رجع ومعاه الشنطة ) تعالي بنتساعد انا وانتي
دانه : اوك
بعد نزاعات وضحك وترتيب وشوية رومانسيه واخيرا خلصوا

عند غازي وريم
وقفت ريم عشان تروح : عن اذنك
غازي وقف معاها : بكرا بشوفك اذا ممكن
ريم نزلت راسها وبكذب : اكيد
غازي ابتسم على خجلها اللي يجننه: اذا ما عليك امر تنادين لي دانه
ريم بدون شعور : من عيوني ( وبتوتر لما انتبهت)  اقصد حاضر ( وراحت تركض)
غازي مسك قلبه وبرومانسيه : تسلم هالعيون

رقت ريم لفوق عشان تنادي دانه...  فتحت الغرفه وما حصلتها...  سمعت اصوات وضحك اتجهت لمصدر الصوت عشان تشوف صاحبه...  لما وصلت عند غرفة طلال استغربت صوت دانه العالي...  فتحت الباب بقوه
دانه وطلال : بسم الله
ريم وهي تتخصر : ما شاء الله انتوا هنا وانا ادوركم....  ( وبدون شعور عصبت ) وانتي غازي يريدك
دانه استغربت عصبية ريم : طيب
طلعت ريم بعد ما سكرت الباب بقوه وراحت لغرفتها وهي تداري دموعها لا تنزل اول ما وصلت الغرفه بكت بصمت....  اكيد تتسائلوا وش فيها ريم اول ما دخلت غرفة طلال حصلت دانه وطلال ماسكيين ايادي بعض وطلال ييهمس لدانه برومانسيه ودانه كانت تضحك...  كانت غيران ايه الغيره وهي تشوف رومانسيتهم وكانت تقارن رومانسية غازي ورومانسية طلال كانت اعلى بكثير...  غازي ما كان يمسك ايدها ولا كان يقول لها احلى كلمه ( احبك)  ما كان يزورها ما كان يحسسها انها زوجته....  كانت تشوف طلال وهو يكلم دانه بالجوال...  اما غازي ولا مره كلمها حتى رقمه ما تدري اذا بجوالها او لا....  كانت تشوف طلال وهو يشتري هدايا لدانه وغازي حتى ما تعرف وش ذوقه....  كانت تشوف طلال وهو يزور دانه اما غازي ما كانت تشوفه.... ( سمعت صوت الباب ومسحت دموعها والتهت بالجوال)
دانه اول ما دخلت عشان تاخذ عباتها شافت ريم ما تناظرها.... راحت جلست جنبها
دانه وهي تمسك ايد ريم : ريووم شفيك
ريم بدون لا تناظرها : راسي شوي يوجعني
دانه بمزح : تكذبين على من.....
ريم قاطعتها بصراخ : لو سمحتي خلاص اسكتي غازي ينتظرك تحت....  ومره ثانيه لا يجي ويزورني...  يعني لو اليوم لو انتي ما خبرتيه اني مريضه كان مارح يجي هنا... تدرين ليش كنت معصبه لاني كنت اغار منك انتي وطلال لما كنت اشوفكم مع بعض كنت اقول لنفسي وانا وش ناقصني عشان ما يحسسني غازي اني زوجته....  كنت اتعوذ من الشيطان تدرين ليش كنت ابي افرقكم وانا اشوفكم ويا بعض.... ( وهي تبكي)  ما كان يدلعني نفس دلعك انتي وطلال ما كان يمسك ايدي نفسك انتي واخوي...  على الاقل رساله ما كان يرسلي او اتصال ما كان يتصل...  كنت احسدكم انتي وطلال....  كنت اشوف الحب فعيون اخوي اما اخوك كانه مغصوب علي....  تدرين الحين لما كنت معاه كان الكلام قليل انا حسيت بالملل وطلعت كنت ابيه يقول على وين ما شبعت منك كنت ابيه يقول انتظري اليوم اتصالي او يقول احبك لكن لو يموت ما شفته الا ف العرس.... ( وراحت للحمام اكرمكم الله)

انصدمت دانه من حالتها وعصبت زوود على اخوها مسحت دموعها وهي ودها تكلمه...  والله ما اخليه يجرحك زوود يا ريم وانا بنت ابوي ... اخذت عباتها وفتحت الباب وشافت طلال متجه لها
طلال : دندونه حبيبتي وش فيك
دانه وهي تشوف حب طلال واشفقت على صديقتها اكيد بتغار كل بنت تحس بالغيره فهذي المواقف.... استغرب طلال من سكوتها وخاف عليها لما شاف. دموعها وسحبها لحظنه
طلال وهو يشدها لحظنه : افاا دانه تبكين ما عاش من ينزل دموعك يا قلبي...  وشفيك...  ريم وينها
قاطعهم صوت من وراهم : انا هنا ياخووي
طلال استغرب حالتهم : افاا وش فيك انتي الثانيه
ريم وهي تشوفه يشد دانه لحظنه : راسي يوجعني
دانه كانت تريد يفكها كانت تشوف نظرات ريم عليهم... اشفقت عليها وعصبت على غازي
دانه وهي تناظر ريم : طلال فكني
طلال برومانسيه : اول وين البوسه
دانه كانت تسب طلال وهي تشوف ريم تعطيهم ظهرها....  اعطت نظرة لطلال وراحت عنه
استغرب طلال من انقلاب حالتها : طيب انا ما سويت شي ( وناظر لريم وراح جنبها ومسك كتوفها ولفها عشان تقابله)  وش فيها دلوعة اخوها
ريم كانت ماسكه دموعها...  وراحت لسريرها وتغطت باللحاف
خلاص طلال ما يقدر يتحمل وراح جنبها : ريم وخري اللحاف
ريم كانت تبكي بصمت....  طلال شاف اهتزاز ايديها وعرف انها تبكي
طلال بامر : ريم انا وش قلت
وخرت ريم اللحاف وجلست بدون لا تناظره
طلال : ارفعي راسك
رفعت ريم راسها ودموعها ما وقفت...  اول ما شافت نظرة اخوها الحنونه ارتمت فحظنه وهي تبكي بقوه
ريم : ما ابيه طلال ما ابيه
طلال خاف على اخته...  وشدها زوود لحظنه : منو هذا اللي ما تبيه عشان انهيه من الارض
ريم خافت على غازي وهي تتخيله يقتله : ابي انام
طلال سدحها على رجوله ( يعني راسها فوق رجوله)  وهو يمسح على شعرها : ارتاحي يا قلبي
نامت ريم ودموعها ما وقفت...  نامت وهي كلها امل بكرا بيكون احلى...  نامت وهي تتمنى انها بحلم..  نامت وهي تتخيل غازي يضحكها يهمس احبك...  نامت وهي تدعي الله يعطيها الحياه الافضل ( كانت هذي حالة بطلتنا)

نروح للبطل
كان يسمع صراخ من الاعلى بس الصوت ما كان واضح...  تجاهل الصراخ وهو يفكر فعلاقتهم...  قاطع تفكيره دخول دانه وهي معصبه
غازي باستنكار : خير شفيك كذا داخله
دانه ما كان ودها هنا تكلمه...  تريد تكلمه لما توصل البيت : ولا شي بس ابي انام
غازي : طيب مشينا
( مشت دانه وراه وهي ودها تذبحه على بروده...  الله يعينك يا ريم هذه صخر ما عنده قلب)

......
حلا وهي تودع ربى ورنا : بوووكرا اشوفكم ان شاء الله
رنا وربى : ان شاء الله
رنا : معي سلام لك
حلا استغربت : من منو
ربى وهي تنغزها : علينا هالحركات
حلا استغربت اكثر : جد من منو
رنا بنص عين : من حبيب القلب
حلا ذابت : هاااه
رنا وربى : هويتي فبير ههههههههه
حلا بخجل : اجل وصلوله سلامي
ربى : تدرين شنو رنا
رنا بفهاوه : شنو
رنا : اول مره اشوف حلا خجلانه
حلا انصدمت : هيي انتي ليش انا ما انثى اخجل
رنا بغباء : لا
حلا بمزح : البيت يتعذركم
رنا بعناد راحت وجلست ف الكنب : والله عاد انا ابغى انام هنا الليله
ربى : اقول انتي محمد ينتظر من ساعه برا...  بااي حلااوي ( وراحت)
حلا : باي ( والتغتت لرنا)  وانتي بعد وراها
رنا وهي تقوم وتعدل اللثمه : لو ما محمد ينتظر كنت بنام هنا عناد
حلا : اجل ما تبين هديتك
رنا باستغراب: هديه؟
حلا : ايه ( وطلعت من جيب بنطلون ورقه)  اخذي
رنا وهي تقلب الورقه بدون لا تفتحها : من منو
حلا بملل : خليها مفاجعه اقصد مفاجأه
كانت رنا تريد تفتحها...  لكن سمعت رنة جوالها
رنا بصراخ : يوووه محمد....  ( باست حلا على السريع فخدها ) باااي
حلا فطست ضحك على شكلها : ههههههه بااي ( وراحت وهي تدور السرير وعان تحلم بحبيب القلب)