ان كان غيري جاز لك في غيابي .... غيرك تعنى لي وانا صدّيته

البارت الواحد والاربعون

اغليك .. لو انهم طوابير و صفوف
مابعت / حبك لو على سوم سايم

لا صوت لا صوره ولا لمسة كفوف
احبك .. من الله و مغرم و هايم

........

ربي إن حان رحيلي ... أسألك.. سجده ثم إليك..

.......
عند غازي

شاف مشاري يركض وهو يحمل مها كانت مثل الجثه ما تتحرك ابد .... وشاف البنات يبكون والمعازيم كانوا يخفون لانها خلاص انتهت الحفله ..... التفت لوراه وشاف دانه تبكي وريم تهديها احتار ليش يبكون .... ايوه تذكرت مها معاها السرطان وهي ف المراحل الاخيره لا يكون ماتت بسم الله الرحمن الرحيم الله يشفيها ويعافيها ويقومها بالسلامه ..... انا لازم اكون الحين جنب مشاري ( ركض غازي لسيارته وراح للمستشفى )

عند البنات
دانه وهي تبكي : يارب انك تغفر لها وترحمها وتسكنها فسيح جناتك ..... الله يصبرك يا مشاري
ريم ودموعها جريان على خدها : اللهم امين

كانت اكثر وحده تبكي ليان .... استغربن البنات بس يمكن من محبتها لها .... اما ليان كانت تبكي لانها هي اول وحده شهدت الموقف ...( نروح قبل ساعه )

غرفة ريم
كانت مها تحاول تفك الفستان عشان تروح للمستشفى لكن ما قدرت .... دخلت عليها ليان تدور على شاحن لجوالها .... استغربت من وضع مها كانت تتنفس بصعوبه وهي تحاول تفك الفستان

ليان راحت لها : مها حبيبتي لا تتعبين نفسك انا بفكه
مها بتعب : مدري يا ليان حاسه بصعوبة تنفس وتعب وصداع
ليان بخوف : سلامتك يا روحي .... انتظرك اجيب لك ملابس
جلست مها على السرير وهي تحاول تلقط أنفاسها .... اخذت مها الملابس اللي اعطتها ليان .... راحت مها للحمام بدلت ملابسها ومسحت المكياج وخرجت شافت ليان تنتظرها .... انتفضت ليان من شافت شكل مها كانوا شفايفها لونهن بنفسجي والعيون حمرا
ليان بسرعه راحت لها : مها يا قلبي وش فيك
مها وهي تتلوى : شكله اجلي هذا
ليان وهي تبكي : تماسكي يا مها بروح انادي احد من البنات عشان ينادون مشاري ياخذك للمستشفى
مها مسكتها من ايدها عشان ما تروح : ماله داعي يا ليان ..... ابي اقولك شي
ليان : لا تتكلمي كثير والله يتعبك الكلام
مها وهي تحاول تلقط اي نفس : خلاص تعودت على التعب وصبرت .... والحين الله يريد يريحني من التعب ويريد ياخذني له .... كان ودي اعيش طول العمر معاكم لكن هذي حكمة الله واما ما اقدر اعارضه .... ( وهي تناظر ليان ) ليان انا حبيتك من كل قلبي ويشهد الله ما شفت اي خطا منك .... عندي وصيه بتحصلينها ف غرفة المستشفى ... ابيك تروحين بكرا وتاخذي هالورقه وتعطينها مشاري بعد العزا
ليان وهي ميته بكي : الله يخليك مها لا تروحين .... خليني اروح اقول للبنات عشان يسعفونك
مها بابتسامة تعب وهي تحس روحها طلعت : ابيك تستسمحين من البنات بدالي .... وما ابي اشوف دموعهن ف لعزا .... ترى الدموع تعذب الميت .... ابي الدعاء بدل الدموع ( وهي تبكي) ابيك تخبرين مشاري مها مسامحتك على كل شي .... ما ابيه يبكي ... ديري بالك عليه يا ليان .... ادري انه مو محرم لك لكن كان يقولي نصايحك له وكان يسمع منك ..... اااااه يا ربي .... ( وبصوت متقطع ) اش..هد ان لا ال..ه الا الله واشهد ان محمد رسول الله ( وبعدها كانت بلا حركه )