رواية حوش عزوزتي (منقوله )

1

حوش_عزوزتي
الحلقة 1
قراءة ممتعة ❤️❤️❤️
للكاتبة جنات❤️
{  مش مسامحة اي حد ياخد روايتي وينشرها}
______________________________________
( صابرين )
نايضة الصبحح دوشت وجهزت الفطور واحمد ناض بعدين فطرنا وطلع للعمل واني بديت نضم في الحوش طبعا روتين يعتبر مزال جديد عليا
فتحت الرواشن نهوي في الحوش
طبعا ساكنة فوق حوش عزوزتي وشقة نادية مقابلتني
ضميت حوشي واني نضم نسمع في دوشتهم
صابرين : هادو خيرهم ديما بدوشتهم هدا من توا مش متحملتهم 😑
سكرت الرواشن وبخرت حوشي
اتصل تليفوني
صابرين : زعما من يتصل
مشيت بنرد لقيتها نادية رديت عليها : السلام عليكم
نادية : عليكم السلام صباح الورد
صابرين: صباح النور
نادية: كيف حالك وحال احمد
صابرين: كويسين الحمد لله
نادية: باهي الحمد لله غير بنقولك ماديريش غداء انزلي تغدي معانا بعدين عند عزوزتي
صابرين: باهي ان شاء الله صحيتي نادية
نادية: سلمك العفو
سكرت صابرين من نادية وقعمزت تتفرج عالتلفزيون
جت الساعة 12
صابرين ناضت دارت سفرة قهوة وحلويات لبست سروال جينز وبلوزة وردية تلت ارباع دارت ميكب خدت سفرة القهوة حطتها عالانتري وقفت تلبس ف وشاحها
سكرت الباب وخدت معاها المفتاح ونزلت
لقت خواتت احمد ونادية وبنتها المتزوجة
سلمت عليهم وحطتلهم القهوة
لقتهم كيف بيبدو فالغداء
غسلت ماعينها وركبت حطتهم وهيا نازلة
تسمعع في ندى حماتها الصغيرة تكنس في قدام حوشهم وتهدرز هيا وبنت نادية قالت: وهادي خيرها غسلت ماعينها وركبت بيهم تحسابنا غير بناكلوهم
بنت نادية : ههههههههه حادقة على حاجتها باين عليها وحدة بيدها
صابرين تسمع فيهم وتنرفزت ولت لحوشها فتحاته وقعمزت ع صالون تبكي : هادو خيرهم عليا قعدة جديدة كافية خيري وشري بيتعبوني من تواا علاشش راسهم وراسي😞
مسحت دموعها استعودت من الشيطان ونزلتلهم
خشت معاهم فالمطبخ تعاون فيهم عالغداء يد بيد
ادن الظهر ...
ركبت صابرين لحوشها تصلي ونزلت لقت مبروكة قدامها
مبروكة: وين كنتي
صابرين: في حوشي صليتت وجيت ي عمتي
مبروكة: باهي تقبل الله لكن المرة الجاية نبو ندوقو تطييبك
صابرين: ان شاء الله 😊
حطينا الغداء واتصلت بأحمد قالي معطل ماتستنونيش
حولتله غداء وقعمزت تغديت معاهم وغسلت الماعين خديت غداء احمد وطالعة لحوشي
مبروكة : خليهوله توا يجي يتغدا عندي باش حتى نشوفه
صابرين تحشمت وانقصفت من لقطتها حطت التبسي عالطاولة وقالتلهم : هي بالسلامة
ركبت لحوشها والجلطة راكبتها من لقطاتهم هدا من اولها
حولت لبستها واتكت رقدت خداها الوقت لين لقت احمد فوق راسها
صابرين : رووحت😊
احمد : ايي وين غداي تعبان راه
صابرين : خليتهولك في حوش امك
احمد : علاش ماجبتيشي
صابرين : نحسابك بتخطم عليهم طول قلت يتغدى بالمرة
احمد : ااه باهي مش مشكلة توا ننزل نجيبه
نزل احمد لحوش امه
احمد : امي كيف حالك اليوم
مبروكة : باهية قولي خيرك عطلت
احمد : امي مش عارفتيني نخدم
مبروكة : باهي زينة
احمد: وين غداي
مبروكة : تلقاه على الطاولة خلاته مرتك
احمد : خدي التبسي وركب لحوشه
قعمز تغدى وغسلت السفرة متع غداه حطيتله معاها شوكلاتات وقتله نزلها لامك
طارت النية حتى ننزللهم ماه نشد حوشي من الاول شن هالعوج 😑😑😑
صليت العصر وشربت قهوتي اني واحمد قالي : اني خاش بنرقد المغرب نوضيني
صابرين : باهي ان شاء الله 😚😚
كسدت نضت للمطبخ درت بسبوسة فوتت وقتي فيها بعد ماكملتها غطيتها ومشيت قعمزت
عالمغرب نوضت احمد وخشيت نصلي
نسمع في الباب يطق وانا نصلي
كملت صلاتي ولقيت احمد فتح الباب
مبروكة : ترا حول هادي خيرها مرتك ماتبيش تفتح
احمد : امي ياسر بلا حركات تصلي صابرين
مبروكة : اياه وكان تصلي😑
خشت قعمزت عالصالون خشيت اني درت نسكافي وحطيت بسبوسة مع النسكافي
خدت معانا نسكافي وقالتلي : النسكافي متاعك معدل اه معناها يابنتي كل يوم نبيه
صابرين : صحتين يا عمتي نديرلك عادي😊
مبروكة تساعد في روحها بتنوض ناصت صابرين تساعد فيها
مبروكة : شن يابنيتي مانيش مشلولة نعرف نتحرك
صابرين وخرت عليها وقامت السفرة مشت للمطبخ تغسل فيها وتسحن : تستطفل والله شكله ماينفع فيها 👊🏻👊🏻😡😡
جاها احمد فالمطبخ : صابرين !
صابرين تلفتتله باين عليها متنرفزة وزاعلة : نعم
احمد : تحمليها امي متحرجيش منها انتي اديري اللي عليكك
صابرين : عادي
احمد : ع خاطريي عاد امي مدوريهاش مرتي نبيها هك محترمة ومتع واجب😜😜😜❤️
صابرين ضحكت : تي باهي به
احمد : كملتي؟
صابرين : اي كملت ❤️😊
احمد : باهي هي بدلي خل نطلعو
صابرين: باهي هي
خشت لبست بشت عنابي ووشاح حرايري دارت ميكب وروج عنابي
واحمد نزل للسيارة يستنى فيها
خدت صابرين شنطتها حطت فيها بودرة وتليفونها وعطر ونزلت .....
ركبن للسيارة في خاطرها تقول : الحمد لله مالقيت حد قدامي 
احمد شافلها وخدي كلينكس مسحلها الروج
صابرين : خيرك 🙁
احمد : وين ماشية بيه الروج هدا معش اديريه
صابرين : امممم باه🌝🌝
مشي بيا للمحلات خدينا حاجات وخطمنا ع مطعم لقيتهه حاجز مكان خاص تعشينا وغيرنا جو روحنا
طول الطريق واني ندعي ان شاء الله ماتتطلعليش نلقاها قدام وجهي
درس السيارة ونزل الحاجات واني ماشية قابلني الباب مفتوح في خاطري : اعود بالله من الشيطان الرجيم
شويا خشينا لقيتها قدام وجهي
مبروكة : الله غالب ماتقولش حتى بالكدب نطلعك معاي
صابرين تسحننن قريب تموت
مبروكة :................
احمد : صابرين اركبي تو نجيك

زعما شن تتوقعو مبروكة تقول؟
واحمد كيف بيتصرف ؟
نادية وبنتها طيبات ولا خبث واستغلال؟
يتبع#
هادي اول حلقة وان شاء الله تعجبكم❤️😍
نبي زي تفاعل امسس ماتخيبوش طني ونوعدكم كل يوم حلقة ومش حنتأخر نبي مستوى التفاعل زي امس 😍😍😍❤️
نحبكم🙊