رواية حوش عزوزتي (منقوله )

7

#حوش_عزوزتي
الحلقة (٧)
قراءة ممتعة❤️❤️
للكاتبة جنات❤️😍
____________________________________________

نادية:خيرها صابرين 😒
مبروكة: مريضة على الاساس هوا
نادية : ربي يشفيها😑
مبروكة: هوا هدا
عند صابرين .......
احمد: تطلعي معاي نديرو دورة
صابرين : لالا نبي نرقد
احمد : شن ترقدي من توا
صابرين : بنرقد بنرقد😴😴😴
رقدت ع صالون وتغطت
احمد سكر الضي وتكا رقد حتى هوا😂😂😂
وعمتك مبروكة بدت فالاتصالات واحمد رقد وصابرين رقدت من بيرد عليها؟؟؟؟
مبروكة تسحن قريب تموت خيره مايردش
ناض احمد متاخر مع ١٠ لقي تليفونه اتصالات من امه
عاود اتصل بيها .......
مبروكة: وخيييرك ماتردشش وكان نموت ماتندري عليها لاشرقت لاغربت
احمد : تي خيرك ي امي تعبان مش نخدمم
مبروكة : تي باهي به انت بتركبلي الجلطة
احمد : باهي شن الاتصالات هادي كلها علاش
مبروكة : نبي دواء الضغط تم مني 😑😑 واختك جيبلها توب من الحوش سقعت
احمد : توا تبيهم
مبروكة: ايه امالا غدوة وجيب مرتك تبات عندنا
احمد : مليون مرة قتلكك ممنوع تبات برا الحوش غير حوش بوها بعدين هيا مريضة شن تبيها اديرلكم
مبروكة : باهي به هالضنوى اللي عطاهالي ربي شوره امي مش راضية على جوازتي 😡😡😑😑😑
احمد سكر الخط ......
احمد : صابرين صابرين
صابرين : هممم نعم
احمد: اني ماشي بنرفع لامي دواها نوضي امشي معاي متقعديش بروحك
صابرين : سقعانة☹️🙁
احمد: وشن بنديرلك البسي كويس واطلعي
صابرين : باهي به 😒😒😒
ناضت صابرين لبست كويس وخدت تليفونها
ونزلت ....
خطم احمد شري لامه دواها ورفع معاها التوب متع ندى ومشالهم
صابرين قعدت فالسيارة معندهاش خلوق تنزل
عطاها الدواء والتوب
مبروكة : جاية معاك الهانم ؟
احمد : اي
مبروكة: قوللها تنزل
احمد: غدوة تو نجيبها شبه راقدة ومريضة متقدرش
مبروكة: يالطيف وانت تتعدر عليها تقول تحس بدلها
احمد: امي ياسر كترتي عليها راه
مبروكة: لاكترت لاشي هدا الموجود هي بالسلامة
خشت .....
احمد ركب السيارة .....
احمد : ناخدلك حاجة؟
صابرين: لالالالا ماتجيب شي
احمد نزل خدي شوية حاجات وروحو للحوش
ركبت صابرين وهي كبدها زاهقة  تتوحم😷😷
ردت رقدت واحمد قعد ع التلفزيون شويا ورقد
تاني يوم .........
احمد ناض للعمل وصابرين راقدة ماحبش ينوضها
فطر بروحه وطلع ......
صابرين ناضت دارت الغداء والحوش مفيش شي من بيحوسه 😂 هي اصلا مش قادرة تتحركك بردة تخلطت عليها
روح احمد مع موعده المعتاد تغدى وتريح ساعة وناض
صابرين: ترفعني لحوش بوي
احمد : باهي جهزي روحك هي اني بنطلع بالمرة
صابرين : بنبات راه !
احمد : باهي براحتك
جهزت صابرين روحها وخدت حاجاتها ونزلت
تلاقت هيا ومبروكة مروح بيه ايمن
مبروكة: على خير ان شاء الله
صابرين: حوش بوي ي عمتي تبي حاجة
مبروكة بالشوية هو هدا شادتها تنسريف : اه باهي باهي سلميلي عليهم
صابرين : يوصل
ركبت السيارة ومشت ....
صابرين تتكلم ....
وصلت لحوش بوي خشين سلمت عليهم
وطبعا نعرفكم ع عيلتها
عندها ٢ خوت متزوجين واختها متزوجة (منال)
وصلت قبل اختها قعمزت تهدرز معاهم وهكي
امها : شن جو عزوزتك معاك
صابرين: اهو
امها: خيرها
صابرين: ماحرفك من سكنة فوقها كل شي حاطة فيه راسها ومانندري عليها لين نلقاها فوق راسي يالطيف
امها: عزوزتك هادي استغفر الله وخلاص سايريها وديري روحك طرشة كانها ماقالت شي وكان بديريلها حاجة احسبيها اجر عند ربي وخلاص
صابرين : هو هذا
شوي ووصلت منال كسدت معاهم غيرو جو
فات الوقت والجو جميل لحد ماجت الساعة ١٠
صابرين : اني بنخش نرقد
منال: مسرع
صابرين: اني شوره عندي نقص فيتامين دال نررررقد هلبا
منال: متقدريش تسهري حتى شويا
صابرين: ميييتة بنرقد
منال: تصبحي على خير
صابرين: وانتي من اهل الخير
رقدت صابرين وناضت الصبح بكري .....
فطرو كلهم الا هي خدت شوي كاكاو ومابتش تكمله معندهاش نية
امها : كلمي مرت خوك تنزل تتغدى
صابرين ومنال يضحكو : تخيلي عزوزتنا تقول هكي😂😂😂😂 نتمنو نسمعوها الكلمة هادي حتى ينادوك تلقيهم باش يعلقو عليك ويقصقصو زي مايعجبهم
امها: بتناديها ولا نركب
صابرين: تي باهي اتصلي بيها ي منال
اتصلت منال بمرت خوها نزلت ودارو غداهم
تغدت وغسلت يديها : هي بالسلامة ☺️
ام صابرين : بالسلامة بنيتي
منال: هدا شن يا امي تغسل يديها وتركب تحسابع فندق
ام صابرين : اسسكتي معليشي كان متبيش تغسليهم نغسلهم اني
منال: الصبر من طيبتك الزايدة
غسلت منال الماعين وقعمزت
رن تليفون صابرين وصابرين ف الحمام (حشاكم)
منال: صابريييين
منال: وووووه مبروكة تتصل اياماتهل مبروكات حيه عليك يوخيتي
طلعت صابرين من الحمام
منال: تعالي جاي عزوزتك اتصلت لين فصل الخط
صابرين : ووووك عليا اني شن تبي هادي
عاودتلها صابرين المرة الاولى ماردتش
المرة التانية ردت :.............
يتبع#