رواية حوش عزوزتي (منقوله )

5

#حوش_عزوزتي
الحلقة ٥
قراءة ممتعة❤️❤️❤️
للكاتبة جنات❤️😍
____________________
مبروكة: والله ماعرفت نربي وقربعععععع قربعت الباب وطلعت .....
احمد مدوخه النوم رد للدار
صابرين: شن في
احمد: خالي توفى
صابرين: لا اله الا الله باهي نوض شن مولي راقد
احمد: باهي ساعة ونوضيني
ورقددد 😴😴😴😴
صابرين :😧😧😧😧خيره هدا
وليت رقدت حتى اني ساعة ونضت نوضته معاي فطرنا
احمد: بننزل نشوف امي مشت ولا نرفعها
صابرين: غير استنى انت شعرك ميهه يقطر وبتطلع بيه تمرض
احمد : قولي الحق خايفة عليا هههههه
صابرين : يابارد 😂
جابت سشوار جففتله شعره
احمد: توا عندنا حالة وفاة وقته هدا
صابرين : بههه توا تمرض بلا جوو
جففتله شعره ماقعدش دقيقة
احمد:مابعدكم منه تحرقيلي في شعري علاش😑
صابرين : ههههههه انزل انزل 😂
نزل احمد لقي امه مشت ....
صابرين : خيره جوه مليح زعما مش خاله داني ! من بوها زعما ؟ اكيد هوا
ركب سيارته ومشي للعزاء وقعد حضر حتى الجنازة صابرين ضمت حوشها وبعد الجنازة اتصلت بيه يجي يرفعها
لبست عبايتها وخدت تليفونها تستنى ف احمد لين جاها ركببت معاه السيارة
حطها ف العزاء عزتهم كلهم واهم شي مبروكة
بعد ماعزّت مبروكة
قالت مبروكة : علاش اتعب في روحها جاية توا
صابرين جت في ودنها وسمعتها وسكتت 😩
قعدت للمغرب وطالعة بتروح : عمتي بالك تبي حاجة من الحوش نجيبهالك غدوة
مبروكة : لالا مانبي شي كان نبي حاجة توا نقول لاحمد
صابرين: تصبحو على خير وان شاء الله اخر الاحزان
طلعت روحت
خشت للحوش دارت عشاء بما ان حالها كويس ومشت منها البردة شوية زكمة بس
تعشت هيا واحمد ضمت الماعين
قعمز احمد يشتغل عاللابتوب
صابرين: شن تشتغل 🤗
احمد: ملفات بعتتهملي الشركة نخدمهم عالنت
صابرين: ربي يعاونك
ناضت دارت عصير طبيعي وجاباته ليها ولاحمد
احمد : يسلموو🤗❤️
صابرين ابتسمت 😍❤️
تاني يوم ........
نضت الساعة ١٠ ونص نسمع ف احمد يكلم في مبروكة
نضت حست على روحي ودوشت وهكي
طبعا اثناء الحديت .....
مبروكة: وخيره مرتك ماباتتش معانا
احمد:وين بتبات
مبروكة: اي وشن فيها
احمد: قالتلي نبات قلتلها لا
مبروكة: باهي باه غير جيبلي لي وصيتك عليه
احمد :ان شاء الله
طبعا نادية باتت مع عزوزتها ف العزاء هدا علاش تبي صابرين تبات معاها
بعد ماضمت حوشها مع ال١٢ لبست وقالتله هيا
نزلو احمد وصابرين ....
وصلت صابرين سلمت عليهم وقعمزت
مبروكة: جبتيهم ؟
صابرين: شن هما ي عمتي
مبروكة: هدا غير تقوليلي بالك تبي حاجة
صابرين سكتت مابتش تكدبها قدام الناس
فوتن شويا وبعتت مسج لاحمد: جيب الحاجات يلي وصاتك امك عليهم توا
روح احمد للحوش جابهم ومشي تاني
احمد: هالعرس اللي
دارتهولي نقعد ماشي جاي
عند صابرين......
خشت صابرين ماقعدتس ربع ساعة لين لقيناها دايخة وصاخت صارتت قصصة !
طلعها راجلها رفعها للمصحة وردها للعزاء
مبروكة: خيرك شن قالولك
راوية:دارولي تحاليل غدوة تطلع ماتعطلش
بعد مامشت شبحت مبروكة لبنتها وقالتلها:اشبح خير بلوتها هادي
ندى:وين نندري عليها عاد
في المطبخ .....
نادية تحوس معاهم واقفة هيا ووحدة من اقربائهم ويهدرزو
ووقتها كانت صابرين كيف خاشة بتشرب
قريبتهم : شنو سلفاتك الجدد
نادية: وحدة متجيش احيانا تجي والتانية تنزل كان كتر ربي حولت معاك السفرةهههههههههه
قعدو يضحكو الاتنين
صابرين تسمع فيهم والعبرة خانقتها بتبكي
شبحت لنادية وشربت وخشت
نادية توترت لما حست ان صابري سمعتهم
فات الوقت وصابرين نقعمزة معاهم لين كلمها احمد قاللها اطلعي بنروحو
خدت تليقونهع وواست عبايتها
وطلعت بتركب لقت مبروكة واقفة عليه في السيارة
استغربت صابرين من وضع الهدوء وان احمد مانطقش بولا حرف
ف نص الطريق قلت نساله علاش هكي جوه
صابرين: خيرك اليوم مش ع بعضك
احمد:😡😡😡😡.........
صابرين:............
يتبع#