رواية حوش عزوزتي (منقوله )

6

#حوش_عزوزتي
الحلقة ٦
قراءة ممتعة😍😍❤️
للكاتبة جنات❤️❤️
__________________________
صابرين:خيرك مش ع بعضك اليوم
احمد: 😡😡 انتي شن قلتي لامي
صابرين : خيرني؟؟؟؟
احمد: تي باهي بهه
صابرين : احمدد خيركك انت فهمني شن تقول كلمتين وتسكتت
احمد: انيي منحبششش وحدة ترد ع عزوزتها حتى لو امي واعرة
صابرين: واني شن قلتلها اصلا هادي امك تفهم فيك غلططط
احمدد: معقولهه تردي على امي الدوة قدامم الناسس
صابرين : امتتتى رديييت عليهها اني نترزى في صحتي مارديت ولاقلتلها حاجة خيركك انتت
احمد : تكددب امي يعني
صابرين : واني نكدببب!
سكتت احمدد يسوق قريب يقلبب السيارة
صابرينن تبكيي عالسايلنتت : ارفعني لحوشش امي!
احمدد مباش يعدل عليها
صابرين: مش نكلم فيك
احمد برضو ماردش عليها
لفتت وجها للروشن وتبكي
نردو ل حوار احمد ومبروكة
مبروكة كلماته بعد ماجابلها اللي وصت عليهم
مبروكة: مرتك واطت بية وحشمتني
احمد: خخيرهاا صابريين
مبروكة: هادي صابرين اللي تبيها قالك على حب عطك حبة ان شاء الله علاش واخددها بس
احمد : امي بلا دوة زايدة خيرها شن دارت
مبروكة : معقولة تمشي توقف على بنت خالكك تهدرز معاها تقوللها العزوزة مادير في شي وكان كتر خيرها قامت سفرة وفالحة غير تركبلي وتلصق فيا
احمد : صابريين قالت هككي !
مبروكة: امالا غولتها 😡😡😡
نردو للحاضر ......
وصلو للحوش نزلت صابرين خشت للدار حولت عبايتها وامتدت ع السرير رقدت وهي تبككي وجعها خاطرها كيف يكدبها وعالكلام اللي قاله
احمد صلى وطلع .......
اما نادية فرحانة ومقتنعة اقتناع تام باللي داراتهه مدام كبيرة مزوجة بناتها وتفتن وتتبلى عالناس
طبعا نادية مشت استفردت ب مبروكة وقالتلها الكلام يلي قالتله على صابرين على اساس صابرين قالاته ع مبروكة ودارت جوها فالكلام ماخلت ماقالت ع اساس صابرين قالاته
مع الليل .......
صابرين خداها نوم عميييييق ناضت ال١١ فالليل مالقتش احمد وهي بروحها فالحوش تخاف
دارت كاكاو سخون شرباتهه قعمزت شوي ع التلفزيون وملت من الانتظار
خشت للدار فتحت النت لاقاته اون لاين عالفايبر
صابرين استغفرت ربها ومابتش تدخل لي روحها الشك
سكرت تليفونها وهي تفكر لين رقدت تاني ....
الساعة ٣ فالليل ومزال ماروحشش
صابرين تبكي وتشهق
اتصلت بيهه مايردشش
😭😭😭😭😭😭😭
١٠ مكالمات مايردششش
ماعندهاش رقم سلافيها راه اتصلت بيهم وماخلعتش عزوزتها
اتصلت ب مبروكة .....
صابرين : عمتي كيف حالك ، احمد لتوا ماروحليييش مشغولة عليه
مبروكة: يعطيك ويعطيه البلي ان شاء الله تخلعي فيا في هالليل
صابرين : عمتتتي شن بنديير اني ماعنديش رقمم سلافيّا !!
مبروكة : هي سكري سكري تو نكلم ايمن ماجايني منكم الا الشقا
سكرت صابرين : ان شاء الله ماتربحححح يارب تزيد فيا ع مابيا تدعي عليا تقول سألتها على عزرائيل
عندد مبروكهه ......
اتصلت ب ايمن وايمن يكلم ف احمد مايردش وماقدرش يوصل فيهه
.........
_ احمد احمد تي نوض ياراجل تليفونك اتصالات من بكري
احمد راقدلا حياة لمن تنادي
خدي امية وبزعها عليه : نوض ياراجل عيلتك من بكري تتصل
احمد ناض مخلوع : نسسسسيت روحييي ي راجل
لبس التوب متاعه وخدي مفتاحه
وركب السيارة بسرررعة .....
وصل للحوش لقي صابرين فالصالون تبككي وعيونها متورمات من البكاءء
صابرينن قامت راسها شافاتهه زادت تبكيي اكترر
احمد: اسففف خداني النووم
صابرين تشهق : اسسسسس ولا كلمة للساعة ٣ فالليل شن انتو عازب قاعد لل٣ برا الحوش مش مفكر فيا بروححي فالحوشش ! معندككش ضمير انتت
احمد : خدانني النووم اسففف والله مش بقصدددي
صابرين سكتت ومسحت دموعها خشت للحمام غسلت وجهاا وخشت للدار بترقد
خشتت للسريرر رقدتت
احمد : صابريين
صابرين عطاته بظهرها ومكرت فيه مابتش ترد لين رقدت تاني
الصبحح 🍃🌞.....
ناض احمدد بعد المكالمات يلي لقاها عاود يتصل بامهه : صباحح الخير
مبروكة: وين شفته الخير اني😡😡
احمد : كسدت مع صاحبي فالاستراحة خداني النوم
مبروكة: وانا شن دخلي مرتك منوضنتي من نومي ف عقابات الليل عطها البلي خلعتني
احمد : ظالم اقسم بالله
وسكر الخطط .......
ناضت صابرين بكري بعد نومة اصحاب الكهف هههههه
دوشت وبدلت حطت الفطور ومابتش تكلمهه
احمد بدلل وطلعع بيمشي للعمل
وصابرين حاسة راسها بيتفجر خدت حبوب بنادول
دارت دورك فالحوش وبخراته حطت الغداء عالنار
وطلعت من المطبخ
حسست روحها دايخة مشت تجري للحمامم حشاكمم 🤮🤮🤮
صابرين : اااه ياربي
غسلت وجها وطلعت امتدت ع الصالون
ساعدت روحها طفت النار ع الغداء وردت امتدت لين روحح احمد
احمد : خخيرك هكي وجهك اصفر
صابرين : مريضة 😒
احمد : نرفع نعاينكك!
صابرين : الا مش ضروري
احمد : ااااه باهي باه
صابرين ؛ اشبحح كيف فهم غلط
احمد رفع حاجبه ويضحك: انتي ماتبيش تقولي شن بنفهم يعني
صابرين : لاماتفهمش
شويي وناضت للحمامم تستفرغغ تاني🤮🤮
احمد نزل للصيدلية وركبلها ....
احمد : شكلهه بيجينا قمر 🌝🌝🌝
صابرين : اي اي تسهوك وقتك ماهو
احمد : باهي اني جعان راه
صابرين: غداك فالمطبخخ ومعاش تكلمني بنرقد
احمد : هادي خيرها ؟ ههههههههههه
مشي تغدى فالمطبخخ وصابرين رقدت
اتصلت مبروكة ب احمد وهوا كيف طالع من المطبخ
مبروكة : خيرك اللطف ماجبتهاش حتى عولت
احمد : مريضة صابرين معندهاش جهد
مبروكة : يقطع جهدها هيا امتى تتحرك اصلا
احمد : ماشي ماشي سلام يااااااارب الصبرررر من امي وكلامها
عند مبروكة ......
نادية:.........
مبروكة : ..........
يتبع #