رواية حوش عزوزتي (منقوله )

17

اليوم واخدة بخاطركم وهادي تاني حلقة انزلها اليوم
#حوش_عزوزتي
الحلقة ١٧
قراءة ممتعة❤️❤️❤️
للكاتبة جنات😘😘😘❤️
_________________________________
صابرين ناضت وقالتله : حتى الفطور ماتبيش تفطر تبيه من ايدياتها
احمد : بتهبليني انتي!!!!!!
صابرين : لا مش مهبلاتك اني بنولي نرقد ومدابيك تقوللها اديرلك حتى غداك باهي
طلعع احمد وقربع الباب .......
ولع سيارته وطلع طوووول......
وصل للمستشفى .....
نزل طول خش للريسبشن
احمد : ايمن ال****** طلع من العمليات او لا
الريسبشن : فالكمبيوتر مسجل عندنا انه فالعمليات بس الدكتور قال نقلوه للعناية
ايمن مداير حادث قوي وانقلبت بيه السيارة وهدا السبب ومبروكة وبناتها وحتى مرته ماقالولهاش يبعتولها ف رسائل من تليفونه ع اساس بايت مع صاحبه وراقد مهم يتسبلو ولما تتصل مايردوش
احمد مسح بيده على وجهه توتر ومعش عرف شن يدير اتصل ب خوه يلي هوا راجل نادية وقاله يجي يتصرف معاه
نادية تسمع فيه يكلم ف راجلها وفهمت اللي صار كله
استغلت الموقف ونزلت لي مبروكة تجري
: وووووه ايمن ايمن ياعمتيييي
مبروكة فيها ضغط وسكر وخايفين عليها مايبوش يقولولها )
مبروكة رعشت : خيييييره ولدي خييييييره
نادية : ف العناية المركزة ي عمتي ووووووه
ويعيطو وندى ابتهال يبكو
مبروكة رعشت اعطوها دواها طول بش ماتمرضش
نزل راجل نادية متنرفز وحالته حالة
قربع الباب بقوة قوته وقعد يعيط : نااااااااادية
نادية : خيرك شن في
راجلها : اركبي
ركبت نادية وعارفة عملتها ومتقصدة ادير هكي لانها زي ماتعرفو تلعب عالحبلين
راجلها : ساكوك وحوش اماليك بسررررررعة
نادية : شننن درت اني
راجلها : كانك تتحشمي ماتنزليشش ترعششي امييييي تووووووا بسرعة اطلعي
دارت روحها تبكي نزلت للسيارة رفعها راجلها لحوش امها وهوا طايرتللله قريب يتفجر كان زادت معاه كلمة راه طلقها بالتلاتة
مشي للمستشفى طووووول
احمد وخوه يتشاورو وقررو يطلعوه برا ليبيا
احمد مشي بيكلم الدكتور
احمد : دكتور شويا لو سمحت
الدكتور : تفضل استاد
احمد : احني قررنا نطلعوه برا ليبيا حالته تسمح نطلعوه او يقعد هنا افضل
الدكتور: لا للاسف حالته لاتسمح انه يطلعوه برا ليبيا
قعد احمد وخوه فالمستشفى وماشين جايين عالدكتور يطمنو ع حالته ......
الساعة ٥ العشية ..........
طلعلهم الدكتور طمنهم انه تخطى مرحلة الخطر بس يبي وقت بش يشفى عنده كسور وكدمات
والخبطة جت قوية
اتصل احمد طمن امه وقالو لمرته راوية فالاول رعشت بعدين طمنوها ومشت الامور ......
احمد : انت خليك اهني نمشي ندير دورة فالحوش نشوف الوضع ونجي
نزل احمد من المستشفى مشي لحوشه رفع صابرين لحوش امه تقعد معاهم لان الوضع يعتبر مزال مشحون
مبروكة : كان مش من نادية بارك الله فيها قالتلي ايمن دارت حادت راهو ماحد قالي
احمد : بارك الله فيها ؟
مبروكة: اي وخيره
احمد : تو تجي هيا تعولك عالناس امالا نازلة تعيط تسمع فالجيران
مبروكة : ايححح عاد
صابرين بعد ماعرفت اللي صار وربطت الاحدات تحشمت على وجها وعلى القصة الي آلفتها 😂😂
لدرجة معاش قادرة تحط عينها ف عينه 😂
فاتت ساعات و ايمن حالته تتحسن بالشوي بالشوي
والناس بدت تسمع وتجي تتطمن ع حالته
صابرين وراوية قايمين بالواجب مع الناس
ونادية قعدة عند حوش بوها 😂
فاتت الايام وايمن حالته تحسنت وطلعوه من المستشفى بس على سرير لان عنده كسور
والناس تمشي وتجي
ف حوش عزوزتي في دار صغيرونة فيها صالون
كلمني احمد قالي نلقاك فيها وهكي
منفضاش بش نهدرز عليه بعد ماعفيت عليه طبعا😂😂😂😂 قصدي بعد ماعفي عليا
خشيت لقيته سابقني خش قعمزت شوي معاه نهدرزو
احمد : اني قدمتلك اوراقك ف شركة تانية وقبلوك الشركة متاعي معاش يبو موظفين ماقبلوكش فيها
نضطر نديرلك سيارة بش تقدري توفقي
وقعدو يهدرزو على هالموضوع
مبروكة قدام الباب تكسر ف ودانها
ولما حست بحركة مشت....
جايتها بنت نادية بتنوب على امها نفس الوظيفة
طبعا وقتها لما خشت صابرين كيف مروحين ناس
طلعت صابرين خشت للمطبخ تغسل ف الماعين
تسمع ف مبروكة تهدرز هيا وبنت نادية
بنت نادية : نحس فيها مش ناشطة بايرة
مبروكة : هيا من قبل يازين مبهاك ناشطة وفالحة يابال يديرلها سيارة
بنت نادية : ومن قالك ؟
مبروكة : اني سمعته قاللها شورها تختخ فيه ياكبدي ولا مدايرتله خطين
بنت نادية : اديرها ياحناي كناين توا مايخافوش ربي
مبروكة : والله ماني عارفة شن بلاه الراجل
وهدا كله صابرين سمعاته وتبكي😭😭😢😢😢
كملت غسل الماعين ورتبتهم طلعت لبست عبايتها واتصلت باحمد ......
احمد : خيرك بتروحي من توا
صابرين : نحس ف روحي تعبانة
احمد: باهي هي
طلعت صابرين حتى بالسلامة ماقالتهالهم على ما تنرفزت ووجعها كلامهم
اول ماوصلت للحوش
خشت حولت الساكو بتاعها وبدلت لبست بيجامة
نوم وردية فالسمائي🙈🙈🙊🙊
احمد كان يدخن قدام البال وعطل
شافتته صابرين من الروشن لاقاته خاش
وخرت طول
احمد : قوليلي
صابرين : نعمً😨😨؟
يتبع#