رواية حوش عزوزتي (منقوله )

10

#حوش_عزوزتي
الحلقة ١٠
قراءة ممتعة😍😍❤️❤️
للكاتبة جنات❤️
_________________________________
شوي وطق الباب ....
صابرين : نادية والله ماني فاتحتلها واضحة
سكرت التلفزيون بالشوية وتكيت ع اساس راقدة
طقت طقت ومشت لما فقدت الامل.....
نزلت لحوش مبروكة هدرزت عليها
نادية: هديكا صابرين ماتبيش تفتحلي طقيت ونزلت بروحي زي الكلبة حشاك
مبروكة: كيف ماتفتحلكش
نادية : والله زي مانحكيلك قليلة خير ماتبيش حتى تفتحلي
مبروكة:تو يجي راجلها ونقوله
نادية : هادي بديرلنا المشاكل مش ناوية الخير
مبروكة: حتى اني ماتريحتلها
ندى تسمع فيهم وحست ان نادية بتبدى تسوس ف عقل مبروكة وبتركب ع مبروكة باش تعبي راس احمد على مرته
( لي تجي كنة مبروكة من دنيتها لجنتها😂😂)
نص ساعة وهما ياخدو ف دنوب صابريين
جت راوية وايمن
سلمت عليهم وقعمزت تهدرز معاهم
راوية على نياتها وطيبة غير مش واصل فيها الشي زي ماوصل ف صابرين هههههههه
راوية : عمتي بش تتفضلو على عرس اختي عطتهم بطاقات الدعوة
راوية دارت قهوة وقعمزت شربتها معاهم وقالت : اني راكبة نعزم صابرين ونجي
مبروكة : خلي خلي تو نرفعالها بروحي
راوية : لالا ي عمتي متعبيش روححك حتى بنشوفها ☺️
مبروكة مش عاجبها: باهي على راحتك
راوية ركبت طقت ع صابرين وصابرين راقدة
ناضت صابرين فتحتلها سلمت عليها ودخلتها هدرزو
شوي وطق الباب ركبت مبروكة ونادية
صابرين جلطة تلاتية الابعاد ف خاطرها : هالنهار الاسود يلي سكنت فيه فوقهم حتى راحة مع سلفتي مش واخدتها
طلعتلهم عصير وشكولاتة وقعمزت
اهو يتحشمو وينوضو شي شي
لين راوية ناضت وسقدتهم معاها
مش ارتاحو ونزلو ....
صابرين طارتلها ومعاش خاطرها تسايرهم 😡😡😡
صابرين : الله يصبرني وخلاص
روح احمد ........
مع المغرب ركبلي
باين عليه متنرفز سألته كلمة وقص معش سألته على شي
احمد : نادية ركبتلك خيرك مافتحتيش شن قصتك معاها
صابرين ف خاطرها ربي يسامحني خايفة على حوشي منها قاطعة يديها من ربي : امتى ركبتلي؟
اني رقدت لين طقت عليا راوية نضت ....
احمد: امي وجعها خاطرها قالت معناها كان نركبلها حتى اني ماتفتحليش
صابرين ف خاطرها حسبي الله في هالدراما : امك امبكري كانت عندي هيا ونادية وراوية
احمد : خلاص فوتي
صابرين : احمد حتى نا مفروض تحترمني مش تشكك فيا تو بالعقل امك بتركبلي منبيش نفتحلها مرا كبيرة توصل لعند حوشي مش حنفتحلها وكانك على نادية اني كنت راقدة تاني شي هي٢٤ اطق ياريتها حتى مرة ولا اتنين
احمد : شن مش محترمك اني !نمد ف يدي عليك ولا بالغصب اي شي ديريه مخليك براحتك  مانفرضش عليك ف شي
صابرين سكتت ......
مشت للمطبخ دارت نسكافي وحطت معاه حلويات رفعتله السفرة وقعمزت
ولا حد تكلم .....
فتحت التلفزيون وقعمزت نتفرج
صابرين : احمد 😬😬😬
احمد : نعم
صابرين : نبي نخدم
احمد : جبتي اوراقك من حوش بوك ؟
صابرين : لالا😬😬
احمد ؛ باهي غدوة نرفعك جيبيهم ونرفعلك اوراقك فالشركة متاعي
صابرين : بنخدم معاك قصدك😬❤️
احمد : ايهه قدام عيني خير
صابرين : شن قصدك بيها قدام عيني تحسابني مراهقة ولا شني
احمد : 😒نرفعك اني ونجيبك
صابرين : امممم باهي😬😬❤️
احمد: شكلي بنرقد انا
صابرين : خليك مزال بكري وانت زي الشيباني متقولش ليك ٧ شهور متزوج😂😂😂😂
احمد: شيباني صار 😒😒 مصارليش هي بنرقد😌😌😌😌
صابرين ؛ ارقد😌😌
احمد: مصارليش مدام تبيني نرقد مش راقد😛😛😛
صابرين حطت ع فيلم وجابت بوب كورن وشكولاتات
وكسدت هي واحمد ....
صابرين : احمد جيبلي حنة نبي نحني
احمد: محلاها الحنة😍😍😍 ع عرس اخت راوية؟
صابرين : ايه 😘
احمد : خلاص غدوة نجيبلك 😛❤️❤️
وفاتت الليلة......
تاني يوم صابرين ناضت بكري فطرت احمد
وضمت الحوش فتحت تهوي ف الحوش ودارت قرأن
بعدها سكرت وحطت الغداء عالنار .....
مع ال٣ ونص روح احمد من العمل وجابلها الحنة وحاجاتها
حطت صابرين الغداء تغدو
احمد: تحني بروحك ولا تبي من يحنيك
صابرين : لالا عادي تو نحني بروحي لكن انت بتساعدني
احمد : لالا امالا ت نقول ل ابتهال تركبلك
صابرين : باهي قوللها امالا
طبعا ابتهال اخت احمد بس دورها مش مهم هلبا فالرواية وهي تعتبر المعقولة فالمعاملة مش لفع زي ندى
ركبت ابتهال لي صابرين وقعمزت تحني فيها لل٦ بش كملتلها ....
صابرين : صحيتي ربي يعطيك صحتك❤️❤️❤️
ابتهال : سلمكك
نزلت ابتهال ل حوشهم
ندى :.............
ابتهالل:...............
يتبع#