رواية حوش عزوزتي (منقوله )

2

#حوش_عزوزتي
الحلقة 2
قراءة ممتعة❤️❤️
للكاتبة جنات 😍❤️
__________________________________
مبروكة : جايبلها سوق كامل وراها ريت هالبنت تاتاناكي 😑😑💔
احمد:صابرين اركبي تو نجيك
ركبت صابرين وسكرت الباب وراها حولت عبايتها ووشاحها وتمددت عالسرير واجعها خاطرها من كلام مبروكة وخاطرها تعرف شن اللي خلاها هكي وهيا عروسة جديدة مفروض مدلعينها ورسميات مش مشاكل من اولها
قعدت صابرين تستنى ف احمد يركب وماحاولتش تقرب من الباب وتسمع كلامهم متبيش تزيد تنجلط على مابيها😑
ناضت استعودت من الشيطان صلت العشاء واتكت عالسرير لين خداها النوم
الساعة 12 ناضت على صوت الباب انفتحح
مابتش تنوضله ولت رقدت .....
احمد خش للدار لقاها راقدة مشي للمطبخ خدي حبوب بنادول نفخوله راسهه
احمد : صابرين صابرين
صابرين تسمع فيه ومردتش
احمد : صابرين
صابرين : هممم نعمم🤔
احمد: خيركك رقدتتي بكري زعلانة؟؟؟
صابرين فتحت عيونها : شن رايك انت
توا بجديات منوضني بش تسألني علاش رقدت بكري
احمد : ارقدي حق فيا بنراضيك 😐
صابرين: عاد هلبا عليا هكي
احمد: اسمعيني اني امي كلمتها ومعاش تكلمك ولا تقولك شي مرا كبيرة وسايريها
صابرين ف خاطرها: مرا كبيرة راه تشد سبحتها وصلاتها مش شادتها وراي 😭
صابرين : باهي يصير خير
احمد : بتولي ترقدي ولا تنوضي نكسدو ع فيلم🌝
صابرين : نوض افتحه وتو نجي 😂🌝
احمد : وووه تنبالة ههههههههه
ناض احمد فتح فيلم وناضت صابرين لاصار من نوم لا ولد عمه ههههههه كسدو ع فيلم وغيرو جوهم وعالساعة ٣ رقدو 😴😴😴😴
تاني يوم .......
ناضت صابرين دوشت وبدلت كالعادة دارت الفطور
سقدت احمد للعمل ودارت حوستها وطيبت الغداء لازانيا وشربة  عالخفيف مزال ماخشتش عالدق القوي ههههههههه
مشت صابرين للصالة تسمع ف صوت في الدروج
مبروكة : لالا تو نمشي نتغدا عن نادية ياحنة مش كارهتني والله ماشاء الله عليها
صابرين : الله يصبرني شوره من لما جابتني امي عرفتي متاعن بلي سمتني صابرين 😑😑😂
اتصلت بأحمد قالي قريب نوصل
خشيت للدار فتحت الزيانة خديت مكياجي درت لمسات وتعطرت جهزت الطاولة
جي احمد قعمزنا تغدينا نضت نغسل في الماعين وخليته نازل لامه بيهدرز عليها ع اساس 😆
بعد نص ساعة ركبلي قالي : خواتي والعيلة كلها جاية قالولك انزلي بعدين
صابرين ف خاطرها : هدا كله بش يقعدو يسحنولي في كبدي😑😑
احمد: اني بنتكا شويا وبنطلع عندي ماندير
صابرين : خود راحتكك
احمد خش تكا واني قعمزت نتفرج فالصالون لين خداني النوم لبعد العصر نضت لقيت احمد طالع
خديت بخاطره قلت خلي ننزل نص ساعة ونركب
نسمع ف دوشتهم يلي هدي جاية بصغارهم وبنات نادية
لبست سروال اسود وبلوزةبيج  معاهم وشاح ليكرا درت مكياجي وخديت تليفوني ومفتاح الحوش ونزلتلهم
الحوش الله لا تروعك دوشة وصغار حالة
سلمت عليهم وقعمزت هدرزت شويا
عمتكم مبروكة لاهية مع بناتها مادورتنيش ع اساس😜🤧
نادية : قبل ماننسى صابرين وراوية بعتولكم بطاقات لعرس بنت خالتهم عروسات جدد عاد ضروري تمشو 😊
صابرين : ان شاء الله كان قال احمد باهي
مبروكة : اي عاد خودي مشاورة راجلك قبل الناس كلها😏
صابرين ف خاطرها : شوره تبيني نشاورها ههههههه عليك عزايز
ندى : شنو راوية مفيش حاجة 🤗
صابرين نجلطت بدت تضحك : هههههههههه
راوية انحرجت ماردتش
نادية : مسرع عاد خلي تعيش حياتها
راوية ف خاطرها : تعيش حياتها وانتي جايبتهم ٣شباب و٣بنات 🤭 اسكت يالساني
صابرين : نادية امتى العرس هوا؟
نادية:الخميس
نضت اني وراوية نديرو فالقهوة فالمطبخ ونهدرزو
حطينالهم قهوة وحلويات بعدها غسلت السفر وركبت انا وراوية خاطرها تشوف حوشي لحد توا ماشافتاش
ركبنا حطيتلها شكولاتة وعصير وهدرزنا شويا بعدها هي نزلت وانا قعدت فالحوش
روح احمد بديت نمل من الحوش غير امتى بنخدم
احمد: خيرك مكسدة😂
صابرين : شن بندير يعني غير الكساد
احمد : الكساد ارحم من الدوشة ولا😜
صابرين: عندك فيها شك😆
احمد : عرس بنت خالتي يوم الخميس قالولك ؟
صابرين: اي قتلي نادية عزموك
احمد: نطلعك تاخدي شي للعرس
صابرين:لالا عندي عاد امتى جت مناسبة هيا
احمد: باهي ع راحتك
فاتت الايام لحد ماجي يوم العرس......
درت الغداء بكري وروح احمد بكري بش يرفعني للمزين (كوافير)
جهزت قفطاني لونهه ازرق كحلي استريت مع الجسم وراكب فيه طرف منسدل مع ديل معاه شنطة وكندرة فضية
جهزت حاجاتي ورفعني احمد للساعة ٥
روح بيا للحوش لبست قفطاني ودرت شوية تعديل في مكياجي لين جت٧ ونص
احمد : احممم من هيا هادي😂❤️
صابرين : اي عاد خفف دمك شن قصدك
احمد: خيره معندكش تقة في نفسك طالعة قنينهـ بس هدا لي بنقوله 😜😜❤️
صابرين: اي اي معاك حق 😂😂😂
طبعا باب الحوش مردود
صابرين: تعالى سكرلي السوستا تع القفطان
سكرها احمد
شوي وخشت عمتكم مبروكة بالطول والعرض لقت الباب مردود استانست
خشت لحوشي تسمع فينا نضحكو فالدار
مبروكة: جيل معاش يتحشم مخليتني البرا وتضّحك في دارها حتى ولدي هبل من وراها 😑😑
لبست اكسسواراتي وعطري ولبست الكاب وطلعت
احمد: امي😑 ااء شن بتمش مع نادية ولا معاي
مبروكة؛ وكان نبي نمشي مع نادية نعرف حوشها راهو ماجيتكش
احمد: الصبر وخلاص
نزلنا من الدروج طلعت ندى من الحوش وسكراته
ندى :.................
احمد قرب جنبها وضغط على يدها : بتحترمي نفسك ولالا
مبروكة:...........
يتبع#