#حوش_عزوزتي
الحلقة ٨
قراءة ممتعة 😍😍❤️
للكاتبة جنات❤️❤️
_________________________________
ملاحظة: لو سمحتو معاش حد يخشلي خاص يقولي نبي الحلقات لان بجد عييت قداش بننسخ لوحدة يلي تبي حلقة تلقاها ف صفحتي تبع الروايات خيالي مفتاح رواياتي$
_________________________________
عادوتلها صابرين المرة الاولى ماردتش
المرة التانية ردت
صابرين : كيف حالك ي عمتي
مبروكة ؛ باهي اهوو مريضة
صابرين: لاباس عليك
مبروكة : بيجوني ناس وراوية حامل مانبيش نتاعبها روحي استقبليهم انتي
صابرين : حاضر ي عمتي لكن ندى وين؟
مبروكة : وخيرها ندى ندى صغيرة شن تعرف ادير مش قالتلنا امك بنتي فالحة هي تعالي وضيفي الناس خير مايضحكو عليا يقولو كنتها بايرة
صابرين ف خاطرها : ييييارب صبرني
: باهي حاضر ي عمتي تو نقول لاحمد يجيني
مبروكة : متعطليش راهو بنشدهم عالعشاء استريني معاهم
صابرين : ان شاء الله ي عمتي سلام
مبروكة:بالسلامة
سكرت مبروكة من صابرين .......
مبروكة لي ندى : امشششي جدري هالبايرة تتكلم بلا نية زي من يغضب فاليهودي عالشهادة
ندى : شن تحسابيها ناشطة تو يجو صاحباتي واناديها ننزل عليها ادير كل شي
مبروكة : هوا هدا امالا شن
عند صابرين ........
سكرت من مبروكة ودمها نحرررق من كمية الاستفزاز اللي في كلامها
اتصلت باحمد قالتله يجيها وفعلا جاها روح بيها
ركبت لحوشها بدلت ونزلت ..
مبروكة: درتي غداك
صابرين : غداء شنو ياعمتي اني كيف وصلت
مبروكة : باهي باهي جت فيكم ساهل تو نزيد الكمية
صابرين : استغفر الله العظيم
صابرين طلعت ضمت الحوش وسيقت الحمامات حشاكم وبخراته
جهزت سفرة الغداء قعمزت تغدت معاهم وغسلت الماعين
صابرين : عمتي شن بتحطيلهم الناس
مبروكة : وكان نعرف علاش مقايلتلك تعالي من حوش بوك
صابرين بالشوية : ياااالطيف
صابرين وصت احمد على حاجات التقديم وبدت تجهز فالعشاء
تعبت خلاص قريب تموت نادت ندى : ندى معليشي تعالي ديري معاي تعبت والله
ندى جت تتأفأف : اني الحاجات هادي منعرفش نديرها تعودت بالخدامات يديرو فيها واني مندير ف شي من صغري
صابرين وجعها خاطرها 💔💔
وقالتلها : تعلمي☺️ في حوش راجلك بتديري زي لي كانو يديرولك فيه
ندى سكتت وقلبت عيونها ماجاش على بالها
ساعدت صابرين شويا شوي وطلعت بدلت ومكيجت تقول عروسة🙃
مع ال ٥ ونص
طلعت صابرين من المطبخ : ندى اني بنركب نبدل عينك من الطاجين ف الكوشة راه تنحرق فيما بدلت وجيت
ندى : واقعدي هكي علاش تبدلي
صابرين : كيف نستقبل ضيوف هكي وزي ماقتلك فيما بدلت وجيت
ركبت صابرين لحوشها ....
لقت احمد راقد طلعت قفطان بيج بسيط من فوق الكم شفاف وفيه خصر ونازل لتحت الركبة
دوشت وسشورت شعرها لبست القفطان وكيف بتبدا تمكيج
طق الباب .....
فتحت الباب لقتها مبروكة : هيا انزلي وقت قريب يوصلو خلي نمشي لي نادية نقوللها تنزل
صابرين انصدمت وحست بالاهانة كيف هي تتعب ويجيبوهع من حوش بوها مش تضم الحوش وتجهزلهم عشاء وتقديم بالكامل فالاخير تنزل نادية تلقاه على طبق من دهب
مشت مبروكة وصابرين وقفت في وسط الحوش وجعها خاطرها بدت تبكي
احمد كان نايض من لما امه طقت الباب عرفها بتحطلها كلمة هكي كبرها🙃🙄🙄🙄
سمع صابرين تبكي ناض
احمد : صابرين ؟
صابرين مسحت دموعها ودارت روحها طبيعية
: نعم
احمد : تبكي؟
صابرين: لالا شن نبكي
احمد سمعها لما تبكي بس مباش يقوللها سمعتك قاللها: اااه تمام نحسابك تبكي
غسلت وجها ومسحاته خشت للدارت مكيجت ولبست دهبها
ونزلت ......
خشت للحوش لقت ندى مقعمزة
صابرين : نزلتيه ؟
ندى : اي
صابرين ف خاطرها : باهي جت منك تزغرت شن عالبايرة
مبروكة : ااه هكي باهي لابسة الدهب والقفطان شن غير هيا اطوق بكناينها
صابرين ضحكت🤭🤣
نزلت نادية مش مدايرة شي في وجها لابسة قفطان حوش مش متع ضيوف ووجها اصفر حالة منزلة معاها حلويات مشكلة : كيف حالك ي عمتي اليوم
مبروكة: الحمد لله سلم مرت ولدي جايبة الحلو
خشت نادية للمطبخ
مبروكة: توا هادي سرافة تنزل بيهت للضيوف اني الضغط بيرقالي راهو😒😒😤😤😤
طلعت نادية من المطبخ .....
ندى: اللطف خيره وجهك اصفر هكي بتستقبلي الضيوف
نادية : تو ندير اني اصلا نزلت مش نحط الحلو ونركب نبدل
كزززابة😂😂😂😂 لقت صابرين لابسة بدير الجو حتى هيا
ركبت نادية لحوشها بدلت قونة وبلوزة ومكيجت ونزلت ......
مبروكة : اي اهو هكي خير
شوي ووصلو الضيوف سلمو عليهم وقعمزت معاهم نادية زي الضيفة بالضبط
وصابرين الحامل يلي تضيف وتجهز.
خشت نادية للمطبخ ع استس شريت وقالت لصابرين : دوقي حلوياتي ومدتلها طرف
صابرين : سامحيني توا والله ماخاطري وواكلني التعب بعدين تو ناخد
طبعا صابرين ششششكت فيها ١٠٠٪ ان نيتها مش صافية
نادية حطاته و طلعت من غير ولا حرف
خدت صابرين الطرف اللي عطتهولها نادية حطاته في كينكس وسحناته زي الكسكسي ولوحاته فالكناسة حشاكم
ضيفتهم وقعمزت معاهم صابرين هدرزت ولما بتجهز العشاء خشت نادية : نساعدك ف حاجة
صابرين : لالا صحيتي اهو ندير
نادية بخبث:................
صابرين:........................
يتبع#
أنت تقرأ
رواية حوش عزوزتي (منقوله )
Short Storyرواية باللهجه الليبية منقوله ممزوجه بين الكوميديا والحزن ❤ منقوووووله (مكتمله )
