رواية حوش عزوزتي (منقوله )

13

#حوش_عزوزتي
الحلقة ١٣
قراءة ممتعة❤️❤️😍
للكاتبة جنات❤️❤️😘
_____________________________
صابرين ردت ع التليفون
امها : تعالي ي بنتي خالتك توفت
صابرين عيطت : لا اله الا الله
اتصلت بنادية اعتدرت منها ولفت الحاجات وحولتها
لبست عبايتها وطلعت رفعها احمد طول لحوش خالتها وخطم على امه هدرز عليها وقاللها  .......
مبروكة : وعلاش ماشية من اول عيطة
احمد : خالتها
مبروكة: وخيره اني في خوي تجي زي البرانية وتروح
احمد: من قالك بنخليها تبات واصلا ايامات عزاء خالي الله يرحمه كانت مريضة
مبروكة: وانت خيرك تتعدر عليها 😤😤
احمد : امي راه مديريش راسك وراسها ومتع باتت ولاماباتتش معاش تحاسبيها
مبروكة: ها البنت السلطان يلي مترضاش فيها
احمد : لاحول ولاقوة الا بالله امي دهشتيني راه
مبروكة : شن قتلك اجري اني باش ندهشك لا ياولدي هدا كلام الحق مرتك كان تفهم فالاصول لما توفى خوي قعدت وباتت مع الناس
احمد سكت معاش. يبي يرد على امه
طلعت ندى من المطبخ قالت لاحمد : ترفعني للمحلات
احمد : محلات شن اللي تبيهم
ندى : بناخد روائح وحجات
احمد : خليها غدوة توا عندي ماندير
ندى : باهي
طلع احمد وقف خدي نسكافي ودار شغله واتصل ب صابرين يطمن عليها
مع الساعة ١١
اتصلت صابرين بأحمد
صابرين بصوت تاعب : تعالى روح بيا
احمد : خيره صوتك
صابرين : تاعبة والجو صقعت
احمد : تمام نص ساعة ونكون عندك
خطم على صابرين خداها
احمد : بنخطم ناخد جاكيت متاعي عالسريع
صابرين : خليها حتى الصبحح تاعبة رقبتي مسكرة
احمد : البسي كويس انتي ع ابسط شي تمرضي
نزل خدالها حبوب وروحت للحوش دارت حاجات سخونة شربتها وصلت العشاء
ورقدت😴😴😴😴😴
الصبحح ..........
ناضت دارت الفطور فطرو ولبست ورفعها لحوش خالتها حضر الجنازة
كلماته مبروكة .......
مبروكة : وخيرك ماجيتش امس مش قلتلي بنولي ناخدها ولا هيا قالتلك لا
احمد : الوقت متاخر فتتها
مبروكة : امممممم وباهي
احمد : امتى نرفعك تعزي
مبروكة : اشششيه كتر من المناسبات باش ترفعني ايامات خوي مسكين مابيتش ترفعني
احمد ؛ باهي امي بلاس مش رافعك
مبروكة: امتى مايخطرلي توا نمشي

ف العزاء .......
اخت صابرين : خيره عزوزتك ماجتش عزت
صابرين : بالي غير فيها اخطيني منها
اخت صابرين : كان هيا كيف ميجوش يعزو
صابرين : هدا في شن فالحة هيا بس
فات الوقت كله و مبروكة مش عليها الكلام ولا قالت نمشي نعزي ولا نكلم واحد من ولادي يجي يرفعني
روحت صابرين وهكدا تمشي للعزاء وتروح تبات وتاني يوم تمشي .......
وجها كل يوم يتقشر كيف عزوزتها ماتجيش تعزي
خالة صابرين ليها ٣ ايام
اتصلت مبروكة العشية بولدها ايمن رفعها تعزي ساعة وطلعت روحت معاها راوية تعزي
ام صابرين : قعدتي بايتة
مبروكة بطرف عينها شبحت لصابرين وقالتلها
: مريضة ومنحبش يا بننتي نبات برا الحوش
صابرين زرتها الضحة وعرفتها تلقح 😂😂😂
لبست مبروكة فراشيتها وركبت مع احمد مروح بيها ......
احمد : وقعدتي مع صابرين راهو روحت بيكم مع بعض
مبروكة: لالا هوا هداكا بناتها باين عليهم مش باهياتت
احمد : امي سيبي الناس ف حالها
مبروكة ؛ واني شن قلت هدا كله مش راضي فيهم وك وك
احمد : ربي يهديك
مبروكة : اجمعين
نزل معاها شوي وطبعا يبرة تنخص فيها لازم تجبد سيرة صابرين
مبروكة : جبتها حتى دارت العشاء
احمد : امي شن تقولي انتي بنجيبهت من العزاء باش ادير العشاء وعندك بناتك شن صنعتهم حتى عزاء مامشوش
مبروكة: اني عمري ولاسمعت راجل طوله بعرضه يسمع ف كلام مرته
احمد: اقعدو في امه الحوش
طلع احمد والباب قريب جابه في يده
مشي قعمز معاهم فالعزاء شويا ومنه يستنى ف صابرين بش يروح بيها
جت نادية عزت وعطلت شوي واحمد يستنى
نادية : بنتي بتجي تعزي راجلها قاللها مش فاضي
صابرين ف خاطرها مانبيلك عزاء
شويا وناضت روحت ....
ركبت صابرين السيارة ...
اتصلت مبروكة باحمد ماردش مع الرجالة
اتصلت ب صابرين ......
صابرين : اهلا كيف حالك
مبروكة : حمد لله اهو فاشلة
صابرين ف خاطرها : زي الجن شن فيها
مبروكة :..........
صابرين :........
يتبع#