رواية حوش عزوزتي (منقوله )

3

#حوش_عزوزتي
الحلقة 3
قراءة ممتعة 😍😍❤️❤️
للكاتبة جنات❤️❤️❤️
صفحة: خيالي مفتاح رواياتي$
_______________________________
ندى : اسمعي انتي امي بتركب القدام اركبي التالي وبصوت واطي ( اركبي بكرامتك)
قرب احمد وضغط على يدها: بتحترمي نفسك ولالا
🤬🤬🤬
مبروكة: خلي اختك شن قالت هيا ديما كلام الحق متبوشي الله غالب
احمد: تي والله ماماشيتها معاي انزلي انتلفي امشي مع نادية ولا دبري من يرفعك ومدابيك ماتورينيس وجهك لما تروحي
مشت ندى بغل غلها ركبت لحوش نادية لقتها تلبس في عبايتها بتطلع قالتلها بنمشي معاك
واحمد ومبروكة وصابرين ركبو ورفعهم
طول الطريق ساكتين شوي شوي احمد يشوف لصابرين من المرايا
مبروكة: وليدي ماوجعوكش عيونك من بياكلها التالي
احمد: امي انتي استغفر الله وخلاص
مبروكة: 😑😑😑😑
وصلو للصالة نزلت مبروكة وبحكم ان قفطان صابرين كبير فتحلها احمد الباب وخدي يدها نزلها
مبروكة تنزل : اااه يارجليا مرضوني قيس وليلى
صابرين تضحك عالسايلنت وفي نفس الوقت منرفزها الموضوع
ساعدت صابرين روحها وخشت للصالة
حولت كابها وعدلت روحها وخشت .....
طبعا ماتعرف حد وعمتكم مبروكة مكرت فيها جت وقعمزت على كرسي جنب خالة العروسة واللي تبيها تجي تسلم عليها
واقعدي عاد ياعمتك صابرين دوري مع من تقعمزي😂😂😂
جت بنت خالة احمد لي مبروكة : خالتي مبروكة وين كنتك خلي نسلمو عليها
مبروكة: اوينها اللي لابسة الازرق
وينها؟؟؟ شوره عيونك اصح من عيوني ياخالتي ههههههههه
مبروكة : وينهم العيون بالله
مشت بنت خالته بعد مازبطتها سلمت عليها وقعمزتها معاهم في الطاولة
صابرين مقعمزة تراقب لين خشت ندى مع نادية
والشر في عيونها وهدا كله مزال ماشافتنيش ههههههه
فات الوقت وخشت العروسة مشيت باركتلها ووليت قعمزت
جت ندى لقتني في الطاولة سلمت عليهم وقعمزت شوي شوي تعطيني هديكا الشبحة واني مش معبرتها مدايرة حزب هيا ونادية تقول عليها مش مزوجة بناتها زي لقطات الصغار هالنادية😂😂😂😂😂
نادية بالشوية لي ندى : هادي يلي كان يبيها احمد؟؟؟
ندى تعلي في صوتها : اي اي هيا لي كان يبيها ريته خداها ولاهالشكل
طبعا اني نسمع فيهم حزت بيني وبين نفسي علاش لقطات الصغار كان يبيها راهن خداها
شوية وجتنى مبروكة تدبدب على رجليها 😂: نوضي ارقصي خلي يقولو كنتها فالحة وكان عندك حويجة قعمزي مش باهي ليك
صابرين: باهي حاضر ي عمتي🙂
مبروكة مشت وتراقب ف صابرين ب تنوض ولالا
ناضت صابرين ترقص فالحة فيه😂 شوي وقعمزت
صابرين : نادية ماشفتيش راوية
نادية: اهي مقعمزة غادي
نضتلها سلمت عليها ومشيت قعمزت معاها افتكيت من الشكالات لي مقعمزة معاهم
راوية: اسكتي ساكتة جتنى ندى قالتلي اوينها اللي كان يبيها راجلك
صابرين ضحكت: هههههههههههه وهيا امتى خشت باش تجيك
راوية: عرفتيها لي نقصد عليها
صابرين: لالا وينها
راوية: اللي لابسة اخضر
صابرين بلعت ريقها وسكتت : عليك حالة وخلاص
خش العريس لي عروسته وخداها تعشينا واتصل بيا احمد : شنو نجيكم؟
صابرين: تعالي كانك فالحوش مسافة الطريق سادة
احمد: ماشي هي جايك
صابرين: دير بالك ع روحك وبالشوية ماتتهورش
احمد ضحك: ان شاء الله ❤️
وسكرت ......
وصل احمد بعد نص ساعة
لبست كابي وناديت عزوزتي .....
هداكا الوقت الصالة حايسة ويلي هادي بتروح الامور ملخبطة من الزحمة
طلعت نادية ركبت السيارة استغربت ندى مش معاها
ركبت السيارة سالت احمد : ندى وين؟
احمد: بتروح مع نادية
ركبت مبروكة وطلعنا
مبروكة: اني حطني في حوش اختي خلي بنبات معاهم حوش عرس
احمد فرح ههههههههه : اوكي
مشي احمد حط امه في حوش خالته ونزلت صابرين القدام
فتحلها احمد اغاني وجو في السيارة عاد واخيرا حصلو اكسجين من ضرتها😜😜
وصلو للحوش درس احمد السيارة وساعد صابرين تنزل ركب هوا وياها وهما فالدروج يسمع في صوت سيارة ....
فتح ضي الدروج ورد التالي بيشوف من جاي
لقاها ندى ....
احمد: وين نادية خيرك نازلة بروحك
ندى: من قالك روحت مع نادية جابني ولد خالتي فاطمة
احمد: مننن هوا🤬🤬🤬 تي من قالك اركبي معاه 🤬🤬🤬 اتصلتي بيا جيت روحت بيككك اقلبي وجهكككك من قدااميييي
ندى قدمت عفيت ع قفطان صابرينن صابرينن عترت وطاحت 😨😨😨
بس جتها بسيطة قامها احمد عطاها المفتاح قاللها اركبي تو نجيك
ركبن صابرين فتحت الحوش وخشت حولت قفطانها ومكياجها
بينما احمد خش لي ندى عطاها طريحة قريب قتلها ع اللقطة اللي دارتها لي صابرين
احمد: انتي كان متبيش تتربي نربيك اني🤬🤬🤬🤬
ندى: حووووللل ي حيواان 😭😭😭😭
احمد طلعع من الحوش وسكر الباب
ركب لي صابريين ....✋🏻
صابرين : خيرك نسمع في صوتك لهنا
احمد: ادبتها وجيت
صابرين : قصدك ضربتها😨😨
احمد: ايي
صابرين: حرامم عليكك مش لهدرجة
احمد:...........
صابرين اوريدي طلعت وبدت تبكي😭
يتبع#