رواية حوش عزوزتي (منقوله )

9

#حوش_عزوزتي
الحلقة 9
قراءة ممتعة ❤️❤️❤️😍
للكاتبة جنات❤️
________________________________
نادية بخبث: شن رايك في حلوياتي
صابرين : عجبوني يسلمو ايديك خصوصا لي عطيتيهولي حللو بنتهه😘
نادية : صحتين على قلبك
وطلعت .......
نادية ف خاطرها : تو يمشي فيها السحر مدامه قالت عجبني تستاهل هالكلبة تقعد بلا صغار لين توصل ال٤٠
صابرين قعدت تجهز فالعشاء ونادت ندى تقدم معاها العشاء
قعمزت تتعشى معاهم وتهدرز
سمعت صوتها تليفونها في المطبخ
ناضت على طول مشتله اول ماخشت المطبخ لقت نادية واقفة وعاطية بظهر
خدت تليفونها تلفتت نادية واللي في يدها لوحاته فالكناسة حشاكم وطلعت من المطبخخ طووووول
صابرين رعشت وجها مايتفسرش من الموقف
فتحت الكناسة حشاكم لقتها كيسة خدتها دستها عندها وطلعت تعشت معاهم
لين روحو الضيوف .......
خشت نادية ع اساس بتغسل الماعين تحساب صابرين بتخش معاها
حولت صابرين الحوسة من دار الاستقبال وشفطتها وقالتلهم : بالسلامة ي عمتي
مبروكة عاد راضية : بالسلامة بنيتي
ركبت صابرين للحوش تعباااانة اول شي داراته اتصلت ب خوها حكتله عالكيسة بما ان صاحبه شيخ قالتله تعالى ارفعها توا مانقدرش نبيتها في حوشي
بما ان احمد طالع جاها خوها ف نص ساعة كلن عندها خدي الكيسة وروح بسرعة قبل مايروح احمد .....
ارتاحت صابرين من هم الكيسة متع السحر وخشت دوشت ولبست قفطان نوم فوق الركبة بشوية ضفرت شعرها وتسطحت عالسرير ترتاح
روح احمد حطتله من العشاء يلي داراته ف حوش امه
صابرين : تصبح على خير بنرقد انا تعبانة هلبا
احمد : معليشي تاعبي روحك شويا مع امي و تتعودي عليها اكسبيها وديريلها تو تتغير
صابرين : ان شاء الله
خشت رقدت لتاني يوم ......
ناضت صابرين كالعاد تبي تجهز الفطور
احمد فتح نص عين ؛ ماديريش فطور
صابرين : صباح الخيييير 😂
احمد : تي غير باهي ارقدي تو نطلعو نفطرو ف كافي
صابرين : بنوض نحوس ع حالي شن ارقدي
احمد : باهي به اني بنرقد
رقدت احمد وصابرين دوشت وضمن الحوش
ناض احمد جهزو روحهم ونزلو بيفطرو ف كافي
مبروكة ف الدروج : وين على صبحات ربي
صابرين: صباح الخير ي عمتي
مبروكة: صباح الخير
احمد : عندي مشوار توصي حاجة
مبروكة : شن خدمتها معاك فالشركة امالا
احمد يضحك : ايه بدت مديرتي
صابرين استفزها الكلام فنفس الوقت ضحكت ونزلت سيبتهم
مبروكة ؛ شن هالدوران ياولدي مش باهي ديما تطلعو
احمد : امي توصي حاجة ؟؟؟؟؟؟؟؟
مبروكة : لا مانبي شي
خشت لحوشها وسكرت الباب .....
ركب احمد السيارة ومشو للكافي هوا وصابرين
طلبو الفطور وقعدو يهدرزو لعند ماوصلهم
فطرو وهكي وطلعو ركبو السيارة دارو دورة وروحو .....
ركبت صابرين لحوشها واحمد خش لامه
حولت لبستها وقعمزت ......
بعد نص ساعة ركب احمد نفس الشي بدل واتكا
مع ال٢ رن الجرس.....
فتحت صابرين الباب طلعت نادية
نادية : اهلا كيف الحال
صابرين : الحمذ للهً كيف حالكم انتو
نادية : كويسين تفضلي هد من غداي قلت ندوقك
صابرين : صحيتيي 😊
نادية: سلمك هي بالسلامة منعطلكش
صابرين/ سلامتك
روحت نادية واحمد كان عالصالون
صابرين خشت للمطبخ ب الصونية لقتها كسكسي
احمد: ف كل الاحوال مشش ضروري اطيبي غداء جيبي يلي جاباته نادية
صابرين : اه لالا مش لازم
احمد : شن ؟ خيرك
صابرين معش عرفت شن تقول : لالا مش حلو فوته
احمد : صابرين في شي
صابرين : ماتاكلش منه وخلاص
احمد : علاش شفتي منها حاجة
صابرين : احمد خيرك تسال هلبا قتلك ماكلتها ماتاكلهاش
احمد : تمام 👍🏻👍🏻👍🏻
صابرين لوحاته الكسكسي لانها عارفة نادية تدبر ف مكيدة
دارت رز بالخلطة مع شربة وحطت الغداء
صابرين : احمد هي تعالى
احمد قعمز يتغدى وصابرين شوي وناضت ماخاطرهاش
صابرين لمت الحوسة وبخرت حوشها وقعمزت فتحت التلفزيون .....
احمد : اني طالع واحتمال نعطل
صابرين : ف امان الله
طلع احمد وصابرين كسدت ع التلفزيون
سوي تسمع ف صوت حد فالدروج
دارت التلفزيونن عالسايلنت تبي تعرف صوت من
شوي وطق الباب .......
صابرين ...........
يتبع#