رواية حوش عزوزتي (منقوله )

11

#حوش_عزوزتي
الحلقة ١١
قراءة ممتعة❤️❤️❤️😍
للكاتبة جنات😘😘😘❤️
__________________________
ندى : وشن كنتي اديري عندها فوق
ابتهال : حنيتها
ندى : وعلاش محنيتها مافيهاش يد تحني بروحها
ابتهال: احمد قاللي شن بنقوله لا!!!!
ندى: باهي به ! كان يسمعو بيك بنات عمي يقولو هادي تخدم لي مرت خوها
ابتهال: والنبي اسكتي انتي وبنات عمي شن درت اني حنيتها ماقتلكش حنيها انتي
وخشت ابتهال سكرت الدار ........
عند صابرين .......
ترقد وتنوض والحنة مزالت عليها
سكرت ال٣ ساعات ناضت حولتها ....
دارت صابرين عشاء عالخفيف لين روحح احمد ....
احمد : ريحة الحوش حنننة😍😍
صابرين : تحب ريحتها اكتر مما نحبها انا 😂😂
احمد : 😒😒بالله
صابرين : والله😁😁😂
مبروكة ونادية في الدروج
مبروكة : ماقالت حتى نبعت حنة لي عمتي هاللي ماتتحشم
نادية : ياعمتي ناس ماتفهمش فالاصول هادو
مبروكة: ايي يابنيتي هالخلطة الحرفة غير علاش رضينا وخديناهاله
نادية: ياعمتي ماتندري ع النصيب
مبروكة ضربت ف راسها : وشنو يابنتي بتطلق
نادية : مش قتلك ماتندري عالنصيب
خشو للحوش وكملو هدرزتهم .......
مبروكة في خاطرها : لما نشيبها مدامها ساكنة فوقي تتحمل مايجيها
نادية : والله ياعمتي باين عليها ماتبي الناس
مبروكة: هادي بتدير النفاسات بتحشمني مع الناس
نادية : ياعمتي قلتلكم اهي اختي قلتو لا عنده شوفيها كيف
مبروكة ضربت ف راسها ملييييح : اييييي يابنيتي شن يدير الندم
نادية : يدير المشاكل
نادية : هي بسلامتك ي عمتي وكان تبي حاجة قوليلي
مبروكة: بالسلامة
روحت نادية لي حوشها واحمد كان نازل ...............
نزل احمد لامه يهدرز عليها وهيا تقصقص وتجبد في الدوة
مبروكة: اني مزال حرجانة منها بعدين ياوليدي قلنالك اهي اخت نادية سكرت راسك شن عاجباتك اللي جبتها ماهو
احمد مباش يرد سكت ومش عاجبه بكل
مبروكة : اهي اخت نادية زي الغزالة قاعدة ماخطبها حد
احمد تنرفز. : وشن بنديرلها اني😡😡😡😡
مبروكة : لا ياوليدي حللك اربعة ماتشوفليش
احمد وقف : امي مزال تعاوديها الدوة هادي يمين بالله حوشك ماعاد خاشله
مبروكة : وشنو ساحراتك هيا
احمد طلعع وقربعععع الباب 😡😡😡......
ابتهال طلعت لامها : امي خيره صياحاتكم قريب يسمعوها الجيران
مبروكة : لاه لاه قتله ياخد اخت نادية
ناضتلها ندى : وهدا ماناقصنا الا اخت نادية حتى من ولدك ايمن مهدرزة عليه ايامات تقرا فالاعدادي  تركب فوق حوشهم ومامخلية على من مهدرزة
مبروكة ؛ اسسسسس اسكتي بلا كدب تتبلي على بنت الناس
ابتهال : امي حتى كان متنفعش عريسس قاعد الهم حتى سنة ماسكرها تقوليله تزوج خيرك انتي
ندى: خليها امك هادي منزلة ابديت مضروب قاتلك اخت نادية قاتلك
مبروكة : ماعرفت نربي  لاجت رباية ف بنات لا ولاد تقول جايبة ولاد بس زي المسترجلات نوضي جدري انتي وياها 😡😡😡😡
ندى وابتهال ناضو للدار وسكروها .....
مبروكة فتحت على قناة دينية وتتفرج
هههههههههههه ديانة مقطعة بعضها
عند صابرين ........
تسمع ف صوت عالي عرفت انها مشكلة بس مفهمتش ع شن .....
ركبلها احمد متنرفز 
صابرين ماحبتش تسأله خلاته يهدى وسألاته
صابرين : خيرك مش على بعضك ؟
احمد : مافيش شي
صابرين : كيف مافيش شي
احمد : مدوريش قلنا انسي
صابرين : براحتك ! ، نحطلك تتعشى
احمد : توا فوتي معنديش نية ف شي قعمزي بس
صابرين : تمامم
قعمزت صابرين تغيرله ف جوه وهككي تهدرز معاه ....
تاني يوم .....
مشي زي اي يوم عادي جدا واحمد مانزلش لامه بكل
كانت الحفلة اليوم صابرين هالمرة مكيجت بروحها ولبست فستان اوف شولدر لونهه بيبي بينك 🌸
لبست كابها وطلعت رفعها احمد للصالة .....
خشت لقتهم ماشيين مع نادية 😂
سلمت عليهم وكيف بتقعمز نادتها اخت راوية التانية
مشت سلمت عليها
قالتلها: تعالي قعمزي معانا خاطرهم يتعرفو عليك
قعمزت معاهم صابرين هدرزت عليهم 🌸
صابرين ف خاطرها : افتكيت من وجوه النكد
عزوزة الشر مقعمزة وتشبحلها قريب تاكلها
فات الوقت وخلاص تم كل شي بتروح صابرين
لبست كابها وطلعت ركبت السيارة
احمد هدوء تام ومسكتتت
بعد شوي قاللها: صابرين
صابرين : نعمم ان شاء الله خير
احمد : .............
صابرين :🤭🤭🤭
يتبع#