رواية حوش عزوزتي (منقوله )

14

#حوش_عزوزتي
الحلقة ١٤
قراءة ممتعة ❤️❤️😘
للكاتبة جنات❤️❤️
_________________________________
مبروكة : اييي بنقولك بنيتي اني راني قريب نرقد بناتي رقدو وجعت ديريلي عشاء وابعتيهولي مع راجلك
صابرين انصدمت من صحة الوجه
معرفتش شن ترد قالتلها : باهي حاضر ياعمتي
مبروكة : هي بالسلامة غر ماتعطليش عاد قريب نرقد
صابرين : ان شاء الله
سكرت صابرين تسحن : هدا كله من الهزوة عندها صبايا واني نبعتلها عشاها حتى حوش بروحي لاحقتني استغفر الله وخلاص
احمد : خيرها امي شن تبي
صابرين : قتلي ديريلي عشاء وابعتيه مع احمد
احمد مسحح على وجهه وسكت
روحت صابرين للحوش ....
حولت عبايتها وصلت
خشت للمطبخ دارتلها شربة وبيتزا وبعتتهم مع احمد
مع ال ١٠ رفعهم احمد
طق عالحوش فتحتله مبروكة ....
مش كيف حالك ياولدي لالا
مبروكة : كيف بنخش نرقد والله يحبك ربي كان هدا ماني ضايقاتهه
خدت العشاء منهه وفاتاته هههههههه
احمد : هي تصبحي على خير
مبروكة اتمتم : خايف على هالبرنسيسة ياكلوها
سكر احمد الباب وراه وطلع ......
عند صابرين ......
ضمت الحوسة ورتبت الطاولة حطت عليها.بيتزا وشربة من اللي بعتاته
خشت دوشت عالسريع لبست جامبسوت❤️(آڤارول)
ضفرت شعرها واتكت عالتلفزيون تتفرج بين ماوصل احمد ....
مع ال١١ وصل احمد للحوش قعمزو تعشو وكسدو شويا بعدها لمت صابرين الحوسة
صابرين : احمداني بنرقد
احمد : باهي حتى ني جاي بنرقد تعبان
خشت صابرين لمكانها رقدت وبعدها خش احمد ....
فاتت شهور الاولى في الحمل مرة نتعب ومرة نصح وتطييب بالكمامة من الوحم😂😂
ومبروكة كل مرة تزيد تحط راسها وراسي 😷
ونادية دارت انسحاب مسكتة
وصلت فالشهر السادس وانا نتعب هلبا يادوب نتحرك واحمد مدلل بيا غير استريني مع امي ههههههههه 😂😂😂
في يوم خميس نايضة الصبح بكري ضميت حوشي وبخرته مع ال١٠ كنت مكملة وحطيت الغداء عالنار
عجبني الجو ظلمت الحوش وقعمزت عالتلفزيون نتفرج لعند ماطاب الغداء طفيت عليه النار
ومقدرتش نقاوم النوم في الهدوء والصقعع والبطانية😂😂😂❤️
رقدت لل ١ ونص وانا مش خاطرلي انوض
لين روح احمد من الدوام نوضني جهزت الغداء تغدينا ولميت الحوسة
صابرين : احمد ترفعني نبات عند امي
احمد : امتى تبي تمشي
صابرين : امتى مايساعدك
احمد : اني بنستريح ساعة وعندي مشوار معناها ندير مشواري ونجي نرفعك تمام😚
صابرين :😍 باه
رقد احمد وصابرين نايضة مكسدة !
طلع احمد دار مشواره ورجع للحوش
لقي صابرين مجهزة شنطتها
كلماته مبروكة .......
مبروكة : اني ياوليدي الخميس هدا نبي نجي لحوشك
احمد شبحح لصابرين طول
صابرين : قوللها طالعين 🤦🏼‍♀️🤦🏼‍♀️🤦🏼‍♀️
ف خاطرها : بردتها قداش بنفوت طلعة على خاطرها
احمد : صابرين بتمشي لحوش بوها
مبروكة : اني الله غالب لما نبي نجي تبدا تتسبل
احمد : مانتسبلش اني خلاص تو نجيك
وسكر الخط......
صابرين جتها خيبة امل والفرحة كلها طارت
وصت احمد يجيب عشاء من برا ومشروبات
خطم احمد على امه جابها لحوشه وجاب عشاء
حطتلها صابرين شاهي وحلويات وحطتلها العشاء
مبروكة : تم مني الدواء
احمد : مش كنا فالسيارة كان قلتيلي راهو وقفو خديتلك
مبروكة : نسيته
احمد : هيا نوضي نمشي نشريلك
مبروكة : باهي هي نضت
احمد : هي صابرين البسي واطلعي
صابرين استغربت لكن سكتت
خشت للدار تلبس ف عبايتها خدت تليفونها وطلعت
ركبت للسيارة ....
بعدهم ركب احمد خدي دواء لامه
وبيحط صابرين
مبروكة : مش هدا حوش نساباتك شن جابك ليه
احمد : بنحط صابرين عند امها
مبروكة طارتلها: امممممممم باهي
صابرين ف خاطرها : مش سادك حوش امي حتى شهر مانمشيلاش تحرمي فيا وتوا طارتلك 😒😒😒
صابرين شبحت لاحمد احمد غمزلها واشرلهت عالشنطة متاعها
صابرين ضحكت طول هههههه
نزلت صابرين شنطتها وقالتلهم تصبحو ع خير
تعرفو علاش ضحكو😂
منبيش نقوللكم😏😂 نبصر نبصر
ضحكو ع احمد نزللها شنطتها وهي نازلة ع اساس تبيش تمشي ( نقدها سوبر مان😂😂😂)
طقت الباب فتحولها صغار اختها .......
خووووويلة 😍😍😍❤️
سلمت عليهم صابرين وخشت
قعمزت تهدرز معاهم وسهرت معاهم
مع ال3 رقدو
تاني يوم ......
ناضت صابرين تعيط ي حليلي ي حليلي بنوولد من. تواا 😭😭😭😭😭
ناضت اختها وامها رفعوها للمستشفى طووول
اول ماوصلت للمستشفى
............
يتبع#