رواية حوش عزوزتي (منقوله )

20

#حوش_عزوزتي
الحلقة 20
قراءة ممتعة❤️❤️❤️😘
للكاتبة جنات😘❤️❤️
____________________________
مشت فيه اليبرة طوووول
احمد : صابرين 😡 شن مسيبة امي بروحها تعالي ارقدي جنبها شنو كل يوم عندك
صابرين وجعتها بدت تبكي  : اني مراء حامل وولادتي قريب كيف تبيني نرقد على فراش ماتفكرش ف صحتي تفكر كيف ترضي مزاجك بس
مبروكة : اني ماعاد جاياتك لا تعرفو ترحبو لا شي والله ماني راقدتها عندكم لما نرووح
روحححح بيا
ناض احمد متنرفز نزل ولع السيارة ونزلت مبروكة تقربع وتخبط 🤬🤬🤬🤬🤬
صابرين تبكككي مقهووورة : حسسسبي الله ونعم الوكيل فيها زي مارعشتنييي حسسسسبي الله ونعم الوكيل فيها
مسحت صابرين دموعها ولمت الدنيا وخشت سكرت على روحها الدار بالمفتاح ورقدت
واحمد يتصل بيها وتسمع فالتليفون وماتبيش ترد
روحح احمد للحوش ......
لقاها مسكرة على روحها بالمفتاح
رقد في الصالة من غير مايكلمها ولا شي

وفاتت ليلة نوم مش متريحح على احمد وصابرين
تاني يوم .............
احمد رقد للساعة ١٢ وصابرين نفس الشي ماناضتش
بعد نص ساعة ......
اتصلت مبروكة ب احمد مرتين واحمد ميبيش يرد لين سكر تليفونه
ناضت صابرين راسها بيطربق خشت دوشت وخدت حبتين بنادول
احمد خش يدوش وطلع ماقالش مع صابرين ولا كلمة اخطى من صباح الخير
عند حوش مبروكة .........
تاخد وتدعي على صابرين
ابتهال :امييييي حرام عليك مراء حامل مهما كان ماتدعيش عليها
مبروكة : اسكتي شن دخلك انتي
اتصل تليفون مبروكة ........
نادية : كيف حالك ياعمتي
مبروكة : حمد لله كيف حالك يابنيتي
نادية : اهو ياعمتي زي ماتشوفيً
مبروكة : مسكر راسه شن بنديرله
نادية تنزل ف دموع تماسيح 😂😂😂😂: والله ياعمتي صابرين اتصلت قالتلي قولي لعمتي 😭
( تو هيا الكدابة كلهم عرفو انه بيطلقها ع خاطر نزلت ترعش فيهم القصة يلي تلفق فيها على من تفوت فيها 😂😂😂)
مبروكة: عطهاا البلي ان شاء الله جت وجابت معاها المشاكل البلي وقلة الهني ان شاء الله
نادية : وكيلها ربي ياعمتي فرقتني على راجلي
مبروكة : زمان يدور توا يوليلها بالبلي والمرض
نادية : هو هدا ياعمتي سلميلي عالبنات
مبروكة : يوصل بالسلامة
نادية: سلامات
سكرت مبروكة من نادية ناضت تسحسح وتدعي على صابرين لين ندى حست الوضع اوڤر ووقفت مع صابرين : انتي خيرك عليها هدا كله على خاطر نادية والله ماهي مرت الرسول يلي نايضة تدعي على مراء حامل على خاطر وحدة لسانها خبيث
مبروكة : يعطيك عفريت ان شاء الله😡😡😡
وحدغت السبحة على وجه ندى هههههههه
ندى : حسبي الله وخلاص
نردو عند صابرين......
تضم وهيا فاشلة نوعيتها نظافة هلبا كان تجي تشوفي هيا واحمد بس فالحوش من وين بتحي الحوسة😂😂😂😂 بس هيا وسواسة نظافةً
ضمت لين فشلت اتكت خلاصصص
روحح احمد لقاها فاشلة ومتلوحة ف الدار
احمد : فيكك شي!!!
صابرين : لالا فاشلة بسسس
صابرين: ااااه ي حليلي
احمد شدلها يدها ونوضها بالشوية طلعلها عبايتها
احمد : البسي وهيا
لبست صابرين عبايتها وهيا ف لطف الله الم ولادة
رفعت معاها ساكو البيبي
وطلعت تتألم تبكييي فالسيارة 😭😭😭😭😭
واحمد قريب يقلب السيارة
احمد : تحملي شويا
صابرين ي حليييلي 😭😭😭
احمد : قريب نوصلو
ويحصلو ف زحمة وصابرين تعيط من الالم
واحمد خلاص متوتر قدام الناس
فجاءة نزل ..........
يتبع#