رواية حوش عزوزتي (منقوله )

4

#حوش_عزوزتي
الحلقة 4
قراءة ممتعة❤️❤️😍
للكاتبة جنات😘
___________________________________
صابرين:حرام عليك مش لهدرجة
احمد:صابرين ماتدخليش بيني وبين عيلتي تمام!
صابرين: اورّيدي طلعت وبدت تبكي
غسلت وجها في الحمام وقعمزت في الصالة تبكيي لين خداها النوم
احمد فيما بدل ملابسه طلعع لاقاها راقدة وهي تبكي
قعد ينوض فيها مكرت مابتش تنوضلهه ع اساس ماتسمعش فيه
احمد: اووف تي خيرها هادي متبيش تنوض
ناضت صابرين خشت للدار من غير ولاكلمة تغطت ورقدت
احمد خش لحقها يبي يكلمها بس هيا مش راضية تكلمه بكلل
تنهد احمد ومشي سكر الحوش بالمفتاح وخش للدار رقد
تاني يوم ........
ناضت صابرين  مريضة 🤒 واحمد مزال راقد  دارت الفطور وغطاته وردت رقدت مش قادرة تتحرك
ناض احمد لقي صابرين راقدة استغرب
واضح عليها التعب والارهاق
حط يده على راسها لقاها سخونة
احمد : صابرينن 😖
صابرين مش قادرة تتكلم : ننعمم😩
احمد: مريضة!
صابرين: اي😭
ناض احمد دوش ولبسس خدي مفتاح السيارة وطلع يجيبلها دواء ....
بعد نص ساعة خش احمد للحوش جابلها ادوية للبردة خدتها ورقدت فيها منوم😴😴😴
احمد مامشاش للدوام طول الوقت جنب صابرين 
طلع جاب غداء من مطعم غصب ع صابرين تاكلل كلت شوي وسيبت
شوي وطق الباب مع ال٢
مشي احمد يفتح في الباب
مبروكة: وخيرك انت ديما تفتح في الباب 😡
احمد: صابرين مريضة
مبروكة : باهي لاباس عليها ترا حول خلي بنخش تم عليا السكر بناخد منك
احمد: استغفر الله العظيم 🤦🏻‍♂️
خشت مبروكة للمطبخ خدت سكر وخشت لصابرين لقتها راقدة طلعت ...
صابرين حست بسها ومابتش تنوضلها
صابرين ف خاطرها: حتى ف الشرع مش مزبوطة خاشة لي حوش بلا استأذان شن هدا حتى خصوصية مافيش🤦🏼‍♀️🤦🏼‍♀️🤦🏼‍♀️🤦🏼‍♀️
طلعت مبروكة وسكرت الباب وراها ....
نزلت لحوشها لقت ندى مقعمزة تتفرج
مبروكة: اتصليي بأختك تروح ياسرها من حوش خالتها تم العرس
ندى: قالت بنروح العشية
مبروكة: هديكا صابرين مريضة وبالك حتى تتوحم وماتبيش تقول
ندى: تتوحم ولاتموت شن دخلني فيها 😒😒
مبروكة : باهي هيا نوضي ديري حاجة شن جيتي وقعمزتي
ندى: افففف باهي باهي
جت مبروكة وامتدت على الصالون تتفرج ع التلفزيون
فاتت جو ربع ساعة متكية وناضت بتمشي للمطبخ طاحت قدام الباب
نوضتها ندى وماصارلهاش شي بسيطة

عند صابرين ........
مافادش معاها الدواء وحالتها زادت لبست عبايتها ونزلو بيرفعها احمد المستشفى سندها عليه ونزل بيها
طلعت مبروكة قدام الباب عاد شن تسمع صوت الباب انفتح تطلع تجري عارفة بيصير فيها الخيانات ههههههههههه
مبروكة: على خير
احمد: بنرفع نعاينها تبي حاجة؟
مبروكة : راجيني بنمشي معاك طحت على رجلي نبي نعاين
احمد: باهي هيا
ركبني احمد فالكرسي القدامي ونزلهولي بحيت نتكى منقدرش نركب من تالي مايساعدش
احمد  تنرفز من لقطات امه 🤦🏻‍♂️
جت عمتك مبروكة لقت صابرين مقعمزة فالكرسي جنب احمد طارتلها وسحنت روحها حتى الضغط شبحتي فيه شيّط من السحن😂😂😂😂
وصلنا للمستشفى نزلها احمد للدكتور ومبروكة نزلت
خشت للدكتور وعطاها علاج وهكي
ودارولها ابرة تغدية ساعتين وطلعت
مبروكة عاينت ونزلت للسيارة قعمزت تراجي
نزل احمد وصابرين للصيدلية متع العيادة مالقاش فيها الادوية
ركبت صابرين من تالي طبعا لان مبروكة نزلت من الكفر يلي في راسها قعمزت جنب ولدها
احمد شاف الصيدليات مالقاش
قال لامه : يا امي انزلي للحوش اني مزال مطول بندور الادوية غير بتعطلي
مبروكة: لالا عادي برا وكان عطلنا
احمد: ساعتين تانيات راه
مبروكة: باهي باهي نزلني للحوش
حط مبروكة في الحوش ومشي يدور فالادوية
مبروكة خشت تتّمتم : يلز فيا صار. كله من هالعقرب مرته
مع زحمة الطريق قعدو اكتر من ساعتين باش خدالها الادوية وروحو للحوش
خدت ادويتها وخشت رقدت ماعاد تندري ع من جي ومن مشي 😴😴😴😴
تاني يوم ....
صبحت صابرين حالها احسن شويا
تتحرك شوي شوي
مع العشية جت ماما واختي .....
ركبت مبروكة وندى في جرتهم 😑😑
سلمو عليهم وراسهم راس ام صابرين لين روحو وسقدتهم في الباب ولاقالت ننزل بالك بيقولو كلمتين خاصات 😒😒
شوية تانية وجت نادية ماعطلتش نص ساعة وروحت
تعافيت شوية يعني قادرة نتحرك شبحت لاحمد: انوض ندير عشاء اكيدة جعان؟
احمد:لالا ماديري شي الغداء يلي جبته ماكليتش منه الا شويا ت نسخنه ونجيبه كولي معاي
ناض احمد سخنه وجي تكا على صابرين : خودي انتي ماكليتيش اليوم
كلينا ولميت الحوسة وللنوم طووول متخدرة مع بعضي
تاني يوم .....
العشرة الصبحح الباب يطقق يقربعع قربعععع عالصبح احمد واخد اجازة تلاتة ايام يعني بيستريح
ناضت صابرين تنوض ف احمد : احمددد نوض شوف من يقربع عالصبحح هدا
ناض احمد فتحح الباب لقاها مبروكة: ووووه عليا وخيي توفى
احمد: من مات تي شن في
مبروكة: خالك توفى ارفعني توا
احمد: الله يرحمه امي اني بنرقد قولي ل ايمن يرفعك
مبروكة:................وقربععع قربعت الباب

زعما علاش تنرفزت مبروكة ؟
ندى وصابرين بتزيد العداوى بينهم او لا؟
من الحامل راوية او صابرين ؟
يتبع#