عذابي ودموعي لأجلك

بارت 1

اني شهلاء عمري حاليا 28سنه
تبدا قصتي من عمري 19 سنه
اني من عائله فقيره يعني بابا يشتغل ع كد اللكمه يعني باليوم 15 الف للعيش وماما تشتغل خياطه اتحيب النه ملابس وهكذا ف احنه عائلتنه متكونه من بابا وماما واني وأختي الصغيرة ديمه عمرها شهرين
بابا ما راد يكبر العائلة حتئ متصعب العيشة علينا
احنا ماعدنا عمام وخوال أو بالاحرئ خوالي وعمامي متبرين منهم
ليش ؟؟
لان ماما وبابا عن حب
بابا من الجنوب وأخو يصير شيخ عشيره ف بابا من شايف ماما ببغداد حبوا بعضهم كولش
من بابا كال لعمي يخطب امي
بابا : اريد اخطب ريم
عمي : ما تزوج ريم لو اعرف آكلب الدنيا علئ رأسك وتاخذ بت عمك غصبا ما عليك احنه عدنه ابن العم لبت عمه وأنه متبري منك
انقهر بابا كولش بس
بابا عاف كولشي وراه حتئ ورث أبو واخذ ماما الي شردت وياه واهلها تبروا منها
وحاليا
مواصفاتي ( شعري طويل تمري يوصل لحد الورك عيوني جوزيه حنطاويه وعندي غمازات كولش قويات حتئ من احجي يبينن وعندي خدود ورديه طولي 156 واني مو سمينه وزني 56 وعمري 19 )
شهلاء كعدت بيوم الخميس بلكوه من الفراش
رحت غسلت وبدلت ورحت علمود اشرب الحليب
ودعت ماما أخذت مصرفي ورحت للمدرسه جنت كولش شاطره واني مو محجبة
وصلت للمدرسه
مر اليوم بشكل طبيعي مثل كل يوم واني ما عندي صديقات مو هن محد تصادقني لا اني لوحدي ما احب
اني صف سادس علمي
بس اني فاتتني سنه لان ماما كوووولش مرضت سولها عمليه لغسيل معده لان متسممه ف ما داومت لان ضليت يم ماما
رجعت للبيت وهنا لكيت الصدمة
بابا وماما وأختي ميتين بيتنه محترك
جانت صدمه الي بحيث كلبي حسيته حيوكف اختي الي ما شافت بحياتها شي لو امي لو بابا الي ما تهنوا من تزوجوا لحد هاي أللحظه
شعور صعب تفقد اهلك كولهم ب ساعات
أخذوهم واني اعيط بهستريا وابجي وين انطي وجهي بعدكم طبعا جوارينه سووا الفاتحه ع حسابهم لان ما عدنه شي طول هاي الفتره اني اترحم الهم و ما اكل وكاعده يم جوارينه وبس انتهت الفاتحه
الي هي 3 أيام اني انتهيت
ومرت فتره شهر اني كاعده بيت جوارينه لان ماعندي مكان اروح بي
جوارينه يتكونون اب ام وبنت عمرها 17 سنه كولش تكرهني لان اني احلئ منها وياي بالمدرسه
وابن عمره 22 سنه كولش أكرهه لان كولش مو راحه وأمهم كذالك تكرهني
اني من النوع الي ما اختلط بأي احد لذلك معندي صديقات ف ما مأذيتهم بس هم يغارون مني
مرت الأيام.
و فد مره وسمعت امهم تحجي وي العائلة. ع وجودي وياهم
لذلك قررت اطلع منهم
مو اخاف
بس كرامتي متسمحلي قررت اطلع منهم بدون ميدورن احسن
دبرت الكروه من هبه الي هي بنت جوارينه بدون متدري أخذت 20 الف سويت الي لفتين. دجاج وأخذت علاكه خليت بيها ملابسي و مستمسكاتي و حضرت نفسي اطلع الفجر مرت الساعات واني كاعده وأبد ما نمت
رحت ع الباب اركض طلعت من البيت باوعت ع بيتنه الي ما باقي. منه غير الرماد ووكعت دمعتي هنا كل ذكرياتنا الحلوه والمره عشناها كعائلة سوه و رحت اركض ما اعرف وين بس ع الكراج رحت سمعت. هواي سيارات طالعه بس جذبتني كلمه عماره الي بيها هواي الآلام ع بابا
وجان تأخذني رجلي الهاي. السيارة
و ساعات طويله صاعده ما اعرف وين. مصيري نزولنه للاستراحته. أكلت اللفات وكعدت شوي
وصلت الكراج نزلت ما اعرف وين
جان ....يتبع