حرنا شنو نسوي كمت ابجي
ورحت ع تبارك بستها اجه امجد باركلها ومرته هم
كالت الدكتوره لا تخافون عليها هاي النساوه مالتها شوي مزعجه تبقى هواي تتقيئ وينغمي عليها ف ديروا بالكم عليها
سجلتلها أدويه
اخذناها وطلعنه
رجعنا بشرنه عمتي خطيه طارت من الفرح
تذكرت من اني جنت حامل
اوووف عاد زودتها بس كل إنسان يحجي الي بداخله
هالشي مو قليل انو وحده بيوم وليله تنحرم من كلمه الماما
مشت الايام وتبارك تنام يمي وحملها تعبها ف كمت اشيل عنها اشغال واخفف عليها
بقت تكولي الله شاهد الأخت متسوي هيج لأختها مو عاد انتي ضرتي
حتى عمتي كالت مدام شهلاء موجوده ببيتي ما اخاف على بيتي من اموت
مرت الايام
وفد مرا كاعدين
ف كلت لتبارك
ليش منروح ع الدكتوره تشوف وضعج
احنه هناك ببغداد لازم اكو دكتوره تراجع وياج شهر بشهره منا لحد متجيبين
بس هنا بالجنوب يحبن النسوان يعتمدن ع نفسهن
هنه يجيبن نفسهم اكو
كتلها حتى نعرف جنس الطفل
نشوف وضعج
تسجلج ع أدويه
كالت يلا ميخالف
بدلنا
ورحنا ع عمتي
استأذنه منها وانطتنا 100 الف
يا دوب تكفي
نريد سونار وادويه وكشفيه ف 100 الف بلكي تكفي
اجرنا تكسي ورحنا للدكتوره النسائيه
ما قبلوا يفوتونا الاا بموعد
كتلهم المريضة متكدر ح تموت
كالت السكرتيره وطبها مرض خلي تموت شنو منو كايللها تخلف
جان تطلع الدكتوره ع صياحنا
كالت شكو
فهمتها وضع تبارك كتلها خطيه هواي تتخربط
كالت ليش معدها موعد ما حجزتولها
حجيت الها عن وضعنا واحنه ضراير وهذا الطفل الاول النا و مجنت أدري اكو موعد
عاد
كالت خلي تفوتكم ورا هاي المراجعة
صار سرانا ودخلنا جوه
اول شي كالت الها
اكعدي ع السديه
خلي نشوف الجنس
بعدين بدت تخلي ع بطنها
ونشوف الصوره
جان اجمل منظر بحياتي بحيث بجيت من كل كلبي
كالت الدكتوره توأم بنات
كالت مبروك
بعدين كالت ثاني طفله ما مستقره ومهدده بالاسقاط راح اسجللها ع ابر مثبته ونشوف الوضع
كالت بس وضعهم زين النبض والاكتمال مالتهم كالت حتى حجمهم زين
طمنتنا وكالت مبينه مدلله متشتغلين
بقينا نضحك
كالت مدلله بجال ضرتي
كالت الله يديمكم يارب
أنت تقرأ
عذابي ودموعي لأجلك
Romanceقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
