عذابي ودموعي لأجلك

بارت 7

دخل مراد للغرفه
مراد
رحت للشركه استلمت بواخر وديتها للبصره ورجعت تعبان لكيت اسامه بالصاله الفوك
دخلت لغرفتي جان ألكه شهلاء تدور بأغراضي
مراد بشك : شتسوين
شهلاء : دا انظف غرفتك
مراد : زيييين شتسوين باعراضي
شهلاء: مو أتأخر اسامه ما نزل بقيت بالغرفه من الملل اباوع باغراضك
مراد : استغفرلله جا ليش مو امي تنظف الغرف لو ايه
شهلاء : اني شعلي والله أمك كالتلي
مراد : اوكفي
طلعت ها آسامه متنزل جوه ؟
آسامه: والله بيا وجه أقابل بت عمي
مراد : تره هسه هي ماكو جوه
نزل اسامه
مراد : يله انزلي جوه وبعد لا تنظفين الغرف
شهلاء
ايي نزلت جوه لكيت ام مراد
ها شو اتأخرتي خلصتي تنظيف
شهلاء : ايي
رحت
ايي والله زين هاي ام مراد صايره زينه. الحمدلله

مرت الايام واني اشوف اسامه شوي حتى ينزل راسه حسيته متندم
وبيوم
جنت نايمه بليل تحلمت باهلي ماما صفيه وماما ريم وابوي وأختي لابسين ابيض
اجه ابوي فتحلي ايده
بالايد اليمني اكو ورده ذابله والثانية ورده حمره
اخذت الورده الحمره
باوعت على اهلي يضحكون
كلتلهم هاي شنو
ما جاوبوا لكيت بالوردة 2 جكليتات
ما عرفت التفسير بس فزيت
مختنكه طلعت للحديقه ابجي
مراد
متعود يوميه ما انام للساعه ب 2 بالليل لحد الان اتذكر هذيج الأيام اخخخخ
بوكتها جان عمري 18 اول حب بحياتي
فد يوم طلعت والكه شلون بنيه حسناويه من الجمال تمشي بالفرع طبيعتي ما اباوع بس جذبتني كلش
جان بوكتها عمرها 15 سنه
مرت الأيام وأنه اباوع الها حست عليي من اباوعلها
ف حبيت اسألها بنت منو حتى أتزوجها
كالتلي اني بالبيت الي وراكم
فرحت كلتلها ب 2 بالليل طلعي السطح احجي وياج
وراحت
مراد صارت ب 2 رحت أشوفها
وهي اجت ضلينا نحجي للفجر
وهكذا استمرينه سوه نسولف ونحجي جانت ما مبطله من المدرسه لان هي اصغر اخوانها ومدللة وشاطره
ف بيوم الاربعاء هيج وكت تطلع من المدرسه الساعه 12 منتظرها اشو اتأخرت
تطلع ما احس الا صديقاتها يبجون ويصيحن سألتهم شكو
من باب الشهامه أكيد وخوفي ع ساره واني كلبي يدك معقوله صاير شي بساره
صديقتها : ساررررره ماتتتتتتتتتت
😭😭😭
شنو شلون ليششششش
ماتتتتتتتت
صديقتها : من جاي نطلع دائما نروح عبور الشارع نشتري ف اجت سياره سريعه ودعمتها وحاليا هي نقلوها للطب العدلي ودزونها نبلغ اهلها
😭😭
مراد حسيت الدنيا تفتر بيه دخلت جوه
صعدت لغرفتي من التعب نمت ولو ما أجاني نوم بس من التعب اصلا ادري هي ما ميته لحد الان ما مستوعب
سمعت صريخ امي والنسوان
نزلت لكيت التابوت بالفرع انصدمت يعني مو حلم لا يالله ما صيحت بس انصدمت لا كلام ولا سلام
صعدت لغرفتي بوكتها بجيت حيييييل من كل كلبي بس مو كدام احد اني من النوع ألي ما احب الناس. يشوفون ضعفي وانكساري
وقسمت ان ما اتزوج بعد لان كلبي انكسر بوكتها حتى أهلها شالوا
لحد الان محد يدري اني احبها
ولحد الأن ما اكدر انام للفجر يالله
قطعت افكاري واني احس اكو صوت وراي إنداريت لكيت شهلاء
شتسوين هنا ؟؟ شبيج تبجين
شهلاء
جفلت من مراد
أنت شتسوي هنا
مراد
أمشي طبي جوه شبيج تبجين احد زعجج
شهلاء : لا محد بس اتحلمت ب امي و ابوي وهسه دا ابجي
مراد : يله طبي
شهلاء : ماشي
دخلت جوه نمت يم ايه
مر اليوم عادي صعدت نظفت غرف الولد
وصار الليل
نمت بدون عشه نعسانه لان البارحه ما نايمه
ف جعلت بنص الليل
تذكرت من اجه اسامه رحت لبست عبايه
رحت للمطبخ دا اطلع فد شي من الثلاجه ف شفت مراد هم كاعد بالحديقه أخذني الفضول ليش البارحه واليوم يكعد هنا
فتحت الباب ع كييييف وطلعت اتسمع شو ما يحجي بس صافن و عيونه ع النجوم
شبي مراد ؟؟
رحت دخلت جوه واني بالي يمه ليش هو شبي اووف خل اروح انام
ثاني يوم حبيت اراقبه هم ينزل
عجيييييب هم نزل
طلعت يمه
انصدم
مراد : شبيج شهلاء
شهلاء : ماكو شي بس حبيت اطلع هنا
ثاني هم كعدت يمه
واستمرينه لمدن شهر نطلع هنا سوه  بس منحجي ايييييييي شي
حبيتتتته كولش كولشي بيه ينحب عيونه و شخصيته
صار حبيبي لكن هاي المشاعر فقط بداخلي
مراد : شهلاء بقت تطلع يمي يوميه
ما انكر حبيتها وحبيت بيها كلشي ضحكتها اويلي ضحكتها تخليني صافن عليها

شهلاء :ثاني يوم مراد سافر
صارت ب 2 ما كدرت انام طلعت بره دموعي كامت تصب
رجعت نمت
ومر أسبوع
اني تعودت ع كعدته وياي
ف جنت كولش متحمسه
اجت عمتي فاطمه
كالتلي ....... يتبع