انمسح البارت والله مفروض هسه نزل بس انمسح وهسه ح ارجع اكتبه متتت قهر والله
___________________________________مرت الايام
وبقيت أراجع الدكتوره وكالتلي وضع الجنين استقر الحمدلله ونبضه ووضعه جيد
كالتلي الخميس الجاي اخذلج سونار
فرحت كولش وتحمست ليوم الخميس وبقيت اسأل مراد اذا ولد واذا بنيه ف هو جان جوابه كلشي يجي من الله نعمه والي يجي منج عسل
ضحكت أما عمتي ف جانت تريد ولد هاي ادري بيها
والحجيه هم
طبعاً بطني برزت لان صرت ب شهر الخامس
بقيت انظف بشكل بسيط مجرد مسح او كنس او ايي شي
واذا تصير عدنه فصول او كعدات مال عشاير ف مها تجي تطبخ واني اساعدهم بشي بسيط
صار يوم الخميس
رحت للدكتوره جان كلبي يدك حيل عبالك عندي امتحان صعب
نمت ؏ السديه
وسوتلي سونار جنت مركزه بالأصوات
كالت الدكتوره
ما شاء الله اللهم صل على محمد وال محمد بيها ولد
سمعت هلهلوله حييييل طويله من عمتي
كالت وأخيرا.راح اسمي ابني على اسم ابنه أبوعلي
كملنا وطلعنه جنت حيل فرحانه
حسيت ح إدخللهم الفرحه مرا ثانيه للبيت
وطبعاً حتى لو بنيه اكيددد ح افرح اضعاف هالفرحه لان معندي عنصريه أما هم ف هسه يفرحون ادري بيهم
وصلنا للبيت وصاحت عمتي
أبوعلي أبوعلي
انصدموا هم
بعدين كالت لمراد يمه مرتك حامل بولد
الحجيه هلهلت كلللووششششش أبوعلي يبعد كليبي يمه تعال احبنك ( ابوسك )
كعدت يم الحجيه كالتلي يبعد روحيتي يبعد روحي يمه انه احبنج هواي بكد حبي لمؤيد ( ابوي ) ونزلت دمعتها
ايه اجت تركض يلا حبيب عمتك علاوي شني ما ناوي تطلع عصيت ببطن امك تعال اطلع حتى اعلمك هواي شغلات عن الحياه
اسامه كال اييييي وأخيرا راح يصيحولي انته اخو ابو علي
ضحكنه كلنا
وبده الخبال عند العائلة
جان الكل فرحان حيل
صعدت شاركت البنات بفرحتي وجانوا فرحانات لفرحتي وتحمدت لتبارك على السلامه لان جابت بنوته
نمت و
كعدنه ثاني يوم كالت عمتي باجر نروح لكربلا نوزع ثواب واتشكر من الائمه
وبدينا نحضر كولشي
اجت مها واجت عمتي ام بنين وبنين اووووف
سوينا جدر دولمه حييييييل جبير كولش نصه ح نأكله والنص الثاني ح نوزعه لان حيل جبير
وسوينه برياني ودجاج هم نوزعه وكولشي خلصنه
زلاطه وخبز وسيتات مي ولبن وتمر وفواكه كولشي صار جاهز حتى كليجه سوينا تعبنا لليل يلا خلصنا
أنت تقرأ
عذابي ودموعي لأجلك
Romanceقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
