عذابي ودموعي لأجلك

بارت 3

و
دخلت للبيت
تجمدت بمكاني هذا ابوي
ايي بس مشيب وكعت دموعي واباوع
هو يباوع مصدوم ووياه 5 ولد شباب
رحت عليه اركض شبكته للحظه حسيت بي هو ابوي
بس اجاني صوت خشن مو صوت ابوي
جاسم : انتي منو ؟؟ بغضب
شهلاء : مسحت دموعي و باوعت ع الولد الي راح ياكلوني بعيونهم
بأستهزاء اني منو اني بنت اخوك مهيمن
جاسم : تصنم بمكانه منو ؟؟
شهلاء : وكعت دموعي عمو انت مو اخو الي تبريت منه
جاسم : ايي انه ولا بارك الله بي
شهلاء : كمت ابجي بصوت عالي
مراد : خزرتها انتي شلون تتجرأين تدخلين ببيتنه لا وفوكاها بدون لا شال ولا عبايه
شهلاء : انخرعت منه سكتت وخر مني
جاسم : بويه مراد اسكت خل نفتهم منها
شهلاء : عمو بابا
مراد : شفت نظرات الولد الها وواكفه تبجي فوكاها بغداديه ومايعه وفاهيه ما تحملت جانت تحجي تكول بابا برقه ودلع عطت بيها
مراد : كاااااافي اسكتي فوتي جوه لا بارك الله بيج
شهلاء : خفت منه ورحت أخذت ملابسي ورحت اركض للبيت
جاسم : يابه مراد خل نفهم شكو
مراد : مو مال احترام واكفه يم الولد وتحجي فوكاها بغداديه بت عمي ههي يالله
جاسم : بعياط مراد كافي لا بالقران اطلع حركه كلبي بيك
وأخذ واخوك وولد عمك واطلعوا جاي وراكم
مراد : حاضر يأبه
شهلاء
طبيت للمطبخ لكيت نسوان يباوعن عليي
عفتهن ودخلت جان سمعت وحدها صاحت
فاطمه :  ها ها علئ وين ان شاء الله خان الخلفج
جاسم : بصياح فاطمه ديربالج اسمعج تحجين عليها اسكتي فوتي بابا
شهلاء : فتت ولكيت مره جبيره كاعد رحت كعدت يمها
الحجيه : يااا خايبه انتي منهي بت منو
شهلاء : باوعت عليها وسكتت بينت هي بيبيتي
الحجيه : خايبه شنهي انتي خرسه وأنه انشدن (اسأل) عليج طركاعه اللفتج شگالولج عليي مسشفئ مخابيل ههيي يالله
شهلاء : عززه صدك ضحكتني من كل كلبي هاي شنو
اكلتني بكشوري
لابيبي اني دا اسمعج احجي واني ح احجي من افهم لان كولشي مدا افهم هسه
الحجيه : يا جا انتي بغداديه خيبه من عمنج ما تفهمين امداج انتي بت من
شهلاء : اني بنت مهيمن
الحجيه شفت الدمعة راح توكع منها بس تكابر
بصوت مختنك الحجيه : وينه مهيمن صغيري ؟
شهلاء : انقهرت عليها عرفته المدلل والصغير
بيبي بابا مات
الحجيه : وكعن دموعها وصرخت والتمن النسوان عليها تخربطت
فاطمه : ها الفگر بت الفگره راح تموتين المره من امداج انه لو أمج ادفن روحي من صدك
شهلاء : لا تغلطين ع امي احسن منكم ولا تخافين تره امي اندفنت وبجيت بصوت عالي
جان شفت وحده عمرها 22 سنه اجتني
مها : حبيبتي انتي بت عمو مهيمن وأنه اكولن حليوه يا خيه لا تبجين
امي ما قصدها تعاي حبيبه
اجه عمو علئ صوت العياط
جاسم : شكوووو ؟ 
فاطمه : مهيمن ميت
والحجيه تخربطت
جاسم : ما تحمل وكام يبجي ويصيح
ولك خويه
طب مراد و اسامه وولد عمه رافد وحامد و منير
مراد : شكو يأبه
جاسم : راح حزام ظهري راح
مراد : التفت عليي احجي شكو
شهلاء : مو بابا ميت وكاموا يبجون
مراد : انصدمت
صيح اسكتووووووا خل نفهم تعاي اكعدي احجيلناه شوكت مات
شهلاء : حجيت الهم من اجيت ع الدنيا لحد ما هستوني من اجيتهم
جاسم : آفا صارلج سنه بالعماره وما ندري بت الغالي
الحجيه : يمه جا انتي شسمج نسيت انشدنج
شهلاء : اني اسمي شهلاء
الحجيه : يا عودك هذا الاسم منيلج صعب والله ماينحفظ
تعاي بعد رويحتي احبنج ( ابوسج ) بت الغالي
شهلاء : رحت الها وشبكتني
و أجت مها
اخذتني اروح للغرفه ارتاح
و .....يتبع