كل وحده اجت كعدت بالغرفه
هو الفوك بيه 4 غرف
والجوه غرفتين
ساره اخذت الجوه كوله الها لان بناتها كبار
وسلوى اخذت غرفتي القديمه
وضمياء اخذت غرفه تصير بصف غرفه تبارك القديمه
وفراس بقه بهذيج الغرفه
واني غرفتي اكبر غرفه
بس ما قبلت انطيها
يعني هاي الي كاعده بيها
كولش جبيره
جانت مال امجد القديمه
ف من شايل
مسوينها مخزن واني اجيت اخذتها
هيه بكد الاستقبال هاي الغرفه
تعاركت وياي ضمياء تريد تأخذها بس ما انطيتها
كالت تبارك عزا هسه شلون نطبخ ونسوي
كتلها يي والله اذا ساره متقبل احنه نطبخ بيه
تكول بس اخواتي
كالتلي خلي نجيب طباخ صغير وهاي ثلاجه روحي تسوكي وتعالي نسوي غده جا شناكل
كتلها منيلنه فلوس
كالتلي هاي ميه انطتني ياها عمتي من جبت و
هاي الهربه مال البنات
كتلها يمعوده شنو غير الج
كالت شسوي بيهن انه
عاد توسلت بيه
اخذتهن ورحت
لكيت طباخ صغير مناسب
بس احتاريت بدبه الغاز شيشلها الي وأصعدها فوك ؟؟
اشتريت الطباخ
ودبه الغاز
واشتريت مسواك
اجرت عربانه لان ما اكدر اشيلهم كولش ثكيلات
وصلت للبيت انطيته الأجره
وكتله اذا تصعدلي هاي انطيك اكثر
كال خوش
جبتله الدرج
وفتحتله باب البلكون
وكمشتله الدرج
وتبارك تتلكاه
صعدلي دبه الغاز
كتله كافي بعد هذا اكدرله
انطيته 5 فرح خطيه
صعدت الأشياء بسكوت
ربطنه الطباخ
وخليت المسواك
جبت كولشي باميه ومعجون وملح وشكر وجاي وتمن وبهارات ونومي و فاصوليه وجدوره وامواعين
بس سنك ما عندي
رتبناهن شلون ما كان بين منشتري سنك
او نشوف فصلنا الغرفه عن المطبخ بالكنتور
خليناها بالنص علمود منطلع صوت والتوأم يكعدون
بس مكان صغير بكد الباب نفوت منه
علكنه بيه برده حتى الغرفه متصير كولها طبخ ودهن
كملنا طبخ سوينا مركه باميا
وصبينا الغده واكلنا
وحالياً عمر التوأم 40 يوم
صاروا يجنننننون سما عدها غمازه مثل مالتي
وهن بشرتهن تخبل بيضه
كملنا غده
كتلها اووف حسبي الله عليهن
كالتلي ولج احسن عزلنه منهن جا غير يبقن يكربن علينه
أنت تقرأ
عذابي ودموعي لأجلك
Romanceقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
