عذابي ودموعي لأجلك

بارت 8

اجت عمتي فاطمه
كالتلي
شهلاء
ها عمه
كومي نظفي البيت واطبخي
اليوم يرجع مراد من السفر

فرررررحت كووولش
صدوك عمه

ايي والله باعي كومي نظفي الفوك مثل ما تعلمتي
ونظفي الجوه وي ايه اليوم نطبخ
راح يجن عماتج عود ساعديني

مااشي

كمت للفوك اول غرفه صعدت غرفه مراد

الله العطر الي بيها يجنننننننن
اخذت شيشه مال عطر بقيت اشم بيها
الغرفه مرتبه بس
طلعت قمصانه كويتهم
وعطرت الغرفه وعقمتها
ورحت لباقي الغرف
غرفه اسامه بسرعه انظفها
مززززبله حلويات وملابس وفراش كولهم مطشرات أبقى الم وارجع ليوره
والغرف البقيه مسح عادي
نزلت ساعدت ايه
بالجوه
نظفت الحمام وغرفه بيبي
و ايه نظفت غرفه أمها وغرفتنه ومسحت
طلعت اني غسلت الكراج
وطبيت

ساعدت فاطمه
كصصت زلاطه
عمتي باوعت عليي
هاي شنو خفي ايدج شكد فاهيه
بقيت اباوعلها
جاوبت ببرود
اني هيج شغلي بطيء

امداج وأمده شغلج

غلست كبرت عقليي شيخلصها وي عجوز البين
خلصت الزلاطه
ورحت سبحت
لبست نفنوف جبته من أخذني مراد وياه
يجنن
احمر من يم الصدر وردات نازكه صغار
بالردان خرز تطريز تجنن
هي طويله
من الصدر والبطن ضيكه
وبعدين كلوشه
رهمت وياها شال مشجر بورد ناعم
دخلت ايه

اللهم صل على محمد وال محمد
لج تخلبييين

هههههه عيونج الحلوه ايو

ماما تكول اجن عماتج تعالي سلمي

ابتسمت متحمسه مااشي
رحت اول مفتحت الباب
شفتها هوسه كوومه جهال
وبنات متنوعه بكدي واصغر وأكبر وكل الاحجام 😂

احممم
السلام عليكم
باوعن متفاجأت
بديت اسلم
عمتي الجبيره
رونق
ماشاء الله
والصغيره
سمر
تجنننن بنت اخوي اللهم صل على محمد وال محمد

خجلت ابتسمت
باوعت عليهم يبجن مقهورات

جهالهم
جهال رونق ( جهاد عمره 19 وليد 13 سهاد 15 )
جهال سمر ( بنين 17  اكرم 20 هاشم 6 سرى 4 )
سلمت عليهم بس بنين مكروهه شبيها هاي تباوعلي صفح
استغفرلله
هن راحن يصلن واني
رحت للغرفه طلعت حمره لونها وردي تجنن خليت منها خفيف وخليت مسكارا
اني محافه حواجبي
جانت ماما تكولي حلاتج عيونج البريئه من تحفين تروح البرائه
فعلا اخذت بكلامها
بالرغم اللي وياي بالمدرسه كولهم حافات ومسويات تاتو بس ما عجبني
احب برائتي

طلعت لكيتهم واكفين بالمطبخ رحت اساعدهم

رونق كالت
فدوه
شهله سوي تشريب بهاي الصواني
مااشي
بديت اسوي واني صافنه اتذكرت مراد من اكعد يمه شكد مشتاقتله من يشوفني هسه بهذا اللبس اللي عجبه شنو ح يسوي
فزيت ع صرخه
بنين
ولج هاي بعد تسوين صارلج ساعه شكد فاهيه انتي عود تسوي نفسها بغداديه ممتعلمه ع الشغل

فعلا اني بغداديه والي ميشرفه نسبي ليحجي وياي انتم ليش ماخذين علينا نضره مو حلوه ولكم اني بنتكم اني بنتتتتتتتكم
عفتهم ورحت للغرفه
كمت اضحك ههههههه
همزين حاجيتهم اني فاهيه هيج طلع مني حجي
لعد شكد فطيره اني ما اكدر أدافع عن نفسي

كعدت فرحانه لان فشلتها من البدايه محبيتها
دخلت ايه سويت نفسي ضايجه
عكدت حواجبي
كالت
ابوي وعماتي يردوج

مااشي
رحت
احسن خلي يعرفون اني جنت مدلله مو هسه تجي هاي وذيج يحجون عليي لان بغداديه
ها عمو أأمر
كال
عمي انتي الله يشهد غاليه عليي بغلات ايه ومهى
واليمسج بحجايه معناها يهيني
وانتي ما شاء الله من اول ما اجيتي ما اسمع صوتج حبابه وهادئة والله يشهد حبيت ترباتج بس اني من شفتج تلبسين ضيك و بدون حجاب كلت تطلع مو زينه لكن فاجئتيني

عمو عمرك طويل ان شاء الله ربي يخليك النا

عمتي سمر
انه اعتذر عن بنتي والله ما قصدها شي وأنه هم شفتج انتي بنيه حبابه والله اكولن بنينه بنتي مو نفسج حبابه
بنين تعالي ماما
اجت بنين ها ماما
تعالي بوسي راس شهله يله بنيتي
اجت باست راسي وراحت
صبوا غده
كعدنه اكلنا
ورحت يم بيبي
كمت اسولف وياها
تكولي احب سويلفاتج عبن بغداديه واني اموت من الضحك أبقى احجي وتصنف عليي
صارت ب 4 اجت مهى
اييييييي همزين خل اروح الها
هلاو حبي تباوسنه
وسلمت واجت كعدت يمي
حبابه كولش
بقينا نسولف ع الكيك والمعجنات والملابس
سألتني ع النفنوف كلتلها
مراد جابه
باوعتلي
كالت
مممم حلو حيل

ايي يجنن

اكولج خلي اسوي كيكه عليج الله اريد اسوي سوه

يله كومي
كمنا سوه
علمتني
واني اسويها
سويت اثنين وخليناهم
بالفرن ورحت للغرفه حفيت الها شواربها
و ماسك سوينا
لان ضايجين
بيبي نامت والبقية كاعدين هيج بالاستقبال
استوه الكيك
وطلعناه خلينا
ككو
وضميناه
صارت ب 6 بدوا يجهزون للعشه
ما اعرف عمي شيخ عشيره
ف حيجون شيوخ عازمهم وعماتي هم اهو شلون هوسه
نزعت النفنوف ولبست كلبيه هم مراد جابها بيها فتحه
للركبة
ورهمت شال اسود
ورحت اساعدهم
خلصنه بطلاع الروح
اباوع عليهم شكلهم متعودين هيج
شغل
كووومه غسل امواعين وطبخ وهوسه
انتبهت اكرم بس يباوع
حتى مها انتبهت
كالت
اكلج شنو هذا اكرم بس يباوع

معليي بي خلي يولي

لج هذا هم قبل لا اتزوج جان بس يباوع
من تزوجت ما كام يباوع

انصدمت
صدوك خفت كولش رحت للغرفه صحت مها

عفيه خايفه

ح نام هنا اليوم
راح اجيب جهالي و اجيج.
مااشي

رحت وراها اخاف أبقه بالغرفه

التفت وراي اكرم
كال ......يتبع