انغمى عليه من سمعت
صحيت ع صوته وهو يصيح شهلااااااء شهلااااء
كمت ابجي
ليش هيج ارجع والله اخاف عليك
كال هذا وطني وواجبي
لا تخافين عليه الي كاتبه الله يصير حتى لو مو هسه ف بعد 10 سنين
كتله مراد متتخيل اني شكد أحبك
وانت هيج دا تسوي بيه
كال تذكرين من طلعتي ببدله العرس ؟؟
ما جاوبت لان جان السكوت احسن
والتنهيدات مالته جانت من اعماق كلبه تشك الصدر شك من تطلع
كال تدرين شصار بيه
تنهدت
وكلت بصوت يرجف ادرري
كال شهلاء انه ما اريد اذيتج انه اتخبل عليج اذا يصير بيج شي كال انه مجنون بحبج انه شروكي وحبي يختلف عن كل حب
كتله تدري دموعي وعذابي علمود شنو ؟؟
سكت
كتله علمودك
( عذابي ودموعي لأجلك )
سكتنا
كتله ترجع سالم يا نور عيوني
كال ومن ارجع سالم اريدج يمي
كتله افكر
سديت التلفون
وجانت مشاعري حزن ع دمار ع فرحه لان سمعت صوته وبلسم جروحي
جانت الساعه 6 الصبح
نزلت
كعدت بالطارمه
بقيت افكر
بسالفه الطلاك وشلون اخطي هاي الخطوه
وليش مو من زمان
وهواي افكار ببالي بحيث صار عقلي مشتت
غسلت الطارمه وسويت كهوه
وكعدت ع صوت العصافير وريحه الأشجار مال الحديقه المرشوشه
كلت خلي اصفي بالي وشوي شوي افكر
لان ما احب أتسرع
ووراها اتندم
فكرت هواااااايييي
جان استنتاجي
هو انو اتطلك احسن
بس منو ح يسمعلي خلي اااجل الموضوع احسن
( جان الغلط مني انو أجلت الموضوع )
كعدت تبارك وكعدت يمي
كالت شنو اليوم مسويه كعده
كعدت الصبح ملكيتج
كتلها يي والله عجبني اليوم مزاجي برتقالي
كالت شبيها عيونج
كتلها شبيها ؟؟ مبيها شي
كالت لا حمر وصغار صايرات
كتلها لان كاعده من الصبح حيل
من الفجر ما اجاني نوم
ف بقيت كاعده
كالت ها
اشتهيت كهوه
كتلها من عيوني
كمت سويتلها رجعت لكيتها ماكو
كمت ادور عليها
شفتها تكلب بموبايلي بالسجل مال مكالمات
جفلت من أجيتها
وشمرت الفون
كتلها شبيج
كالت لا مبيه شي
أنت تقرأ
عذابي ودموعي لأجلك
Romanceقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
