عذابي ودموعي لأجلك

بارت 12

مراد
احبج
باوعت اله بخيبه
بعد وكت مراد فااااات الأوان
مراد
انغدرت شهلاء انغدرت خلوني اسافر وانخطبتي اعرف هذا تخطيط من امي وابوي
شهلاء : بجيت مراد انجبرت والله
مراد : خلي نشرد اريد ارتاح
شهلاء: من كل عقلك ما اشرد وانزل راس عمي الي هو مثل ابوي صح ما انطاني حنان وحسسني اني غريبه بينكم يبقى عمي والدم يحن
مراد : اخخخخخخ شهلاء متدرين شكد محترك مثل هاي الجكاره
شهلاء : واني شكد محتركه مثل هالدموع تنزل حاااره
ومرت الجلسه كلها عتاااااااب وبجي وحسرات
إذن المؤمن قشعر جسمي
كمت صليت
وقريت قران نص ساعه هديته لأمي وبابا وماما صفيه
ونمت صايره هيج ارتاح من اصلي واقره قران احس شوي من الحمل ينزاح
هم كعدت
جبت النيشان و اجرت بدلات مال حنه ورديه مطرزه من فوك خرز ناعم وردي و من جوه نفش مابيها ايي شي
تجنننن
ومال عرس بيضه مثل الجفن وبيها تصميم من فوك وينزل ورد ناعم بالخاصرة لحد جوه كولش حلوه التصميم مالتها فضي لونه وحجزنه اني وعمتي ام زوجي الشفيه
وخلصنه كم شغله وتعبنا حيللللللل لان جانوا مستعجلين ف حضرنا بس ب 3 أيام وباجر الحنه
هم بقوا يتفقون ع اللفات والبيبسي وكيك وما اعرف شنو
واني رحت لحجرتي الخاصه اني ومراد
يم البرده صايره كعدتي
كعدت انتظر مراد يجي
ماكووو
بقيت ابجي واباوع ع مكانه ماكو ما اجه صليت وقريت قران ونمت
كعدت ب 12 هوسه يم راسي ولازم اروح للصالون
كولها جايه
عماتي رونق وسمر
عمتي رونق وبنتها سهاد والبقية وليد وجهاد بالبيت
عمتي سمر وبنتها بنين العوبه وسرى
واني رحت للصالون اني ومها خطيه حامل ومحتاره بيه
طلعت اجنننننن التسريحة والشعر
والميك اب
الفرحه ناقصه
اووف
رحت للبيت بدت الحنه
مها فستانها قصير وهي حامل وطالعه كيكه وكل شوي زوجها صايحها ههههههه ربي يوفقهم
وايه هم فستان قصير ويجنن
والباقيات هم فساتين طويل وقصير
ويركصن بس دبج
كومتني مها تركصني
بس عجبني اضغط بنين لان بس تدبج واني ركضي كولش حلو جنت بس اركص ماما الله يرحمها جانت تكول مخلفتلي راقصه مو بنيه
كمت أهز بصدري واتمايل وي اللحن وادندن الاغنيه بصوت ناصي واسوي حركات بحواجبي ههههه
سمعت النسوان يسولفن شنو هاي يكلك بغداديه بت ابنهم التبروا منه تردلها الثانيه مو بنيه تخبل كيكه شنو الجسم شنو المعاني نوب بغداديه نازكه
تردهم الثالثه جا تلكينها ما تشتغل هن البغداديات بس أوف و اوع
خلصت ركص وكعدت
وزعوا اللفات وعصافير بطني هاجت بس استحي هههههه ما أكلت بالصالون لان نفسيتي جانت مسدوده
بس هسه شوي من ضغطت كم ذبانه ارتاحيت هههههه

اجه يحنيني اباوع علييه هم حلو بس مراد أحله منه بقاطاااااااااات
اخخخخ مراد
سوينا الطقوس
و راحوا
اني هم سبحت ونمت لان تعبت
كعدت ااخخخخخخ اليوم اخر يوم كعدت ب 6 حتى افتر بالبيت
صعدت ع الدرج اباوع ع غرفته هنا ياما وياما صارت مواقف واني انضفها اخخخخخ بجيت ونزلت أكلت لكمه لان ما أكلت البارحه نسيت
صارت ب7 اجت مها وبدلنا ورحنا للصالون
سوولي حمام مغربي
وميكب وشعر وتبديل بدله
خلصت ب 3 وشوي
اجانا اسامه اخو مراد
و صعدنا بالسياره
وصلنا ب 4
وبعد نص ساعه تجي الزفه اخخخخ
دموعي بدت تنزل و مها خطيه تعلم بيه لاتخافين وهاي صارتلي ام واخت وصديقه وكولشي
اجت الزفه واجه عمي قدمني الهم
وقوانه هالطولها هاي يتيمه صونها وانت خوش رجال وهكذا التوصيات
بالصدفه اجت عيني ع الدجه اللي نكعد بيها اني ومراد
وكمت ابجي لزمني من ايدي
لهناك وسمعنا صوت طلق قوي اني كولش خفت لان قريب
شفته مراد لازم المسدس وعيونه حمر

وطلع اسامه وعمو وجهاد وأكرم لزموه

فراس
انخطف لوني
بقى لازم ايدي صعدنا بالسياره مال زفه
وتحركت واني اباوع مراد انهار
بجيت بصوت ناصي
هي اخر مره اشوف مراد
وصلنا لبيت فراس
وذبحوا طلي
باوعت ع البيت شوي جبير بس بيت عمي اكبر بهواي يجي مساحته ب 300 متر
كعدت ع القنفه و صبوا العشه
طبعا اجت بس مها و عمتي رونق و عمتي فاطمه سمر وايه بقت لان كومه جهال خطيه
مها وعمه رونق علموني ونصحوني
لحد ما صعدوني للغرفه
جايبين مصور صورنا بالغرفه
وطلعوا لزمت أيد مها خايفه اخذيني وياج
كالت لا حبيبتي لا تخافين انتي مو صغيره
طلعوا واجه
واني كلبي بدت تزيد دكاته وخايفه
تقدم 
ورفع راسي
بس ريحته مو طيبه
طلع سكران
تقربلي بقسوه واني ابجي وخلصنا
واني روحي كاشه منه
لبست النشيان واجه باسني كال مبروك صرتي زوجتي
نزلت دموعي واجت مها كالتلي عفيه صرتي سباعيه
اجوا البقيه باركولي
وراحوا
نمت
واجه الفجر يريد حقه نطيته حقه واني حيييييل متوجعه
سبحت ونمت
كعدت الصبح بيت عمو جايين
جايبين كيمر وكاهي تريكنا
وصعدت لغرفتي
اجوي اخواته 3
ضمياء ساره سلوى
اجن يمي يسولفن متزوجات
بس هن بيدهن البيت
حيايه كولش ما حبيتهم
وامهم فقيره بس تمشي ع العكازه
ما بيدها شي
صار المغرب
جابولي اكل واجه فراس
اكلنا ونزلت الصينيه
وصعدت اكلب بالتلفيزيون
نوب رحت سبحت
ورجعت للغرفه لكيت فراس ماكو
صارت ب 12 نمت فزيت ب 2 فراس ماكو
كعدت انتظره تذكرت هيج وكت من اتذكر مراد ما الومه من جان يكول ما اكدر انام هيج وكت واني هسه فعلا ما اكدر
صارت ب 3 اجه فراس بالكوه يمشي
شافني كام يضرب بيه بدون سببب
بعدين جردني من ملابسي وأخذ حقه
كعدت جسمي متكسر بحياتي ما مضروبه هيج كمت ابجي حيييل
جابولنه الريوك
تريكنا واني كارهته سكير وفوكاها يضرب
كملنا ونزلت الصينيه لكيتهم رايحين
نظفت البيت كوله من فوك ليجوه
صارت ب 11 كلت خلي أسوي غده فتحت الثلاجه لكيت بس بتيته وطماطمه وخيار وبصل وفلفل وخضروات
والمجمده بيها بس خبز
ومي حتى دجاج ماكو
رحت لعمتي
عمه وين اللحم وين الدجاج
كالت ماعدنا دجاج ولحم الطلي الذبحوا يم رجلج قسمنه البنات واخذنه
كلتلها
لعد هسه شسوي
كالت بعد انتي وشطارتج يمه
صفنت .......يتبع