عذابي ودموعي لأجلك

بارت 17

اليوم حنه فراس
لبست تراكسود حلو مرتب واني اصلا جسمي مليان بس مو سمينه لا رشيقه جسمي كولش حلو
بس بأخر فتره من وكع ابني صار شوي هزيل بس رجع  وخليت حمره وكحل برز لون عيوني العسلي ع جوزي
ابتسمت
نزلت جوه
لكيت سناء ام خالد
كاعده صحتها
وصعدنا فوك
اخذت خالد منها
ونسولف هم اليوم غيرت مودي كولش جنت حزنانه بس فرحت بشوفتها
تسولفلي ع سوالف خالد ابنها يبووووو يجننننننن
ف دا نحجي
كالت
هذاك اليوم مراد كالي شهلاء شجاب خالد عليها وليش جايه لخطوبه فراس
انصدمتتتت وانتي شمدريج بمراد
كالت
ادري بيه ابن عمج
كتلها
ايي زين هو ليش جاي لخطوبه فراس
كالت
هو ما جاي

ها شنو ما جاي لعد اني مو شفته ههه شبيج سناء

كالت
هو كاعد يمنا

فتحت عيوني ورفعت تك حاجب بصدمه شنو كاعد يمكم

كالت شبيج باعي خلي افهمج
زوجي يصير ابن عم مراد

شهلاء : ها الح مو
كالت ييي
وزعلان من أهله لا ليله ليل ولا نهاره نهار مرات اشوفه بليل يطلع خطيه يمكن ع امه ميكدر ينام

كلت بكلبي هو حبيبي من زمان ميكدر ينام
زين ليش زعلان
كالت يجبرون بيه يتزوج بنت عمته وزعل

بكلبي فرحت لان ما يريدها بس تذكرت حالي اني وين هو وين استغفرلله ربيييي

كتلها يي وتالي هسه شنو ح يتزوج

كالت لا قافل ميقبل
كالتلي صدك انتي تحبينه

فتحت عيوني بصدمه ورجفه اجت بجسمي ما احجيلكم عن كلبي شلون وكع بالكاع
ششسششنو ااا... منو كلج اقصد شنو هالحجي شمدريج

كالتلي قبل لا تزوجين فراس اسامه كالي عليج كال مراد يكولي يحب البغداديه وراح تتزوج ابن خالتج

كتلها بخووف هم كلتي لاحد
كالت يا استغفرلله والله مو طبعي للفتنه ولا الفضايح

كتلها انتي اختي ونعم الأخت بوستها

خلصت الحنه اصلا ما نزلنا بقينا بغرفتي اللي بالمخزن حلوه صايره بارده ونهايه البيت تصير كولش ختله وترتيبها كولش حلو ونظيفه
بس جبنا العشا من جوه لفات واكلنا
نامت يمي بالغرفه

وكعدنا للعرس
اخذت منها خالد وهي بدلت لاطفالها واني ابدل لخلودي واتحصر شكددد حلو من أبدله يلعب بأيده ويباوعلي ويطلع لسانه
اللهم اني ذرني فردا وانت خير الوارثين
طبعا بكل هالفتره ما تقربلي فراس اصلا اني اقفل الباب ف هيج ارتاحيت انظف وارجع بغرفتي وأنام وهكذا الروتين الممل لكن هم احسن من قبل ضرب فراس
هيج اتخبل من الضرب لان اتذكر من ضرباته وكع طفلي
يي يمكن لو هسه باقي جان هسه اني بالشهر ال 6 و 3 اشهر اجيب بس يا حسره
صافنه وأبدل لخالد لبس قاط

لحد ما اسمع هوسه كولش قويه جوه

فتحت الشباك اني وسناء دا نباوع

شفت مراد وعمو انصدمت
يصحيون ع فراس اللي فهمته يردون يطلكون تبارك اللي هي زوجه فراس الثانيه او ضرتي

وشلون عود تزوج عليي واني بت شيوخ وهيبه ومراد يريد فراس يطلكني
وكلمن يحجي بصفحه هوسه صايره بس عرك وصياح
اجت اخته تركض كالتلي ها الحيه كتيلهم يجون حتى تفضحينا بين السلف
من اهمداج يالعوبه

كتلها تعالي ع كيفج شنو بكيفج تصرحين منو انتي اني ما كايلتلهم وهم اجوا غير عندي اهل يدافعولي قابل شنو تاهيهتلكم
انتي واخوج الاعوج
وطردتها واني صايره ناااااااار
وهي كامت تعيط عليه واني قافله الباب وسناء تهدي بيه

اخر شي طولوا كولش واني صايره عصبيه
واللوم عليه
لبست شالي ونزلت الهم
كعدتوا بالاستقبال باوعت ع أخواته
كلتلهم الكل يطلع
طلعوا وهم يباوعونلي بحقد

كتله عمو شنو هاي الهوسه ليش جايي اني قابله زوجي يتزوج
انتم شعليكم لا تكولي مصلحتج ومصلحتج لو تعرف مصلحتي مجان زوجتني لهذا السكير الطايح الحض واني هسه اعرف ليش اجيت مو علمود يطلكني لان انت كولشي ما وكف بعينك اهانته اللي لو ضربه اللي لو لمن خسرني طفلي حتى مكلفت نفسك واجيت اخذت بخاطريي
حتى ما خليت الله بين عيونك لو بناتك تقبل هيج يصير بيهم اكيد لا بس لان اني ما عندي اهل المن احجي والمن أشكي
اشرت بكل غضب وكل دمعه تنزل مني تحفر حدودي ومنهاره واحجي وهو يستمع ومراد عيونه كولهن غضب يباوعلي

اشرت ع عمو
انت اب وتدري ابنك يحبني وكولها تدري اني احب مراد
ليييييييش تزوجني بس بقت بذمتك اني من طلعت من بيتكم ببدلتي البيضه كلت الله ياخذ حقي منك
وهسه انت ما جاي حتى تاخذ حقي مجرد حتى تمنع هالزواج حتى ما تصير عليك سمعه انو بنات الشيخ اتزوج عليها
وحتى ما تريدني اطلك حتى ما تصيرلك سمع بنت الشيخ مطلكه
بس اني شنو اني مواقفه ع الزواج وهذا الزواج ح يتم وبموافقتي واني ازفه بأيدي وانتم ما الكم شغل بحياتي
مو انت عمو الي سويتوا نبي براسي
ما انتو اللي جبرتوني عليه
خليني هنا قابله بحياتي بس اطلعوا مني ولا تتدخلون

واني اصلا ما اريد اطلك حتى ما أصير عليكم عاله لان من اني بنيه خلصتوا مني مو نوب هسه من اطلك
خليكم بعيدين عني واني بخير عايشه ع الله
الله موجود ميخلي عبده واني الحمدلله تحجبت واصلي
عمو راح بدون حجي
و مراد نضرراته كولها ناررررر وغضب
بس صفنت بعيونه واني دموعي تنزل من اول ما حجيت
يعني كل هذا العضب بعيونه بس مشتاقتله
🔥🔥🔥.......يتبع
————————————————————
ننوش
صوتوا مو بس تشوفون البارت😒😒
ترا تعب لان شهلاء هواي تحجي 😂😂