عذابي ودموعي لأجلك

بارت 28

لكيته واكف ورايي

كعد كال ايي شهلاء شلونها حياتج

كتله جحيم بجحيم

كال اعرف اخبارج من سناء ف لا تتعبين نفسج وتحجين

كتله مراد

غمض عيونه وكال صارلي شكد مسامعها

كتله صح راح تخطب بنين ؟؟

باوعلي وكال لاا مو انه ابن الشيخ الي انجبر بس انفرضت عليه وأبوها يكول كعبها وأخذها

لزمت ايده بخوف يعني ح تزوجها

باوع على ايدي

انتبهت ووخرتها
لزم ايدي وبأسها

بقه ساكت

كتله لا تحرك كلبي احجي كول ح تزوجها ؟؟

كالي شكد حلو حجيج البغدادي

كتله مراد ... لا تغير السالفه والله كلب مبقى عندي

كالي ايي

فزيت من مكاني بصدمه
وكمت
ارجف كتله شنووووو

كالي والله ما اتقربلها واخليها خدامه وانتي اتزوجج من تطلكين

لزمت راسي بصدمه هو جان صافن عليه

قرب نفسه عليه وشاورني
كال شهلاء كل يوم احبج
وكل يوم اتمناج
وانتي تبقين ست الكل

كتله مراد ما اتحمل
صح جانت عليه ضره من جنت زوجه فرا.. صم حلكي وكال اذا تجيبين طاريه انهيج
كالي اعتبري نفسج مطلقه هاهيه لا تفكرين بعد

كتله مراد اني احبك ف ما اكدر اتحمل وحده تشاركني.
بيك ما اتحملللللللل !'

باسني براسي وكال روحي ادخلي جوه بردتي

كتله عيونك يدفني

كرص خدي وضحك

لزمني ودخلني جوه

دخلت نمت

وكعدت ومشت الايام عاديه وهادئة
كم مرا اجه فراس ويطلعله مراد يدمي تدمي

لحد ما تطلكت عبالك ما تطلكت عبالك انولدت من جديد صح حسيت نفسي تحرررتتتتتتتتتتتتتتت

والفرحه متنوصف
يمكن اني اكثر وحده فرحانه بطلاكها

مراد تعارك وياهم ما يريد بنين

وكال  بس اكمل شغلي اتزوج شهلاء

عمي انصدم

كاله ولك حاط عينك عليها

كاله يابه انه أتزوجها انتم شعليكم

انتم ضلمتوها خلوا الله بين عيونكم لو ما انتم اخخخخ بس

عاد سكتوا

وبيوم عدنه فصل ف صرنه هوسه طبعاً احنه كل مرا عدنه هوسه لان ديوان مال عشيره
بس مو مثل هالمرا