و طلعت حامل
فرحه جانت كولش جبيره
اني بطني بيه طفل ح ينسيني الهموم واتحمل لأجل عيونه
بس ابوه ضالم اووووف
وصلنا للبيت
واني فرحانه للعصر اجوي خواته باركولي
وبليل خابرت عمتي فاطمه و باركتلي
بس ااااااااخخخ تذكرت مراد شنو ح يصير بيه من يعرف اني حامل
ومرت الاشهر بين ضرب فراس اللي ما ينتهي واللعبان نفس مال بنات الملاهي يصورهم ويجي يراويني لو يكولي اركصي مثلهم كمت ما احس من يضربني اهم شي احمي اللي بطني
وشغل البيت اللي كوله ع راسي وأخواته هن يديرن البيت وكل مره انتي شنو هيج تطبخين بكيفج والملامه يوميه كمت اغلس
المصرف صار عدهن عبالهن اني ابوك منه واني شابعه ضيم
عمتي ما تسكت الهن تحاجيهن بس ما يأخذن الحجي وهي مره فقيره لاحول ولا قوه وتخاف الله
الحمدلله جزء منهم شوي عنده رحمه
مرات مره امجد تجي كولش حبابه من اضوج اكعد يمها سوالفها حلوه عدها 4 اطفال هي مرت امجد حماي الجبير عازلين ببيت لان امجد ماشاء الله مو نفس اللي عندي يصلي ويصوم ويشتغل
واني اللي عندي كاضيها شرب
والملاهي فالح بيهن
اني مستمره بصلاتي ومنتظره ابني ينورلي دنياي وحاليا اني بالشهر الرابع صار عمري 20 سنه
وبيوم نايمه
وكالعاده اجه فراس سحلني كلي كومي اركصي
واني كالعاده اعاند وهو يجي يضربني
عاندته واجه سحلني وشمرني
من شمرني جان اكو مي
وتزحلكت ع ظهري
ما احجيلكم عن الوجع
احس احشائي كامت تتكطع والصريخ مالتي وصل السابع جار
صعدتلي عمتي مفزوعه كمت ما احس بشيييييي
بس شي رطب بين رجلي هذا دم
عمتي تخبلت
كامت تغلط ع فراس
وفراس د يتصل ع امجد لان عنده سياره
واني متتتتتت منا لحد ما اجه امجد
ما اكدر أتحرك
نهائيييييا
وصلوني للمستشفى
اخذوني للردهه مال ولاده
واني اسمع النسوان يصرخون وأزيد بالبجي
رددت ربي مسني الضر وانت ارحم الراحمين هاي جلبت بلساني
دخلوني لغرفه
بنجوني وبعد ما احس بالدنيا سوولي كورتاش
لحد ما فزيت مفزوعه باوعت عمتي تبجي
كتلها بصوت خاااااوي وخائب
ها وكع
هزت راسها
تنهدت بحسره وبجيت واني اصرخ يممممممممه وينج يممممممه خلافج ما أعيش
وحووووووش وحوووش يمه اخذيني وياج كاااافي عذاب يمممه اليوم ضناي راح وخسرته بعد ما كعد بروحي اربع اشهر
يمه تقبلين اللي يصير بيه
وعمتي ماتتت بجي
التفت لكيت عمتي فاطمه
درت وجهي منها
كله من وراهم هي جانت تبجي
بس هي ورطتني
التفت عليها
كتلتلها
دموعي الها حووبه وحوبتي توكع
مثل ما خسرت طفلي
وذبيتوني يم واحد سكير وبس يضرب
تطلع حوبتي لا تخافين
واني ادري الله يمهل ولا يهمل
اجت الدكتوره طلعتهم لان صار عندي انهيار
لزمت ايدها
دكتوره مات ابني مو بجيت
عبالك ما مصدكه انو مات او ما ارتاح الاا اسمعها منها
كالت ايي حبيبتي وبعد ما يصير تجيبين
لان الطفل من مات جان جبير
بعد الدنيا ضلمت بعيني
ماكو شي بالحياه ماكو شعور ما جربته كولهن الحلوه والفراك والغصب والضرب والاهانه و ام تخسر ابنها هاي الوحدها تهد حيلي يمكن جنت عايشه ع امل طفلي بس هسه لا ألمن عايشه حتى طفل بعد ما اكدر اجيب
دعيت دعاء من اعماااااق كلبي ع الاذوني خصوصا ع فراس
نسبتي بالحمل صارت كولش قليله
كولشي بعيني مات نسيت شلون طعم الفرحه
نسيت شلون اضحك
نسيت كولشي
الااا مراد ياررربييييي لو متزوجه مراد مو بعد خمس اشهر ابني بحضني ليش ربي ابجي والطم ع وجهي
نمت حتى اكل ما مشتهيه ابددددد هذا سادس وأحد بحياتي أخسره
امي
ابوي
اختي
صفيه
مراد
ابني
يعني لهادرجه اني ما لازم اعيش من اتذكر هالامور ابجي بغصه وعبره توصل لبلعومي
واردد ربي اني مسني الضر وانت ارحم الراحمين
اليوم صارت ببالي هالجمله لان ايست من الحياه لدرجه ايي لون بالحياه ماكو
ثاني يوم سجلولي ع خروجيه
عمي طلب انو اجي وياهم
بس اني رفضت خلااص هم ضحوا بيه وهسه شافقين علييي ما اريدها الشفقه عمرها الشفقه مو مقياس للمحبه ف اروح لبيت عيالي احسن ولو اني معندي بس بيت عيالي
دخلت لكيت اخواته ومرت امجد
محضريلي فراش جوه
كعدت ع الفراش
اجوي كرايبهم عمته وخالاته 2
بس
ولليل راحوا
اجت مرت امجد تريد توكلني اني ما اقبل
اصلا ما اشتهي
بقت تكولي العواض ع الله والله ينطيج ذريه
واني أهز راسي ادري هاي مجاملات الكل صار يكولي ياها
واني الصراحه صرت اختنك لان شافقين ع حالتي مخليلي كانونه
فراس ماكو
اللي اكتشفته من مرت امجد كالتلي عمج مرزله وابنه متعارك وياه
عمي مرزله ومراد متعارك وياه بعد ما عرف انو يضربني وخسرت طفلي وبعد ما يصير عندي
سألتها شلون عرف عمي انو هو يضربني
كالت من الدكتوره كالت اريد اسويي تقرير ع التعنيف والضرب اللي متعرضتله المريضة
بس الحجيه توسلت بالدكتوره وكم فلس سدوا التقرير
اخخخخخخ فراس قليل بحقه الاعدام
بجيت وصبرتني
كدرت امشي بعد اربع أيام
ادري مزودتها بس الضرب من فراس هو اصلا كسر جسمي
صعدت للغرفه
منضفينها ف
نمت
وكعدت
كالعاده نضفت وسويت غده
ما نطقت ولا كلمه واللي يشوفني يكوم يبجي حييل
فراس كاعد
كدامي واني ولا باوعت اله كارهته
صعدت فوك نمت
همزين ما اجاني
ثاني يوم
عمتي ماكو ادور عليها
ماكو
نظفت وطبخت وره شوي
اجت هي والبنات
ما حجيت ولا سألتها وين جنتي
جنت امسح بالغرفه مال عمتي
و هن د يحجون
ع مواصفات بنيه
ف أختهم ضمياء كالت
ايي فراس كال الأسبوع الجاي الخطوبه
مالتي وتباوعلي
اني انصدددددمت
بس ما بينت الهم طبعا
هذا الشي ميهمني ولا صرت اهتم وبااااارده
بس انصدمت شنو من بشر حتى انسانيه ماعنده يعني من
وكعت راساً ما اتحمل الاا يخطب وهاي امه اللي اكول عليها فقيره رايحه خاطبتله
يلا شعليه بيهم
طبه مرض عساه نارهم تاكل حطبهم
أنت تقرأ
عذابي ودموعي لأجلك
Romansaقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
