جنت حيييل دايخه وعيوني مورمه
رحت غسلت وجهي ورفعت شعري
بدلت بتراك لان اني متعوده هيج البس ماكو احد غريب وهو التراك مالتي عريض
خليت شال ع راسي
وخليت شوي مكياج
نزلت ما تريكت رأساً بديت بالشغل جان كووووومه شغل
وجايبين طباخ يطبخ النا
وشكد جدوره
رحت نظفت البيت لان لكيت محد منظفه
وغسلت الامواعين
وخليت عيني ع بنين و أراقب تصرفاتها واتبعها وين ما تروح سويت عليها حراسه مشدده
خلصت امواعين
وكعدت
اجه مراد كال اريد دبه غاز بسرعه
كالتله عمتي ايي تلكه بالمنور دبه غاز
كال خوش اجاه اتصال مفاجأ وراح يسولف
دخل اشرلنا جيبولي الدبه مال غاز بسرعه
كالت عمتي كومي شهلاء جيبيها
كتلها يا عمه وين اكدرلها اني
كالت خوش عندي جنه ولج انه بكدج ماكو شي ثكيل ما يتعب عليه
عمتي ام بنين كالت هيه هاي شنو الفاهيه
صرت عصبيه وشفت ما من وراهن خير وبس حجي
ومراد صاير عصبي
كمت دا اجيب الدبه مال غاز
ثكيله حيل اول ما شلتها طك ظهري
بس ما اهتميت
وصلت للمطبخ جان رجع طك ظهري هالمرا بعد حسيته وكف كولها سمعت صوت الطكه
صرخت اخخخخخ يمممه ظهررررييي
مراد سد الاتصال واجه يركض
بقه يرزل بعمتي
يردون يكوموني بس اني ما اكدر اكوم اوكف اصلاً
بقيت اون
كال مراد يمه العبايه بسرعه
شمروا العبايه عليه
واخذني مراد
اسامه اخو مراد سوالنا طريق لان هوسه زلم وكولشي
حتى وجهي مغطيه الي
صعدني بالسياره ورحنا للمستشفى
واني طول الطريق اوون
بوجع
مراد حسيت اعصابه تلفت
وصلنه للمستشفى
نزلت وجابولي سديه واجوا
علكولي مغذي
بعدين كالت الدكتوره لمراد
انته زوجها
مراد يي انه
كالت مفروض تخلوها متشيل شي ثكيل خصوصاً هيه بعدها بأول شهور الها
مفهمها حجيها
بعدين كالت الحامل مفروض متشيل شي ثكيل لان الطفل هسه بحاله خطره
مراد فتح عيونه بصدمه
كال حااامل !!
استغربت الدكتوره من رده فعلنا لان اني بقيت ابجي
كالت ليش متدرون
حالياً حاله الطفل ممستقره ح اكتبلها ع مقويات ومثبت تاخذهم ولازملها راحه تامه ومتشيل شي ثكيل
أنت تقرأ
عذابي ودموعي لأجلك
Romanceقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
