مرت الايام عادي كولش تحدد العرس مال بنين
واني دخلت بالشهر الثامن
صرت بالكوه أتحرك
جهزنه كولشي جبنه كاروك وسرير صغير
الكاروك بغرفتي
والسرير ورا ميصير عمره سنه او سنتين ينام هناك
وحضرنا الغرفه جانت بصفنا
ف فلشنا الحايط حتى اكدر اروحله بالليل وسوينه باب بس اليده مال باب ناصيه حتى يكدر يفتحها. ويدخل
يعني الباب تفصال خاص
وترسناها العااااب كووومه
باقيلي كم يوم وادخل بالشهر التاسع
جنت نايمه
كعدت ؏ أيد مراد تتلمس خدي
كال صباح الخير بطه
كومي سويلي ريوك اريد اروح للشغل
اول ما كمت حسيت ظهري حيييل وجعني
بعدين نزلت حضرت الريوك بس عمتي كاعده
اجت لويه قويه ببطني صحت اخخ يمه
كالتلي عمتي ها يمه شبيج
كتلها بطني تأذيني
كالت خاف هاي تشاليع
كتلها شنو تشاليع كالتلي عجايز كبل يسمنها تشاليع ( الطلوك الخفيف)
كالتلي هسه انتي بيا شهر
كتلها باجر ادخل بالتاسع
كالت بلكي قربت ولادتج
خليت الريوك
لمراد
واجه كعد ياكل
راح للشغل
بديت بشغلي
بعد ما تحملت
كتلها عمه الحكيليييييييي راح اموووتتتتت
اخخخ بطني
صعدتلي عمتي بسرعه هي وايه
شالوني بس اني عبالك جثه
كمت اصرخ ولج يمممممه ااخخخخخخخ راح اموووتتتتتت
كالتلي اتحملي خل اخابر على القابله ( الجده)
الحجيه كالت جيبوها يمي بين ما يجي واحد من الولد
كعدت بيبي تقره على راسي ايات
بس اني اطلك ومتأذيه حيل
جانت اللويات اخففف
نوب صارت حيييييل قويه
كمت اصرخ حييييل
دخل مراد يركض
ها شكو
كالتله الحك مرتك دا تجيب
جانوا ملبسيني عبايه
وعمتي حضرتلي الجنطه مال ولاده
واني جنت اصرررخ
حتى الشيوخ الي بالديوان سمعوا صوتي
اخذني مراد للقابله
دخلت كالت هاا بسم الله وبقت تسأل شكد صارلي
كالت هاي المره ولاده اليوم تولد
أنت تقرأ
عذابي ودموعي لأجلك
Romanceقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
