وصلنا للمستشفى
نزلنا عمتي ورحنا نركض بيها
اجت الدكتوره بسرعه حولتنا ع صاله الطوارئ
بقينا كاعدين برا ع ناررر
اجت الدكتوره
رحنا الها نركض
كالت الحجيه ضاربتها جلطه خفيفه الحمدلله كدرنا ننقذها
و لوما جبتوها بسرعه جان لا سامح الله فقدوتها
- هيَـﮫٰ ؛💚! حالياً بالصاله راح نحولها للردهه تكدرون تشوفونها وديربالكم عليها بغذائها وبمواعيد الادويه وقيسوا ضغطها وسكرها كل شوي واتهموا بيها راح اسجل الكم أدويه تأخذها
الف الحمدلله والشكر طبعاً اني حتى الي مأذيني ما احقد عليه بهيج مواقف او اتشمت بيه كولش انقهر
رحنا الها
الحمدلله ع السلامه عمه
الله يسلمج بنيتي
امجد خطيه بقى يبجي عليها احس امجد احسن بهوايه من فراس
كولش محترم ويحب اهله وما يأذيي احد
ويحب عائلته وخصوصاً مرته
الصراحه مرته حيل حبابه ف حقه يحبها
علكولها مغذي وابر انطوها وادويه
وردنا نرجعها للبيت بس كالوا لازم باجر بالليل يلا تكدر تطلع نريد نراقب وضعها من تتحسن نسجللها ع خروجيه
مرت امجد خطيه رجعها امجد للبيت
لان اطفالها بقوا لوحدهم والدنيا ليل ساعه ب 4 الفجر
توسلوا بيه ارجع لان تعبانه بس مقبلت كتلهم لازم اني ابقى اساعد عمتي اسبحها شي
عاد راحوا
خابرت ع تبارك طمأنيت عليها
كالت زينه ونايمه بغرفتي وقافلتها كتلها اني اتأخر باجر يلا ارجع وحجيتلها وضع عمتي خطيه بقت تبجي
كالتلي من وراي هيج صار بيها بقت تلوم بنفسها كتلها انتي معليج هو قدر الله وستر والحمدلله عدت ع خير
كالت ان شاء الله تتشافى بسرعه
سديته منها وكمت صليت
وكملت وغفيت لان جنت كولش تعبانه
صار دينا الصبح الساعه ب 7
لكيت عمتي كاعده
رحت يمها كتلها عمه تردين شي اخذج للحمام جوعانه ؟؟
كالتلي اخذيني للحمام
سندتها عليه
وكمت أتمشى بيها
جان امجد نايم بعده
اخذتها للحمام وكملت وغسلتلها ورجعتها
عاد من رجعنه
كعد امجد
كام راح جابلنا ريوك
خطيه
جايب جاي واجبان وصمون وجرك تحبه عمتي
اخذت الجرك وجاي
وكعدت اوكل بيها واشربها
لحد ما شبعت
اجت الدكتوره رجعت علكتلها مغذي
وضربتها إبره
ومشى الوقت صارت الصلاه رحت صليت بالمسجد الي يم المستشفى ما ادري ليش ما استنضفت المستشفى بعدين رجعت لعمتي
صار وقت الغده اجت مرت امجد خطيه مسويه غده انطتنا وكلنا عمتي واكلنا
بعدين كالتلي روحي ارتاحي اسبحي شي اني هنا بقيت
كالتلي شنو كله عليج
كتلها ليش اجيتي جان بقيتي يم اطفالج اني شعندي
جانت عمتي تباوع علينا وتبجي
كالت بناتي يدرن بيه ولا وحده اجتني وانتن جنايني تتعاركن لخدمتي
كتلها عمه عند الله تنحسب
راحت مرت امجد باست راسها
عاد خطيه امجد ابتله بينا رجعني للبيت
رحت سبحت ونمتلي شويه
العصريه كعدت
ضايجه سولفنا شوي اني وتبارك
عاد بقى بالي ع عمتي
كالت تبارك والله لو ادري بهذا الهمجي هيج فلا اتزوجه واني اكول شكو تكرهينه ومتغارين مني
كتلها من زمان
اكرهه
عاد صار المغرب كمت صليت وسوينا عشى كباب عروك وتبارك خابزه الظهر
طلعنا الخبز
وحضرت زلاطه
وسوينا بتيته وبيتنجان وطماطه حمس
كملنا
جنه حاسبين حساب عمتي وأمجد ومرت امجد
لان خابرونه كالوا راح نجيبها
اندك الباب رحت فتحته
دخلت عمتي
وصبينا العشا لبن ومي والكباب والباقي
كملنا عشا كمنا تلاثتنا نظفنا
ورا شوي كعدنه يم عمتي
اجن بناتها ولا عبالك هاي امهن هيج صاير بيها
شكلهن عادي
فاتن يتمضحكن
ويتشارون
بقن يمنا لل 11 بالليل راحن
صعدت جاي انام جان تندك الباب فتحته جان تدخل تبارك كالت اليوم انام يمج
مخبله انام يم الخبل كتلها يي عادي فوتي
اريد انام جان يدك الموبايل مالتي
جان مراد بقيت متصنمه
كلت حتى لو تعرف بيه احب مراد ما اريد اخليها تعرف انو اني ع تواصل وياه لان تعلمت من البشر غدار ع اي ثانيه ويغدر بيه
بقى الموبايل يرن وحده
سويته صامت
وبعده يرن
جان تكول تبارك هذا منو يدك
كتلها هاا
ااااا
بنت عمي مها
كالتلي ليش ما تجاوبينها شعدها تدك بهيج وكت اكيد عدهم مصيبه لا سامح الله
كتلها لااا
يمكن جهالها دا يلعبون بيه
سكتت والموبايل لحد الان يدك
اخر شي كالت اذا جهالها يدكون ميلحون هالكد كالت اكيد هاي مها
طفيت الموبايل
ونمنا
ل3 يندك الباب اكيد فراس
بقينا نايمين
كعدنا الصبح ونفس الروتين كل يوم
انطي لعمتي ادويتها بوقتهن
وهكذا تمر الايام
بيوم كاعدين العصريه فجأه تبارك تقيئت وانغمى عليها
لطمت ع خدي وخابرت امجد بسرعه خطيه هالرجل المسكين ابتله بس شنسوي الي عنده ما عليه اعتماد
اجه يركض هو ومرته
شلنه تبارك وللمستشفى
كالت الدكتوره خلي نسويلها تحليل مال حمل
دعيت من الله تطلع حامل لان اريد الزم طفل بأيدي والعب وياه وهيه مثل اختي اكيد اتمنى الها الخير
ورا شوي
طلع التحليل مالها
تبارك كاظم ... حامل مبروك
........ يتبع
أنت تقرأ
عذابي ودموعي لأجلك
Romansaقصه باللهجه العراقيه صاحبه القصه تشبه الصوره هاي 👆🏻 ضبطططططط كولش قصه عراقيه حقيقيه 100%
