عذابي ودموعي لأجلك

بارت 11

انصدمت
من حركه كلبي كمت رحت لعمو
الكل جانت موجوده حتى بيبي
وكفت بكل هدوء كدامه بس دموعي تنزل
شهلاء : هيج عمو هيج .....!!!!تفرط ببنت اخوك ليششششششش ليش تنطيني للغريب
عمو : لانج مو من ثوبنا
شهلاء : شنو مو من ثوبكم شنو اللي سويته غلط عمو انت تبريت من ابوي خليته يدور بهالدنيا ع الحنان انت حرمت اخوك الصغير من ان يعيش حياته مثل الناس انت خليت ام تتحسر ع صغيرها واني جار عليه الزمن وخلاني يمكم اني جنت مدللله أجيتك عمو دخيله وانت شيخ هيج تعامل دخلائك جاوبببببني
بعده واكف مثل الجبل اللي ما هزه ريح
زين يعني مراح تجاوبني اكولك شغله هاي دموعي اللي تنزلت بيها حوبه واني يتيمه و خلاااص اني ح اوافق ع الزواج وأروح منكم حتى ما أصير عاله ع كبلك وانسى عندك بنت اخو اسمها شهلاء من تطلع زفتي يعني طلعوني بتابوت ومن هذيج الساعه شهلاء ماتتتت
عمو : لا بارك الله بيج ع هلسان جنه لسان سا......طه
شهلاء : ما راح ارد لان ابوي رباني احسن تربيه
والتفت وأشوف بيبي منهاره من البجي وكعت وتخربطت
رحتلها مفزوعه بيبي احجي وياج بيبي جيبولي مي ايه جيبي مي بيبي اكعدي
كعدت سندتها وهي تباوعلي
بيبي : بعد بيبيتج غير اموتن اذا بعد ما ترديلنا
شهلاء :اسم الله عليج بيبي عمرج طويل
اخذتها لغرفتها
وأريد اروح لزمت ايدي
التفت الها محتاجه شي
بيبي وهي تبجي ادري بيج تحبين مراد وأنه ما بيدي شي أسويه واني اشوفج ورده تذبل يوم وره يوم
شهلاء : بجيت وشبكتها خلاص بيبي لا تتعبين نفسج هو الزواج قسمه ونصيب واني الظاهر مراد ما مقسوملي
بخيبه أمل ... نامي بيبي الله كريم
رحت لغرفتي ما نمت شبعت بواجي صارت ب 2 طلع مراد بس ما طلعت المن اروحله ازيدها عليه اوووف عمو ليش يعني حرم ابوي من أهله بسبب حبه وهسه دا تنعاد بيه اااااااخخخخخخخخ ربي ليش ليش ابجي واعصر بالمخده
اندك شباك الغرفه باوعت هذا مراد اشرتله روح
بقه واكف يباوع عليييي ويشرب الجكاره قوي قوي يخلصها ويرجع يورث ثانيه استمرينا ع هذا الوضع ساعه كامله هو يورث جكاره واني ابجي شفته فتح الباكين الثالث فتحت الشباك وجريت الباكيت منه
شهلاء : كافي مراد ختموا روحك روح مني
مراد : هاي ثاني وحده احبها وتروح مني ليششششش
شهلاء : مراد كاااافي خاف ع صحتك
مراد : انعل أبو الصحه يا صحه لا تخليني هسه اكفر
شهلاء
بقيت آبجي متوجعه
سديت البرده غصبا عني
ورجعت لفراشي
باوعت ع ايه نايمه صرت احسدها نايمه بدون هموم اخخخخخخخخخ ربي
كلت خلي انام والصباح رباح
نمت وكعدت ع صوت ايه
شهلاء اكعدي روحي للسوك انتي ومها وماما
حتى تجهزين لعرسج
كعدت بملللللللللللل فضيع
باوعت بالمرايه عيوني صايره حمر
رحت للحمام غسلت وجهي
التفت صدت عيني بعين مراد
جاي ينزل من الدرج
نزل عينه ودخل للاستقبال
اني هم رحت حضرت نفسي قميص طويل وبنطرون وتذكرت من رحت وي مراد للسوك اوووف نزلت دموعي غصب عني
اجت مها يله حبيبتي شتسوين
لهناك وسمعنه صوت حاد وشجار قوي طالع من الاستقبال
مراد : انهي عليها هي مو بت عمي
عمي بتهديد : لو تسويها مراد اتبره منك
مراد : ليش تلزمني من ايدي التوجعني
بس اذا تخطبلي بنين بقيها يمك ما اريدها
عمو : ولك انت طالعه عينك لاتنسى انه ابوك
بس هالبغداديه مسحت عقلك مسح
واشتد النقاش الحاد مراد يجر وعمو يعر وفاطمة تكولي كله من وراج إلزلمه وابني راح يتذابحون من وراج ام المشاكل
شهلاء
أوف استغفرلله هسه متخلص
طلع مراد من الاستقبال أخذ سويجه وطلع
واحنه رحنا للسوك
هنه يختارون واني بس اباوع واهز راسي
حتى مها اجت بصفي شبيج ياحضي انتي مو عروسه اختاري قابل احنه راح نلبس الملابس
شهلاء مها مالي خلك
مها تحبين مراد
شهلاء باوعت الها بخيبه ونصيت
مها اوووف
سكتتتتتت
اشترينا ملابس كوووووووومه نفتر لحد ما وصلنا لمكان نفسه الي أتذكره لحد الان من مراد تعارك وي الولد
باوعت بقهررررررر والعبره خنكت بلعومي بعد ما اتحمل ياناسسس احبه وأريد انساه  ماكو بكل مكان زارعله ذكره تبقى وياي
اوووووف
خلصنا ورجعنا
تغديت شي بسيط آكلي صاير قليل ومنعزله كووووووووولش
مو مثل اول ما اجيتهم
اعرف شهلاء القديمه ماتتت
اباوع ع حلقتي وأحس نفسي مقيده مو لابسه حلقه عبالك كلبش اني مو مثل كل بنيه تفرح بإلحلقه اني من اباوع عليها اتذكر الواقع المرير
اندك الشباك مراد مخلي كرسي وكاعد كل ما تجي عيني بعينه ينزل عينه يخاف لا يضعف كدامي
مطلع أغنيه حزينه متتتتتتتتتتتتتتت من البجي وهو يدخن
طلع الفجر وأذن المؤمن صوته كله خشوع اول ما سمعت المؤمن صارت عندي رغبه اصلي الفجر
عفت مراد مفتوحه البرده هو استغرب من شافني فرشت السجاده
عسى ولعل
صليت وقريت قران وهو يباوع الغرفه بردت جان بشهر ال 11 واني نعست شفت نفسي ساعه الاا ثلث بس اقره قران سديته و لميت السجاده فزت ايه تصلي بسرعه نزلت البرده كالت صباح الخير
شهلاء
صباح النور
اجت صلت واني نمت
كعدت ب 10 هم اروح للسوك رحنا اشترينا البقيه
بقه بس النيشان ع باجر و البدلات مال حنه والعرس هم باجر وحجز الصالون
كعدنه نشرب عصير
شفت مها باوعتلي وفتحت عيونها وشهكت
ولج شهيله ما حافه
شهلاء بكل برود ما احب احف
مها خاااب باع هاي البطرانه جا هنه بنات ما متزوجات يحفن مو انتي عرسج باقيله 3 أيام
امشي كومي للصالون ننظفلج جسمج ونحفلج ونصبغ شعرج
شهلاء اروح بس بشرط شعري ما اريد إصبعه لونه حلو
مها والله انتي مو صاحيه لا حف لا صبغ مرت الشهيد شهلاء
مها انتي بطرانه عوفيني اني بيا حال
رحنا للصالون حفيت حواجبي ونظفت جسمي
طلعت شفت شهلاء ثانيه
طالعه كوووووولش حلوه برزت معاني وجهي اكثر ونظف اكثر
مها تخبلين تجننننين
فاطمه اللهم صلي على محمد وال محمد عين الحاره بارده عليج
شهلاء
بتمللل تسلمون
رجعنا
تغدينا
وروتين مثل كل مره
واجه الليل شيخلصه اللليل...... حسرات وتنهيدات تشك صدري من كد ما اطلعها من اعمااااااااقي
اندك الشباك فتحت البرده
شفت مراد ما نزل عينه بقه صافن
كال بصوت يرجف وناصي
شهلااء احبج ..... يتبع
————————————————————
مشاهده ممتعه

ننوش