تحدت الطوفان الجزء الاول

الفصل .الاول

الحلقة الأولى رواية ( تحدت الطوفان ) بقلم:- أسماء أبو شادي Ana Amera Habeby
_______________________________
في احدى شركات مجموعة تاج الدين
( الفرع الرئيسي الذي يضم كل المتعلق بالشركات الأخرى )

كل الموظفين يعملون بهمة كبيرة لا أحد يضيع وقته بالثرثرة مع غيره بل كلاً منكب على عمله لكي يثبت كفائته وأنه يستحق أن يكون موظف بمجموعة تاج الدين ذلك الصرح الشامخ

خرجت سيلين من مكتبها واتجهت إلى مكتب أخيها بخطوات واثقة وعيون بها قوة تضيف جمال إلى جمالها استمعوا الموظفون إلى خطوات كعبها الرنان فوقفوا تحيةً لها ولكنها لم تبالي لذلك

سيلين إلى السكرتيرة / محمود بيه عنده حد جوه

السكرتيرة / لا يا فندم لسه آخر عملاء خارجين من عنده

سيلين / اوكيه ( واتجهت إلى مكتب أخيها ولكن استوقفتها السكرتيرة قائلة )

السكرتيرة / كل سنة وحضرتك طيبة يا بشمهندسة سيلين

سيلين بأبتسامة بسيطة / وانتي طيبة

دخلت سيلين مكتب محمود بعد ان إذن لها بالدخول

محمود بأبتسامة / حبيبتي انتي لسه مامشتيش

سيلين / لا يا قلبي كان عندي شغل كتير

محمود بجدية / يعني هو الشغل دا ماكنش ينفع يتأجل. انتي عيد ميلادك بكرة. ماكنش لازم تيجي النهاردة أساسا

سيلين بأبتسامة / يا قلبي أديك قولت بكرة وبعدين مش كفاية ان بكرة في اجازة لكل الموظفين والشغل بيتعطل كمان عايزني اعطله النهاردة

محمود بأبتسامة/ انتي عارفة انا اد ايه بحب الشغل وضد التعطيل لكن دا نظام مجموعة شركاتنا كلها من يوم ما حضرتك شرفتي الدنيا بابا الله يرحمه خلى اليوم ده بالنسبة للكل عيد واجازة رسمية ومكافأة سنوية

سيلين / الله يرحمه ويجعل مثواه الجنة

محمود / امين. المهم الحفلة بكرة الساعة 9 ياريت تكوني جاهزة وتعرفي اصحابك

سيلين / اوكيه. أنا دلوقتي همشي هروح الشركة التانية علشان في اجتماع مهم للموظفين هناك وعمي عادل طلب مني احضره

محمود بجدية / طيب اوكيه بس بعد الاجتماع تمشي علطول مافيش شغل تاني النهاردة
@@@@@@@@@@@@
في مقر وحدة مكافحة الإرهاب

فارس :- زميل أسر في العمل ونفس الفريق مع بعض ولكن أسر هو قائد الفريق
فارس صديق مقرب من سيلين و زوجته ( نها ) أيضا تعتبر أقرب صديقة إلى سيلين ( هبقى انزلكوا صورهم )

فارس / يلا استأذنكوا أنا علشان ورايا مشوار مهم

أسر / ايه يا بني لحقت انت لسه جاي من شوية