الحلقة (13) رواية( تحدت الطوفان) بقلم:- أسماء أبوشادي
__________________________________
فتحت سيلين الباب واتفاجأت بوجود أخيها أمامها
محمود برجاء / تسمحيلي ادخل بيتك يا سيلين
سيلين بجمود / جاي ليه
محمود / محتاجلك. محتاجك يا أختي يا بنتي يا نن عين اخوكي
( دخلت سيلين ودخل هو خلفها )
سيلين/ ادامك 5 دقايق قول اللي عندك وامشي
محمود / ارجعي كفاية دنيتنا من غيرك بايظة واختفى منها الفرح وكلها بقت سودة
كفاية غياب شهور طويلة
سيلين/ أظن اني قولتلكوا تنسوا الموضوع ده خالص انا قررت اعيش حياتي ومش هرجع في قراري حتى لو بعد سنين مش شهور
محمود / طيب هو انتي ماكنتيش عايشة حياتك عمر اي حد منعك عن حاجة بتحبيها أو حاجة عايزاها
سيلين/ لو خلصت كلامك اتفضل أمشي ولاخر مرة هقولهالك مش عايزة حد يكلمني تاني في الموضوع ده
محمود بحزن شديد/ انا عارف انك ممكن تكوني كرهتيني وأنا بالنسبة ليكي قاتل. بس صدقيني أنا عملت كدة علشانك ومش ندمان ولو رجع بيا الزمن تاني هعمل كدة وانتي مفروض ماتزعليش عليها يمكن تكون هي اللي ولدتك لكن الست دي اصلا ماتستهلش زعلك عليها أو عشانها
سيلين / ومين قالك انى زعلانة عليها او علشانها
محمود / لو انتي مش زعلانة علشانها ليه بعدتي عننا ليه افترقتي وفرقتي معاكى العيلة كلها
سيلين / اولا انا مافرقتش العيلة أنا بس قررت أن أعيش لنفسي وكفاية اضيع من عمري على سراب. ثانيا وده الاهم انت ما اقتلتهاش هي ماتت لوحدها
محمود بأستغراب / نعم ازاي
سيلين/ انت ما قتلتهاش اصلا الحادثة اللي انت دبرتهالها هي طلعت منها سليمة وماحصلهاش حاجة خالص
محمود / أومال ماتت أزاي
سيلين/ كانسر. كان عندها سرطان بالمخ وماتت بسبب تأزم حالتها اكتر
محمود/ وانتي تعرفي الكلام ده من امتى
سيلين/ من زمان. من قبل ماتموت اصلا
محمود بعصبية / وماقولتليش ليه الكلام ده
سيلين بلا مبالاة/ واقولك ليه ماتفرقش معايا هي ماتت أزاي وماكنش فيه مناسبة اقولك انك مالكش ذنب فى موتها
محمود / طب لما انتي عارفة ان ماليش ذنب فى موتها وأن ماحدش في العيلة له يد في أنها تغور من الدنيا دي. ليه بقى كل اللي انتي بتعمليه ده
ليه بتعاقبينا على حاجة مالناش ذنب فيها.
سيلين بوجع / انا مش بعاقبكوا
محمود / أومال تسمى اللي انتي بتعمليه ده ايه
انتي عارفة حياتنا من غيرك بقت عاملة أزاي
أنت تقرأ
تحدت الطوفان الجزء الاول
Romanceبقلم اسماء ابو شادي اميره السعاده رواية ( تحدت الطوفان ) هو في غضبه طوفان يطيح بمن حوله لا يستطيع أحد مواجهته في غضبه هي تجمعت بها كل الصفات ونقيضها فكانت مدللة عائلتها وهو يكره دلالها ولكن عشقها عشق الجنون ولكن هي أصرت وأقسمت على تحويله من ا...
