تحدت الطوفان الجزء الاول

الفصل الثاني عشر

الحلقة (12) رواية( تحدت الطوفان ) بقلم:- أسماء أبوشادي
_________________________________
في منزل سيلين
وتحديدا في الحديقة أمام المنزل

حيث تتبادل سيلين مع فارس الضربات الموجعة
( دا اللي هو بيسموه تدريب يعني )
سيلين كانت عنيفة بشدة حتى أثناء دورها في الدفاع عنيفة

فارس بتعب وهو يتصدى لضرباتها / يخربيتك أنا مش نرمين و ربنا أنا فارس

سيلين وهي تسدد اليه الضربات / صدقني انا لو اتخيلتك هي هاكلك بأسناني ( انتهت سيلين من تسديد 5 ضربات ولكن تصدى لهم فارس ببراعه فهو رجل الشرطة ذو العضلات القوية والتمرينات الشاقة )

فارس وهو يسدد اليها الضربات / متوحشة اخدتي دورك قابلي بقى

سيلين وهي تتصدى له / ماتتساهلش معايا يا فارس اضرب بكل قوتك

نها وهي تراقبهم / الله يحرقكوا انتوا الإتنين.ويحرق تمرينكوا وتحديكوا لبعض ماتسمعش كلامها يا فارس

فارس لسيلين / يا بنتي انا مش عايز اتغابى عليكي.

( هذه لعبة بينهم كلً منهم يسدد خمس ضربات الى الآخر.
فارس يضرب الخمس ضربات وسيلين تصد.
سيلين تضرب الخمس ضربات وفارس يصد )

سيلين وهي تأخذ دورها في أن تضربه / مش عايز تتغابى خلاص سيبني أنا أعمل ده بدالك

( سددت له سيلين أربع ضربات تصدى لهم وفي الخامسة أصابته لكمة قوية في وجهه وفي هذه الأثناء دخل أسر الذي قد أتى لكي يجبر سيلين على أن تخبره أين كانت في الامس )

اغتاظ فارس من ضربة سيلين القوية. وأخذ دوره في تسديد الضربات ولكن بقوة اكبر من الأول

أسرع آسر اليهم و دفع سيلين بعيدا و سدد لكمة لفارس اوقعته ارضاً

نها بفزع / فااااارس

فارس بأبتسامة/ اهدي حبيبتي انا كويس

آسر بغضب وهو يتقدم منه / وأنا بقى مش هخليك كويس بترفع ايدك على بنت عمي

سيلين وهي تأخذ أنفاسها المتلاحقة / اهدا يا اسر دا تمرين. هو بيعلمني مش اكتر وأنا اللي طلبت منه كدة

آسر بغضب/ تمرين ايه ده اللي يخليكي تضربيه بالشكل ده وهو يردلك الضربة

قام فارس من الأرض وقال بمرح / مش ضربة واحدة دول خمسة

نها بضيق/ قولتلكوا مليون مرة بطلوا كدة لكن مافيش حد بيسمعلي وانتي يا ست سيلين اتفضلي اشربي العصير بتاعك

( جلسوا جميعا على كراسي في الحديقة حول طربيزة صغيرة. عليها بعض االطعام الذي حضرته نها من اجل سيلين وأيضا عصير لهم جميعا )

آسر / الطريقة دي ماتتكررش تاني سامعني

سيلين/ نعم. وأنت مالك اصلا وبعدين انت مش ملاحظ ان رجلك اخدت على بيتي كتير