تحدت الطوفان الجزء الاول

الفصل الرابع عشر

الحلقة(14) رواية( تحدت الطوفان ) بقلم:- أسماء أبوشادي
_________________________________
في منزل سيلين
الساعة 12 منتصف الليل

كانت سيلين تعمل على اللاب الخاص بها وتنهي بعض الأعمال المتوقفة عليها التي تخص الشركة التي تعمل بها حاليا

رن هاتف سيلين تطلعت إلى اسم المتصل الذي لم يكن سوى رحمة ابنة عمها

سيلين/ الووو

رحمة / سيلين أحمد بيتصل من بدري وماردتش عليه زي ما قولتي ولما اتصل كتير وأنا ماردتش بعتلي رسالة وقالي ردي احسنلك يا رحمة ماتعصبنيش. وأنا مش عارفة اعمل ايه.

سيلين بهدوء/ عندك برنامج تروكلر بتاع حظر المتصلين صح

رحمة / ايوة عندي

سيلين / يبقى زي الشاطرة كدة تحظري رقمه ولما تشوفي اتصالاته تجاهليها خاااالص ولو اتصل من رقم غريب وعرفتي أنه هو اقفلي السكة في وشه

رحمة بشهقة / لالا لا طبعا ماقدرش. سيلين ارجوكي هرد عليه مرة واحدة بس ومش هكلمه تاني

سيلين ببرود / لاء قولتلك ماترديش

رحمة بتوتر / وحشني صوته يا سيلين. ونفسي أسمعه

سيلين / طيب وإذا خليتك تشوفيه وتسمعي صوته وهو واقف ادامك

رحمة بفرحة / بجد يا سيلين

سيلين بحزم / أيوة بجد بس تسمعي كلامي واوعك تردي عليه خالص ولكي عليا اعلمهولك درس يخليه مايفكرش يبعد عنك تاني ابدا ولا يستهتر بحُبك ومشاعرك

رحمة ببكاء/ ربنا يخليكي ليا يارب. وأنا والله هسمع كلامك كله بس ساعديني يا سيلين واعملي زي مابتقولي كدة

سيلين/ طيب بس ماتعيطيش وخليكي قوية كدة واجمدي عشان المرحلة الجاية صعبة شوية واتفضلي روحي نامي عشان انا هتصل بيكي بدري اصحيكي عشان نروح الشركة

رحمة / حاضر

( أغلقت سيلين الخط مع رحمة ثم اتصلت ب ليلى وعندما اتاها الرد )

سيلين/ ايوة يا ليلى هو انتي نمتي يا حبيبتي ولا لسه صاحية

ليلى بتنهيدة/ لا يا سيلين لسه صاحية مش عارفة أنام

سيلين/ دلوقتي تنامي. المهم أحمد ممكن يتصل عليكي دلوقتي ويطلب منك تخليه يكلم رحمة.

ليلى / هو فعلا رن عليا من شوية مرة واحدة بس انا عملت زي ما قولتي وماردتش عليه

سيلين/ هيتصل تاني دلوقتي. ردي عليه وقوليله أنها نامت بدري عشان هتروح الشركة الصبح وهتبدا تشتغل واوعك تخليه يكلمها ماشي

ليلى بحماس/ ماشي ماتقلقيش هعمل زي ما قولتي يا سيلووو

سيلين/ طيب وحاولي تنامي عشان هصحيكي بدري يا قلب سيلووو وعيزاكي تبقي مركزة بكرة تمام