الحلقة (9) رواية( تحدت الطوفان) بقلم:- أسماء أبوشادي
___________________________________
سيلين بأبتسامة باهته / انا بنت حرام
صدمة ذهول دهشة عدم تصديق
محمود بصوت عالي/ سيلين قولتلك قبل كدة ماتنطقيش الكلمة دي ابدا
سيلين بجمود / ليه مش هي دي الحقيقة. غريبة اوي الناس دايما الحقيقة بتضايقهم
آسر / ي يعني انتي. انتي مش بنت عمي يوسف وطنط سناء
سيلين بسخرية / لا. أنا بنت عمك يوسف لكن مش بنت طنطك سناء
عادل بجدية/ لا يا سيلين سناء هي امك ال
سيلين تقاطعه / خلصنا أنا مش جاية اناقش علاقتكوا الأسرية أنا جيت اقولك يا محمود بيه انك ما التزمتش بكلامك انك مش هتتدخل في حياتي وبكدة أنا هسيب مصر كلها
محمود / مش هسمحلك يا سيلين
سيلين/ وأنا مش هستناك تسمحلي أو لاء أنا هعمل اللي يريحني
عادل / مش انتي اللي يريحك ان ماحدش يتدخل في حياتك أنا اوعدك ان مافيش مخلوق هيتدخل تاني بس انتي خليكي هنا في القاهرة
سيلين/ انا مش مضطرة اسمع كلام حد وخصوصا أنتوا
محمود برجاء / سيلين ارجوكي. ورحمة بابا لتفضلي في القاهرة هنا واعيشي لوحدك زي ما انتي واعملي اللي انتي عايزاه
عادل / سيلين اخوكي بيترجاكي وأنا كمان بترجاكي اعملي كل اللي انتي عايزاه وماحدش هيتدخل لكن بلاش تبعدي اوي كدة
سيلين بتنهيدة/ دي آخر فرصة اديهالكوا لو حد فيكوا اتدخل في حياتي من قريب او من بعيد هنسى اصلا انكوا اخواتي
( خرجت سيلين وتركت قلب أخيها منفطر مكسور لأجلها وأسر مذهول من ما سمع لا يعرف كيف ذلك ولكنه عرف انها قد تحملت ما لا يقدر أحد على تحمله حتى هو نفسه )
آسر بحزم / بابا لو سمحت انا عايز افهم كل حاجة دلوقتي
اتجه آسر مع ابيه إلى مكتبه الخاص به
عادل / اقعد يا اسر وأنا هحكيلك كل حاجة
آسر / اتفضل انا اقعدت اهوه احكي
عادل / زمان من 26 سنة. عمك يوسف كان لسه شاب كان زكي جداً وبيحب شغله لكن للأسف كانت عينه زايغه مع انه كان متجوز اتنين اجمل من بعض و ربنا رزقه بمحمود وأحمد من سناء ومحمد من صافي ومع ذلك مابطلش نزواته
وقتها عمي الله يرحمه قرر يعمل فرع لشركتنا في لبنان وكان لازم يوسف يروح هناك علشان يشرف على كل حاجة لأنه هو اللي يعتمد عليه اكتر مني انا وسامي وكمان له علاقات مع ناس مهمه هناك ويقدر يخلص الشغل بسرعة
سافر يوسف وقعد هناك أسبوعين وبعدها افتتح الفرع هناك وعمل ضجة كبيرة ورجع مصر بعد الافتتاح علطول
بس كان بيسافر كل اسبوع يقعد هناك يوم أو يومين بالكتير ويرجع.
بعد شهر من افتتاح الشركة اتفاجات بيوسف بيكلم جدك وعايز يتجوز واحدة لبنانية طبعا جدك رفض لأنه متجوز اتنين وعنده أولاد وماينفعش وقاله انه لو عمل كدة هيغضب عليه بس ....
( سكت عادل وتنهد بحزن دفين )
أنت تقرأ
تحدت الطوفان الجزء الاول
Romansaبقلم اسماء ابو شادي اميره السعاده رواية ( تحدت الطوفان ) هو في غضبه طوفان يطيح بمن حوله لا يستطيع أحد مواجهته في غضبه هي تجمعت بها كل الصفات ونقيضها فكانت مدللة عائلتها وهو يكره دلالها ولكن عشقها عشق الجنون ولكن هي أصرت وأقسمت على تحويله من ا...
