تحدت الطوفان الجزء الاول

الفصل الثاني والعشرون

الحلقة(22) رواية( تحدت الطوفان) بقلم :- أسماء أبوشادي
___________________________________
خرج أسر من القصر أمام الجميع وهو يسحب سيلين خلفه وهي تمشي معه بأستسلام تام
وعندما وصل اسر امام سيارته وفتح الباب لسيلين حركت رأسها بالرفض وأشارت على سيارتها

سيلين بصوت مجهد / لاء هركب عربيتي

آسر بهدوء / لا ما ينفعش تسوقي دلوقتي تعالي أنا هوصلك مكان ما انتي عايزة

سيلين / قولتلك مش هركب عربيتك أنا

آسر / طيب خلاص بس هركب معاكي وأنا اللي هسوق لاني مش هسمحلك تسوقي

سيلين / متشكرة لتعبك بس انا هعرف أسوق ماتشغلش بالك بيا

آسر وهو ينظر الى عينيها / ما اشغلش بالي بيكي. انتي شغلتي بالي وعقلي وقلبي ( تنهد ثم تحدث بمرح ) بطلي عناد يا ملكة كوكب العند

تحركت سيلين إلى سيارتها وتركته يقود هو

آسر يحاول أن يخرجها من تلك الحالة / لا بقى دا عربيتك ولعة آخر موديك نزل في بريطانيا وتقريبا التصميم ده نادر جدا. متدلعة انتي علي الآخر

نظرت سيلين إليه نظرة طويلة تحمل الكثير من الحديث ولكنها تنهدت بيأس

آسر لم يفهم نظرتها فعاد يقول / على فكرة انا مابحسدش ولا بأور عليكي أنا بس

( وإلى هنا وأرادت سيلين ان تلقنه درس ولكن بالبرود )

قاطعته سيلين/ انت بس بتطمن على فلوسك وفلوس شركات العيلة صح

آسر بأستغراب/ فلوس ايه

سيلين ببرود / ما تقلقش أنا اي مصاريف بصرفها أو حاجة بشتريها زي العربيات او غيرها من فلوسي الخاصة. لاني زي ما انت عارف بشتغل في الشركة من زمان ومنصبي مش قليل وطبعا كل صفقة أو مناقصة بنجح فيها ليا فيها نسبة يعني انا بصرف على نفسي

آسر بدهشة/ على فكرة انتي فهمتيني غلط انا ماقصدتش كدة

سيلين ببرود اشد وقد استعادت قوتها / ولا تقصد عادي يعني ماتفرقش

آسر بغيظ / سيلين ماتتكلميش معايا بالطريقة دي علشان مابحبهاش

سيلين/ دي مش مشكلتي ومايخصنيش انت بتحب ايه ومابتحبش ايه

( اوقف آسر السيارة على جانب الطريق بهدوء والتفت اليها )
آسر بتنهيدة / سيلين ممكن ماتتكلميش معايا كدة انا والله ماكنتش اعرف محمود هيعمل ايه مع اللي اسمه امجد ده هو طلب مني ابعد عنه وهو هيتصرف وأنا استحملت علشانك وبرغم انى كنت ببقى عايز اولع فيكوا واقتله لما بشوفكوا مع بعض إلا أني اتحملت ده علشان ما اتهورش وتضيعي مني

سيلين بسخرية / لا والله بتتعب اوى حضرتك.

آسر / حبيبتي افهميني