الحلقة الثالثة رواية( تحدت الطوفان) بقلم:- أسماء أبو شادي
______________________________________
رحمة وأحمد
أحمد / ممكن افهم انتي لاويه بوزك ليه دلوقتي
رحمة بتهكم / لا والله يعني انت ماتعرفش ليه
طبعا وأنت هتشغل نفسك بيا ليه خليك مركز مع البنات اللي في الحفلة
أحمد بغمزة / الله دا احنا بنغير بقى
رحمة بضيق / أمشي يا احمد روح شوف كنت بتعمل ايه
أحمد بجدية / رحمة بلاش الأسلوب ده علشان انتي عارفة انه بيضايقني وأنا غلطان اني جيت و وقفت معاكي. عن أذنك
رحمة بحزن / كدة يا احمد أهون عليك تزعلني وتمشي من غير ما تصالحني
أحمد بحنية / يا حبيبتي انا زعلتك في ايه بس
رحمة / يعني مش عارف. انت من اول الحفلة عمال تبص لدي ودي. وتعاكس دي وانا واقفة بتفرج عليك ومش قادرة اتكلم
أحمد بحب / حبيبتي انا عايزك تعرفي حاجة واحدة بس. انتي احلى واحدة شافتها عيني وصدقيني أنا يمكن اشوف واحدة حلوة استظرف معاها واشوف واحدة لابسه مش لابسه ارخم عليها. إنما والله انا عمري ما اقرب من واحدة تانية ولا حتى تملى عيني ولا تقرب من قلبي
رحمة بخجل / بجد يا احمد
أحمد بصدق / طبعاً يا حبيبة قلب أحمد و روح أحمد
رحمة / بحبك يا احمد
أحمد / وأنا بموت فيكي وهموت وأنا مستني اليوم اللي نتجمع فيه سوا. أنا بعشقك يا عيوني
@@@@@@@@@@@@@@@@@@@
رامي برومانسيه / نرمين حبيبتي شايفه انتي منورة الحفلة ازاي يا أجمل حاجة في حياتي
نرمين / الله يخليك يا حبيبي بس سيلين ايه خاطفة كل الأضواء
رامي يبحث بعينيه / هي فين صحيح أنا مش شايفها
@@@@@@@@@@@@@@@@@@@
آسر / ايه اللي انتي قولتيه دا
سيلين بصدق / بحبك ومش بس بحبك انا بموت فيك يا آسر. انت آسرني
أنا قولتهالك لانى عارفة انك عارف بس انا مش فاهمه ليه بتتجاهلني وبتتجاهل مشاعري
آسر بهدوء / بصي يا سيلين انتي جميلة وكل حاجة. بس مش انتي البنت اللي نفسي أكمل معاها
سيلين بصدمة / يعني انت في حد تاني في حياتك. بتحب حد يعني
آسر / لا لسه. بس مش معنى كدة انى بحبك انتي أو بميل ليكي لاء. وماتفتكريش كلامي معاكي من شوية كان غيرة عليكي. لا والله انا بس متضايق لأنك بنت عمي واختي كمان وشايفك لابسه كدة والناس كلها بتبص عليكي فلازم أتضايق لانى راجل ومقبلش كدة على اختي
سيلين ابتلعت غصتها / بس انا مش اختك يا آسر
آسر / بالنسبة ليا انا انتي اختي. صدقيني انا مش شايف فيكي البنت اللي انا نفسي أحبها وارتبط بيها. انتي حتى مش شبهها و لا
أنت تقرأ
تحدت الطوفان الجزء الاول
Romanceبقلم اسماء ابو شادي اميره السعاده رواية ( تحدت الطوفان ) هو في غضبه طوفان يطيح بمن حوله لا يستطيع أحد مواجهته في غضبه هي تجمعت بها كل الصفات ونقيضها فكانت مدللة عائلتها وهو يكره دلالها ولكن عشقها عشق الجنون ولكن هي أصرت وأقسمت على تحويله من ا...
