تحدت الطوفان الجزء الاول

الفصل العشرون

الحلقة (20) رواية ( تحدت الطوفان) بقلم:- أسماء أبوشادي
_______________________________________
أصعب إحساس في الدنيا هو القهر
انت من جواك مقهور وموجوع بس مضطر تضحك قصاد الناس وترسم على وشك معالم السعادة اللي مافيش في قلبك ذرة منها اصلا

هو ده اللي عملته سيلين. بتضحك وتستقبل التهاني والمباركات من الناس

ثم وجهت نظراتها الى عين محمود أخيها و لمحت بهم لمعة إنتصار جعلتها تيقن الحقيقة

أما محمود فحاول بشتى الطرق ان يخفي عينيه عن سيلين ويحافظ عي جموده لأنه يعلم أن شقيقته تكشفه بسهولة وتفهمه من نظرة عينيه فقط. فهي الوحيدة الذي لا يقدر أن يكذب عليها لأنها وبكل سهولة تقرأه من عينيه كالكتاب المفتوح
( ولكن لا يعلم أن سيلين بالفعل أيقنت أنه السبب في كل ما حدث )

وأخيرا انتهى الحفل الذي انهك قوة سيلين كلها واستنزف طاقتها

رحل جميع المدعويين ولم يتبقى سوا أفراد العائلة فقط وبرفقتهم نها و فارس. فبالطبع لن يتركوا صديقتهم في مثل ذلك الوقت

جلسوا جميعا على المقاعد في الحديقة في حالة من الصمت المريب

قطع ذلك الصمت عادل بصياح / انتوا هتفضلوا ساكتين كدة ما حد فيكوا ينطق ويفهمني ايه اللي حصل

محمود / ايه يا عمي في ايه حضرتك متضايق ليه دلوقتي

سناء بعصبية/ والله انت بتسأل.احنا عايزين نفهم ايه اللي حصل وفين اللي اسمه امجد ده وازاي اسر اتجوز سيلين

سامي / اهدوا بس يا جماعة خلاص اللي حصل حصل ودلوقتي سيلين بقت مرات اسر

( عند هذه الجملة رفعت سيلين رأسها ثم وقفت وبنظرات جامدة )

سيلين بأبتسامة وهي تنظر الى محمود / اممممم يعني خلاص اللي انتوا عايزينه عملتوه

أيقن محمود ان شقيقته فهمت انه السبب في ما حدث ولكنه تلاوع معها

محمود / صحيح اني وافقت على امجد ده علشان انتي كنتي مصممة عليه لكني دلوقتي مبسوط جدا ان الكلب ده سافر

تحركت سيلين بخطوات ضائعة ونظرات عينيها تتنقل بين اشقائها و الموجودين جميعا في محاولة منها أن تستكشف من منهم كان علي علم بذلك

سيلين بهمس مسموع وتمتمه / اللي مني مزعلني اهمممم اللي مني مش راحمني ااااااه عايزين اييييه مني

( ثم وقفت أمام آسر وهي تنظر إلي عينيه مباشرةً )

سيلين بهدوء / معاهم صح. ( هرب اسر بنظراته منها وبداخله شعور بالندم أنه قد تسبب في كل تلك الآلام الموجودة بعينيها فأكملت سيلين ) اوه شت

ليلى / سيلين هو في ايه وبتكلمي ابيه كدة ليه

سيلين / مافيش . فعلا مافيش واللي حصل من شوية كان مهزلة وأنا ماليش فيها علشان كدة هنهيها وكأنها لم تكن