الحلقة (5) رواية( تحدت الطوفان) بقلم:- أسماء أبوشادي
_____________________________________
آسر بغضب شديد / نعم يعني ايه سابت البيت وعايشة لوحدها ( ثم نظر إلى أبوه ) بابا الكلام ده صح
عادل بتنهيدة/ أيوة يا آسر صح علشان كدة بقولك روح الشركات وساعد ولاد عمك لأن من بعد ما سيلين مشيت والأمور بقت صعبة والحمل تقل عليهم. حتى رامي ابن عمك ساب الشركة اللي كان شغال فيها ونزل معاهم
آسر بصوت عالي / يولع الشغل وتولع الشركات كلها أنتوا ازاي تسمحولها أنها تعيش لوحدها كدة
سامي / غصب عنها يا آسر وهي مرتاحة كدة خلاص خليها بدل ماتعيش وسطنا وتبقى تعبانة
آسر بغضب أشد / ليه ان شاء الله بقينا عايشين في امريكا وأنا معرفش
( قام آسر وتوجه إلى الخارج )
عادل / آسر. آسر انت رايح فين
آسر بغضب/ هروح أجيبها هنا حتى لو حكمت اني اشيلها غصب عنها طلاما الرجالة أخواتها مش قادرين عليها
عادل بصوت عالي/ احترم نفسك يا آسر ومالكش دعوة بالموضوع ده.
آسر بغضب/ يعني ايه ماليش دعوة
عادل / يعني ماتدخلش . من امتى وأنت بتهتم بالعيلة أو اللي بيحصل فيها وكنت فين انتي لما ده حصل. بقولك ايه خليك زي ما انت بعيد وماتحاولش تدخل في الموضوع ده احنا ماصدقنا الأمور هديت
آسر / هديت وبنت من العيلة عايشة لوحدها
سامي / سيلين مش اى بنت وهي قوية وتقدر تعتمد على نفسها وتحافظ كمان على نفسها كويس
آسر بغضب/ اهو كلامكم ده اللي شجعها على كدة
عادل / آسر احترم نفسك وقولتلك مالكش دعوة بالموضوع ده وخليك في حالك و حياتك زي ما انت طول عمرك كدة
آسر بضيق/ ماشي يا بابا هخليني في حالي وحياتي بس ممكن الأول اعرف ايه السبب في ده كله
عادل / حاجة ماتخصكش ولا تخص اي حد غير سيلين
@@@@@@@@@@@@@@@@
في بيت سيلين
سيلين بأبتسامة مجاملة/ منورة يا نرمين كولي انتي ليه مش بتاكلي
نرمين بسهوكة/ اصلي عاملة رجيم
رامي / فكك من الرجيم ده يا نيمو دلوقتي وكولي دا اكل سيلين لا يعلى عليه
سيلين / اطمني نرمين الأكل مافيهوش دهون. وصحيح طعمه حلو لكن كمان مطبوخ بطريقة صحيه
نرمين بأبتسامة مزيفة / تسلم ايدك . صحيح انتي هترجعي اسكندرية امتى
رامي / ايه يا نيمو هي لحقت جت علشان ترجع دا سؤال برضوه
نرمين/ عادي يا حبيبي أنا مش قصدي حاجة يعني انا بسأل بس
سيلين بأبتسامة / ولا يهمك أنا هرجع اخر الأسبوع واحتمال قبل كدة
أنت تقرأ
تحدت الطوفان الجزء الاول
Romanceبقلم اسماء ابو شادي اميره السعاده رواية ( تحدت الطوفان ) هو في غضبه طوفان يطيح بمن حوله لا يستطيع أحد مواجهته في غضبه هي تجمعت بها كل الصفات ونقيضها فكانت مدللة عائلتها وهو يكره دلالها ولكن عشقها عشق الجنون ولكن هي أصرت وأقسمت على تحويله من ا...
