الحلقة (10) رواية ( تحدت الطوفان) بقلم:- أسماء أبوشادي
__________________________________
سيلين بقوة تحمل الاستهزاء / هههههههههههههههه
دلوعة ها بص يا آسر اولا. أنا حالياّ الحمد لله عايشة حياتي وتمام التمام مش هكدب عليك واقولك ان اللي عرفته كان سهل عليا لاء كان صعب جدا. اصعب من ما تتخيل. لكن انا الحمد لله تخطيته لاني اقوى من اي صعب
ثانيا ودا الاهم أنا ماكنتش عايشة حياتي طبيعية بالعكس انا ماعيشتش غير دلوقتي يعني نظراً لحياتي سابقً حياتي دلوقتي أفضل مليون مرة. وأنا مش محتاجة حاجة من حد ولا محتاجة حد في حياتي. أنا بعيش لنفسي وبنفسي
كالعادة سكت آسر ادام سيلين لانها فعلاً فجأته بكلامها وقوتها
رسمت سيلين الابتسامة على وشها وقامت وقفت / عن اذنك أنا هدخل انام نورت يا ابن عمي
تركته سيلين ودخلت بيتها طلعت على أوضتها واخدت شور ولبست البورنس وخرجت قعدت ادام المراية علشان تمشط شعرها
بصت في المراية لوشها
سيلين بضحكة وجع / هههههههههههههههه جاي يكلمني ويخفف عني إذا كنت انا كل لما ببص في المراية بتوجع وبتألم ( اتنهدت تنهيدة طويلة ) اللي جوايا كتييييير وماينفعش يطلع
وأنا ماينفعش أضعف ابدا لازم أفضل قوية.لو مش عشان نفسي يبقى علشان اللي حوليا اللي هو بيقول انى انا محور حياتهم هههههههههههههههه وبيحسدني على كدة. عبييييييط مايعرفش يعني ايه يشوف اللي منه بيتوجع وهو السبب ولا يعرف يعني ايه الغدر من اقرب ناس ليك بيحسدني على حياتي اللي انا شايفه انى ضيعتها
ضيعت طفولتي وأيام مراهقتي. ضيعت 24 سنة بدون ما اعمل حاجة انا عايزاها لنفسي وفي الاخر كله طلع كذب وخداع وانانية و وهم وحاجات ماتستاهلش
@@@@@@@@@@@@@@@@@@
تمر الأيام على الجميع
آسر يذهب كثيرا الي منزل فارس حتى يتقرب منهم جميعا واهم شئ يتقرب من سيلين.وكمان بيساعد والده وأولاد اعمامه في إدارة شركات العيلة
واللي ملاحظه ان سيلين حتى صحابها بعيدة عنهم حتى لو قاعدة معاهم بتكون ساكتة أحيانا وأحيانا تانية بتشاركهم الضحك والكلام لكن هو عارف ان الضحك ده مش من قلبها.
وأخيرا اعترف لنفسه انه بيحب سيلين مش بس بيحبها هو بيعشقها ومش من دلوقتي من زمان اوي
أما سيلين فهي في حياة لوحدها دايما مع الكل بس مش معاهم بكيانها
وبتتجاهل اتصال سناء ولا مرة ردت عليها برغم الرسايل اللي بتبعتهالها
و على اتصال دائم ب أمجد وبيتكلموا كتير في التليفون وحياتها مستقرة الي حد ما
أما رامي فمشغول جدا ومتضايق لأنه خسر صفقات كتير واهمهم آخر صفقة دي ومش عارف ايه السبب هو صحيح بشمهندس تكنولوجي شاطر لكن كمدير شركة مش شاطر في الادارة أو مش زكي بدرجة زكاء سيلين علشان يعرف بيخسر ليه
نروح بقى لرحمة
حزينة جدا وكأنها زهرة ولما اللي بيهتم بيها ويسقيها غاب عنها دبلت واوراقها نشفت
أنت تقرأ
تحدت الطوفان الجزء الاول
Romanceبقلم اسماء ابو شادي اميره السعاده رواية ( تحدت الطوفان ) هو في غضبه طوفان يطيح بمن حوله لا يستطيع أحد مواجهته في غضبه هي تجمعت بها كل الصفات ونقيضها فكانت مدللة عائلتها وهو يكره دلالها ولكن عشقها عشق الجنون ولكن هي أصرت وأقسمت على تحويله من ا...
