الحلقة (15) رواية( تحدت الطوفان) بقلم:- أسماء أبوشادي
__________________________________
مر كام يوم على وجود سيلين في شركات تاج الدين
وطول الأيام دي آسر بينبهر اكتر بسيلين وعرف أنها فعلا يعتمد عليها لأن تقريبا كل العيلة بيعتمدوا عليها في كل شئ
وخصوصا ان في الفترة دي أخواتها اتفقوا انهم يجمعوا كل المشاكل والأزمات و الصفقات والمناقصات الكبيرة علشان يشغلوها بيها وتفضل وقت أطول في الشركة ويحاولوا يقنعوها ان هي ما ينفعش تسيبهم وكفاية عليها بُعد
لكن رغم كل ده سيلين كانت بكل سهولة بتحل اي مشكلة او عقدة كأنها مش موجودة وببساطة جدا. لدرجة ان اللي ادامها بيستغبى نفسه
أما آسر برغم انبهاره بيها إلا انه كان بيتجنن من تعاملها مع العملاء التلقائي واللي الأغلبية منهم بيعاملوا سيلين كأنهم اصحاب مش مجرد شغل وبس
واللي جننه اكتر انه كل مابيحاول يقرب منها هي بتبعد وبتتجاهله. وأي كلام منه خارج نطاق الشغل بتصده
أما رامي فبتدا ينسى نرمين وده بسبب الشغل الكتير اللي سيلين بتطلبه منه وكمان بتطلب منه يعلم ليلى ويدربها كويس ويفهمها كل حاجة هو بيعملها
هو مانسيهاش لا فاكرها لكن مش بتشغل تفكيره زي الاول ودي حاجة مريحاه جدا
وكمان ليلى مبسوطة جدا وبتقرب منه يوم بعد يوم
أما رحمة. فسيلين بتدربها بنفسها ومابتبعدهاش لحظة عن عنيها علشان متقربش لأحمد وخصوصا انه بيتجاهلها
ورحمة بتسمع كلام سيلين وتنفذه لأن فعلا تصرفات احمد بتوجعها جدا وهي خلاص اقتنعت ان سيلين صح وهي غلط ولو أحمد فضل زي ماهو هي مش هترجعله حتى لو هتتعذب في بُعده
أحمد هيتجنن من رحمة لأنها ماحاولتش تكلمه ولا مرة واحدة من وقت مارجع من السفر ولا اتلهفت عليه زي كل مرة بيسافر فيها ويرجع
وبيتجاهلها علشان يعاقبها أنها ماردتش على اتصالاته قبل مايرجع ولما لقى ان هي مش فارق معاها ابتدا يستظرف مع الموظفات ادامها علشان يغيظها وهو عارف انها بتغير عليه جدا
لكن سيلين كانت بتجبر رحمة انها تتحكم في مشاعرها لأنها فاهمه دماغ احمد وعارفة هو بيفكر ازاي وكمان سيلين قررت تلاعبه بنفس سلاحه
سيلين دايما موجودة.
فأي مكان وأي حاجة وأي وقت ومع اي حد
مع رامي مع احمد مع ليلى مع رحمة مع العيلة كلها مع المشاكل. وكل حاجة في الشغل ومشاكله بالنسبالها ليها حل وتافهه كمان طلاما عيلتها بخير يبقى خلاص مافيش مشاكل اصلا
وبتكلم أمجد كل يوم في التليفون كتييييير علشان ماتحسش أنها بتظلمه ودا غير انها بتتابع شغلها في الشركة اللي بتشتغل فيها عن طريق اللاب بتاعها لان طبيعة شغلها عادي تقدر تخلصه بدون ماتروح الشركة
وكمان هي ملاحظة محاولات آسر لأنه يتقرب منها وتأكدت أن آسر في جواه مشاعر ليها ودا خلاها تتجنبه خالص
@@@@@@@@@@@@@@@@@@
في الشركة
كان فيه اجتماع مع أخواتها واعمامها علشان صفقة مهمه بعد اجتماعها مع المسؤلين عن الهندسة والبناء
بخصوص بناء فرع جديد للشركات بتاعتهم خاص بإنتاج الأغذية لأن مافيش لشركة الأغذية غير فرع واحد بس
في الاجتماع سيلين كانت مجتمعة مع المهندس المختص بتصميمات الفرع و معاها رحمة و رامي و ليلى وأحمد
والمهندس بيشرحلهم التصميمات بدقة عالية
أنت تقرأ
تحدت الطوفان الجزء الاول
Romantizmبقلم اسماء ابو شادي اميره السعاده رواية ( تحدت الطوفان ) هو في غضبه طوفان يطيح بمن حوله لا يستطيع أحد مواجهته في غضبه هي تجمعت بها كل الصفات ونقيضها فكانت مدللة عائلتها وهو يكره دلالها ولكن عشقها عشق الجنون ولكن هي أصرت وأقسمت على تحويله من ا...
